Wawukuzwile konke lokho ; wakubona; awuyikukumemezela na ? Ngikuzwisile okusha kusukela namuhla , yebo, nokusithekileyo ongakwazanga.

Okwake kwaba khona yikho okuyakuba khona , nokwake kwenziwa yikho okuyakwenziwa; akukho okusha phansi kwelanga.

Bhekani, ngiyakwenza okusha; kuyakuqhamuka manje, angithi niyakwazi na? Yebo, ngiyakwenza indlela ehlane nemifula kwahlongasibi.

Wayesethi kubo : Ngakho-ke yilowo nalowo mbhali ofundiselwe umbuso wezulu ufana nomuntu , umnumzane, okhipha engcebeni yakhe okusha nokudala. UJesu udelelwa emzini wakubo (Mark. 6:1; Luk. 4:16)

Akakho othungela isiziba esingakashukeki engutsheni endala , funa okusha okubekelwayo kuklebhule kwendala, kwande ukuklebhuka.

Ngakho sembelwa naye ngokubhapathizelwa kukho ukufa ukuba njengalokho uKristu wavuswa kwabafileyo ngenkazimulo kaYise , kanjalo nathi sihambe ekuphileni okusha.

Kanjalo uma umuntu ekuKristu , uyisidalwa esisha; okwakuqala kudlulile; bheka, sekuvele okusha.