¹ Ngokuba siyazi ukuthi uma indlu yethu yasemhlabeni eyidokodo idilizwa , sinesakhiwo esivela kuNkulunkulu , indlu engenziwanga n gezandla, eyaphakade, esezulwini. ² Ngenxa yalokho siyabubula , silangazelela ukwelakanyiswa ngendlu yethu yasezulwini, ³ ngokuba sembethe yona, asiyikufunyanwa sihamba ze. ⁴ Ngokuba thina esisekhona kuleli dokodo sibubula , sisindwa, ngokuba asithandi ukwamb ulwa kodwa ukwelakanyiswa , ukuze okufayo kugingwe ngukuphila. ⁵ Kepha owasenzela khona lokho nguNkulunkulu owasipha isibambiso esinguMoya. ⁶ Ngakho simi isibindi ngesikhathi sonke , sazi ukuthi, nxa ikhaya lethu lise semzimbeni, sahlukene nekhaya eliseNkosini; ⁷ ngokuba sihamba ngokukholwa, asihambi ngokubona; ⁸ simi isibindi, singathanda kakhulu ukwahlukana nekhaya elisemzimbeni , sihlale ekhaya eliseNkosini. ⁹ Ngalokho futhi , noma sisekhaya noma sahlukene nalo , sihlose ukuba sibe ngabathandeka kuye. ¹⁰ Ngokuba thina sonke simelwe ukubonakaliswa phambi kwesihlalo sokwahlulela sikaKristu , ukuze yilowo nalowo amukele njengalokho akwenzileyo esesemzimbeni, noma okuhle noma okubi. Ubukhulu benkonzo yokubuyisana ¹¹ Ngakho lokhu sikwazi ukwesaba iNkosi , siyabancenga abantu; kepha sibonakalisiwe kuNkulunkulu; ngiyethemba ukuthi nakuye unembeza wenu sibonakalisiwe. ¹² Asizincomi futhi kini , kodwa sininika ithuba lokuzibonga ngathi , ukuze nibe nakho okokuphendula abazibongayo ngokusemehlweni kungesikho okusenhliziyweni. ¹³ Ngokuba noma sigcwaneka, kungenxa kaNkulunkulu; noma sisangulukile, kungenxa yenu. ¹⁴ Ngokuba uthando lukaKristu luyasiqhubezela , sikubona lokhu ukuthi munye owafela bonke; ngakho-ke bonke sebafa; ¹⁵ wafela bonke , ukuze abaphilayo bangabe besaziphilela b ona, kodwa baphilele yena owabafelayo, wabuye wavuka. ¹⁶ Kanjalo thina asisayikwazi umuntu ngokwenyama ; nokuba besimazi uKristu ngokwenyama, nokho manje asisamazi. ¹⁷ Kanjalo uma umuntu ekuKristu , uyisidalwa esisha; okwakuqala kudlulile; bheka, sekuvele okusha. ¹⁸ Kepha konke kuvela kuNkulunkulu owenza ukuba sibuyisane naye ngoKristu, wasinika inkonzo yokubuyisana, ¹⁹ ngokuba uNkulunkulu ekuKristu wenza ukuba izwe libuyisane naye , engababaleli iziphambeko zabo, ebeka kithi izwi lokubuyisana. ²⁰ Ngakho singamanxusa kaKristu ngokungathi uNkulunkulu unxusa ngathi ; siyanincenga esikhundleni sikaKristu, sithi: Buyisanani noNkulunkulu. ²¹ Ongasazanga isono wamenza isono ngenxa yethu , ukuze kuyena senziwe sibe ngukulunga kukaNkulunkulu.