¹ Gcina unyawo lwakho , lapho uya endlini kaNkulunkulu , ngokuba ukusondela ukuyokuzwa kungcono kunokunikela ngomhlatshelo weziwula , ngokuba azazi ukuthi zenza okubi. ² Ungabi namawala ngomlomo wakho , nenhliziyo yakho mayingasheshi ukukhipha izwi phambi kukaNkulunkulu, ngokuba uNkulunkulu usezulwini , wena usemhlabeni; ngalokho amazwi akho mawabe yingcosana. ³ Ngokuba iphupho livel a ngemisebenzi emining i nephimbo lesiwula ngobuningi bamazwi. ⁴ Lapho wenza isithembiso phambi kukaNkulunkulu, ungalibali ukusifeza , ngokuba akathokozi ngeziwula: feza lokhu okwethembisayo. ⁵ Kungcono ukuba ungenzi isithembiso kunokuba uthembisa ungafezi. ⁶ Ungavumeli umlomo wakho uku ba wonise inyama yakho , futhi ungasho phambi kwesithunywa sikaNkulunkulu ukuthi kuyiphutha ; yini ukuba uNkulunkulu athukuthelele izwi lakho , achithe umsebenzi wezandla zakho , na? ⁷ Ngokuba lapho kukhona amaphupho amaningi, kukhona nokuyize namazwi amaningi, kepha wena yesaba uNkulunkulu. ⁸ Uma ubona u kudlovelwa kwabampofu nokuphangwa kokwahlulela nokokulunga ezweni , ungamangali ngakho , ngokuba omkhulu uqaphela omkhulu kunaye, futhi kukhona nabakhulu kunabo. ⁹ Inkosi esebenzela amasimu iyinsizakalo yezwe kukho konke. ¹⁰ Othanda imali akayikusutha ngemali , nothanda okuningi akaneliswa yizithelo; nalokho kuyize. ¹¹ Lapho okuhle kwanda , nabakudlayo bayanda ; kulusizo luni kumninikh o ngaphandle kokuba akubone ngamehlo akhe na? ¹² Ubuthongo besisebenzi bumnandi , noma sidla okuyingcosana noma okuningi, kepha ukusutha kocebileyo akumvumeli ukuba alale. ¹³ Kukhona ububi obudabukisayo engibubonile phansi kwelanga : ingcebo egcinelwe umniniyo ukuba imlimaze; ¹⁴ futhi uma ingcebo ichithw a ngengozi embi , indodana ayizaliley o ayinalutho esandleni sayo. ¹⁵ Njengalokho aphuma esizalweni sikanina , uyakubuye amuke , ahambe ze njengasekufikeni kwakhe , engatholi lutho ngomshikashika wakhe , ahambe nalo esandleni sakhe. ¹⁶ Nalokho kungububi obudabukisay o ukuthi uyamuka kukho konk e njengokufika kwakhe; unanzuzoni ukuthi ushikashikele umoya na? ¹⁷ Yebo, zonke izinsuku zakh e zisebumnyameni nasosizini , nasekukhathazekeni okuningi, nasekuguleni, nasekuthukutheleni. ¹⁸ Bheka, engikubonile mina ukuthi kuhle futhi kumnandi kumuntu kungukudla, nokuphuza, nokubona okuhle kuwo wonke umshikashika wakhe awushikashikayo phansi kwelanga zonke izinsuku zokuphila kwakhe uNkulunkulu amnika zona; ngokuba lokhu kuyisabelo sakhe. ¹⁹ Futhi bonke abantu uNkulunkulu abaphe ingcebo nemfuyo , abanike futhi namandla okud la kukho ukuba bathathe izabelo zabo , bathokoze ngomshikashika wabo lokho kuyisipho sikaNkulunkulu. ²⁰ Ngokuba akakhumbuli kakhulu izinsuku zokuphila kwakhe , lokhu uNkulunkulu emnika intokozo enhliziyweni yakhe.