¹ Izimpukane ezifileyo zenza amafutha omthaki ukuba anuke , abile; kanjalo ubuwula obuncane bulingana nokuhlakanipha nodumo. ² Inhliziyo yohlakaniphiley o ingakwesokunene sakhe , kepha inhliziyo yesiwula ingakwesokhohlo. ³ Yebo, nasendleleni esihamba ngayo isiwula, siyaphela ingqondo, sisho kubo bonke ukuthi siyisiwula. ⁴ Uma umoya wombusi ukuvukela , ungashiyi indawo yakho , ngokuba ukubekezela kuvimba izono ezinkulu. ⁵ Kukhona ububi engibubonile phansi kwelanga , bunjengephutha el ivela kumbusi: ⁶ ubuwula bubekwa ezindaweni eziningi eziphakemeyo , kepha abacebileyo bahlala kweziphansi. ⁷ Ngibonile izinceku zikhwele amahhashi , nezikhulu zihamba phansi njengezinceku. ⁸ Omba umgodi uyakuwela kuwo, nodiliza ugange uyakulunywa yinyoka. ⁹ Okhipha amatshe uyakulinyazwa yiwo, nobanda izinkuni uyakuba sengozini ngazo. ¹⁰ Uma insimbi ibuthuntu , umuntu engaloli usiko , uyakhamelela ngamandla; kepha okusizayo ukuphumelelisa kungukuhlakanipha. ¹¹ Uma inyoka iluma ingakalunjwa, umlumbi akasizi lutho. ¹² Amazwi omlomo wohlakaniphileyo anomusa , kepha izindebe zesiwula ziyasigwinya sona. ¹³ Ukuqala kwamazwi omlomo waso angubuwula , nokugcina kokukhuluma kwaso kungubuhlanya obubi. ¹⁴ Isiwula siyandisa amazwi, nokho umuntu akazi okuyakuba khona; nalokho okuyakuba ngasemva kwakhe, ngubani ongamtshela lokho na? ¹⁵ Umshikashika weziwula uyaziqoba, ukuze zingazi nokuya emzini. ¹⁶ Maye kuwe lizwe onkosi yakho ingumntwana , nezikhulu zakho zinedili ekuseni! ¹⁷ Ubusisiwe wena lizwe onkosi yakho iyindodana yabakhulu, nezikhulu zakho zinedili ngesikhathi, ziziqinise, zingadakwa. ¹⁸ Ngobuvila obukhulu indlu iyabola, nangokwenqena kwezandla iyavuza. ¹⁹ Idili lenzelwa ukuhleka , newayini liyenamisa ukuphila , kepha imali iyimpendulo yakho konke. ²⁰ Ungayiqalekisi inkosi nasemicaban gweni yakho, ungabathuki abacebileyo nasekamelweni lakho lokulala , ngokuba inyoni yezulu iyakulihambisa izwi , nokunamaphiko kuyakuyilanda indaba.