¹ Yonke inhlangano yabantwana bakwa-Israyeli yabuthana eShilo , yamisa khona itende lokuhlangana; izwe lanqotshwa phambi kwabo. ² Kwasala phakathi kwabantwana bakwa -Israyeli izizwe eziyisikhombisa ezingakabelwa ifa lazo. ³ UJoshuwa wathi kubantwana bakwa -Israyeli: Niyakuyekethisa kuze kube nini ukuya ukulidla izwe uJehova uNkulunkulu wawoyihlo aninike lona na? ⁴ Zimiseleni amadoda amathathu izizwe ngezizwe ; ngiyakuwathuma ukuba asuke ahambe ezweni, alilobe njengamafa azo, aze afike kimi. ⁵ Ayakwahlukanisa izabelo eziyisikhombisa: uJuda uyakuhlala emkhawulweni wakhe ngaseningizimu , indlu kaJosefa ihlale emkhawulweni wayo ngasenyakatho. ⁶ Anoloba izwe kube yizabelo eziyisikhombisa , nikulethe lapha kimi , nginenzele inkatho lapha phambi kukaJehova uNkulunkulu wethu. ⁷ Ngokuba amaLevi awanasabelo phakathi kwenu , lokhu ubupristi bukaJehova buyifa lawo ; oGadi noRubeni nenxenye yesizwe sakwaManase sebamukela ifa labo ngaphesheya kweJordani ngasempumalanga abanika lona uMose inceku kaJehova. ⁸ Amadoda ayesesuka, ahamba; uJoshuwa wayala abahambayo ukuba balobe izwe, wathi: Sukani nihambe ezweni , nililobe, nibuyele kimi , nginenzele inkatho phambi kukaJehova eShilo. ⁹ Ayesehamba amadoda , adabula izwe , aliloba ngemizi , kwaba yizabelo eziyisikhombisa encwadini; afika kuJoshuwa ekamu laseShilo. ¹⁰ UJoshuwa wawenzela inkatho eShilo phambi kukaJehova ; uJoshuwa wababela khona abantwana bakwa-Israyeli izwe njengezabelo zalo. Isabelo sakwaBenjamini ¹¹ Inkatho yadla isizwe sabantwana bakwaBenjamini ngemindeni yabo ; umkhawulo wesabelo sabo waphuma phakathi kwabantwana bakwaJuda nabantwana bakwaJosefa. ¹² Umkhawulo wabo ngasohlangothini lwasenyakatho waphuma eJordani ; umkhawulo wenyuka eceleni kweJeriko ngasenyakatho , wakhuphukela ezintabeni ngasentshonalanga; ukuphuma kwawo kwakungasehlane laseBeti Aveni. ¹³ Umkhawulo wasuka lapho , waya eLuze eceleni kweLuze eliyiBethele ngaseningizimu; umkhawulo wawusehlela e -Atharoti Adari ngasentabeni engaseningizimu kwaseBeti Horoni laseNzansi. ¹⁴ Umkhawulo wasuka , wajika ngasohlangothini lwasentshonalanga ngaseningizimu, kusukela entabeni ephambi kweBeti Horoni ngaseningizimu; ukuphuma kwawo kwakungaseKiriyati Bali eliyiKiriyati Jeharimi , umuzi wabantwana bakwaJuda; lokho kwakuluhlangothi lwasentshonalanga. ¹⁵ Uhlangothi l waseningizimu lwasuka ekupheleni k weKiriyati Jeharimi , umkhawulo waphuma waya ngasentshonalanga emthonjeni wamanzi aseNefitowa; ¹⁶ umkhawulo wawusehlela ngasekupheleni kwentaba engaphambi kwesigodi sendodana kaHinomu esiyisigodi samaRefa ngasenyakatho; wehlela esigodini sikaHinomu eceleni kwamaJebusi ngaseningizimu, wehlela e-Eni Rogeli; ¹⁷ wasuka enyakatho , waphuma e -Eni Shemeshi , waya eGeliloti elibhekene nommango wase-Adumimi, wehlela etsheni likaBohanu indodana kaRubeni; ¹⁸ wadlula waya eceleni elibhekene ne-Araba ngasenyakatho, wehlela e-Araba; ¹⁹ umkhawulo wadlula , waya eceleni kweBeti Hogila ngasenyakatho , ukuphuma komkhawulo kwakungasethekwini lasenyakatho koLwandle Lukasawoti ngasekugcineni kweJordani ngaseningizimu; lokho kwakungumkhawulo waseningizimu. ²⁰ IJordani lalingumkhawulo wal o ngasohlangothini lwasempumalanga . Lokho kwakuyifa labantwana bakwaBenjamini njengemikhawulo yabo nxazonke ngemindeni yabo. ²¹ Imizi yesizwe sabantwana bakwaBenjamini ngemi ndeni yabo yayiyiJeriko , neBeti Hogila, ne-Emeki Kesisi, ²² neBeti Araba, neSemarayimi, neBethele, ²³ ne-Avimi, nePhara, ne-Ofira, ²⁴ neKefari Amoni, ne-Ofini, neGeba, imizi iyishumi nambili nemizana yayo; ²⁵ iGibeyoni, neRama, neBeyeroti, ²⁶ neMispa, neKefira, neMosa, ²⁷ neRekemi, ne-Iripeyeli, neTarala, ²⁸ neSela, ne-Elefi, neJebusi eliyiJerus alema, neGibeyati, neKiriyati, imizi iyishumi nane nemizana yayo. Lokho kwakuyifa labantwana bakwaBenjamini ngemindeni yabo.