¹ Izwi likaJehova lafika kimi, lathi: ² Ndodana yomuntu , profetha uthi : Isho kanje iNkosi uJehova , ithi: Hhewulani, nithi: Wo ngalolo suku! ³ Ngokuba usuku luseduze , usuku lukaJehova luseduze ; luyakuba lusuku lwamafu nesikhathi sabezizwe. ⁴ Inkemba iyakulehlela iGibithe, kube yimihelo eKushe, lapho abagwaziweyo bewa eGibithe; bayakususa ingcebo yalo, kudilizwe izisekelo zalo. ⁵ IKushe, noPhuthi, noLude, nayo yonke ingxubevange yezizwe , neKhubi, nabamazwe ahlangeneyo bayakuwa nabo ngenkemba. ⁶ Usho kanje uJehova , uthi: Nabo abaliphasa iGibithe bayakuwa , ukukhukhumala kwamandla alo kuyakwehla ; kusukela eMigidoli kuze kube seSevene bayakuwa kulo ngenkemba, isho iNkosi uJehova. ⁷ Bayakuchithakala phakathi kwamazwe achithekileyo , imizi yalo ibe phakathi kwemizi echithekileyo. ⁸ Bayakwazi ukuthi nginguJehova , lapho sengiphembe umlilo eGibithe, bachotshozwe bonke abasizi balo. ⁹ Ngalolo suku k uyakuphuma izithunywa phambi kwami ngemikhumbi ukwesabisa amaKushe anokwethemba, kube yimihelo phezu kwawo ngosuku lweGibithe, ngokuba bheka, luyeza. ¹⁰ Isho kanje iNkosi uJehova , ithi: Ngiyakuqeda isixuku saseGibith e ngesandla sikaNebukadinesari, inkosi yaseBabele. ¹¹ Yena nabantu bakhe kanye naye , abesabekayo bezizwe , bayakulethwa ukuba bachithe izwe , bahoshele iGibithe izinkemba zabo , bagcwalise izwe ngabagwaziweyo. ¹² Ngiyakwenza imifula ishe, ngithengise ngezwe esandleni sababi , ngichithe izwe nokugcwala kwalo ngesandla sabafokazi; mina Jehova ngikukhulumile. ¹³ Isho kanje iNkosi uJehova , ithi: Ngiyakuzichitha izithombe , ngiqede onkulunkulu eNofi ; akusayikubakho sikhulu esivela ezweni laseGibithe , ngibeke ukwesaba ezweni laseGibithe. ¹⁴ Ngiyakwenza iz e iPhatirosi , ngiphembe umlilo eSowani , ngenze ukwahlulela eNo. ¹⁵ Ngiyakuthulula ukufutheka kwami phezu kweSini , inqaba yaseGibithe , nginqume isixuku saseNo. ¹⁶ Ngiyakuphemba umlilo eGibithe , iSini libe nemihelo emikhulu , iNo lifohlwe, iNofi lihlaselwe emini. ¹⁷ Izinsizwa zase -Aveni nasePhi Beseti ziyakuwa ngenkemba , imizi iye ekuthunjweni. ¹⁸ EThehafenehesi usuku luyakuba mnyama , lapho ngaphula khona amajoka aseGibithe, nokukhukhumala kwamandla kuyakuphela kulo ; lona-ke, ifu liyakulisibekela, namadodakazi alo ayakuya ekuthunjweni. ¹⁹ Ngiyakwenza-ke izahlulelo eGibithe, bazi ukuthi nginguJehova. ²⁰ Kwathi ngomnyaka weshumi nanye ngenyanga yokuqala ngolwesikhombisa lwenyanga lafika kimi izwi likaJehova, lathi: ²¹ Ndodana yomuntu , ngaphulile ingalo kaFaro inkosi y aseGibithe; bheka, ayiboshiwe ukuba kuthelwe imithi , kufakwe umzongolozelo wokubopha , ukuze iqiniselwe ukubamba inkemba. ²² Ngalokho isho kanje iNkosi uJehova , ithi: Bheka, ngimelene noFaro inkosi yaseGibithe; ngiyakwaphula izingalo zakhe, eqinileyo neyaphukileyo, ngenze ukuba inkemba iwe esandleni sakhe. ²³ Ngiyakubahlakazela abaseGibithe ezizweni, ngibasabalalisele emazweni. ²⁴ Ngiyakuqinisa izingalo zenkosi yaseBabele , ngibeke inkemba yami esandleni sayo ; kepha ngiyakwaphula izingalo zikaFaro , abubule phamb i kwami ngokububula kogwaziweyo. ²⁵ Yebo, ngiyakuqinisa izingalo zenkosi yaseBabele , izingalo zikaFaro ziwe , bazi ukuthi nginguJehova , lapho ngibeka inkemba yami esandleni senkosi yaseBabele; yona iyakuyelula phezu kwezwe laseGibithe. ²⁶ Ngiyakubahlakazela a baseGibithe ezizweni , ngibasabalalisele emazweni , bazi ukuthi nginguJehova.