¹ UMoya wangiphakamisa , wangiyisa esangweni lendlu kaJehova lasempumalanga, elibhekene nempumalanga; bheka, ngasesivalweni sesango kwakukhona amadoda angamashumi amabi li nanhlanu ; ngabona phakathi kwawo uJahazaniya indodana ka -Azuri noPhelathiya indodana kaBenaya , izikhulu zabantu. ² Wathi kimi: Ndodana yomuntu, yilawa madoda aceba okubi, anika iziluleko ezimbi kulo muzi, ³ athi: Akuseduze yini ukuba kwakhiwe izindlu ? Lo muzi uyikhanzi , thina siyinyama. ⁴ Ngalokho profetha ngabo, uprofethe, ndodana yomuntu. ⁵ UMoya kaJehova wehlela phezu kwami , wathi kimi: Yisho uthi: Usho kanje uJehova, uthi: Nisho njalo nina ndlu ka -Israyeli; ngiyazi mina okungena emoyeni wenu. ⁶ Nandisile ababuleweyo benu kulo muzi , nigcwalisile izitaladi zawo ngababuleweyo. ⁷ Ngalokho isho kanje iNkosi uJehova , ithi: Ababuleweyo benu enibabekile phakathi kwawo bayinyama , nawo uqobo uyikhanzi , kepha nina ngiyakunikhipha phakathi kwawo. ⁸ Niyesabile inkemba; ngiyakunehlisela inkemba, isho iNkosi uJehova. ⁹ Ngiyakunikhipha phakathi kwawo , ngininikele esandleni sabafokazi , ngahlulele phakathi kwenu. ¹⁰ Niyakuwa ngenkemba , nginahlulele emkhawulweni wakwa -Israyeli; nazi ukuthi nginguJehova. ¹¹ Lo muzi awuyikuba yik hanzi, nani aniyikuba yinyama phakathi kwalo ; ngiyakunahlulela emkhawulweni wakwa-Israyeli, ¹² nazi ukuthi nginguJehova , ngokuba anihambanga ngezimiso zami , nezahlulelo zami anizenzanga , kepha nenze njengezahlulelo zezizwe ezinihaqayo. Isiprofetho sokubuyiswa ¹³ Kwathi lapho ngiprofetha , uPhelathiya indodana kaBenaya wafa . Ngase ngiwa ngobuso , ngakhala ngezwi elikhulu , ngathi: O Nkosi Jehova , uyakwenza ukuba iphele insali yakwa-Israyeli na? ¹⁴ Izwi likaJehova lafika kimi, lathi: ¹⁵ Ndodana yomuntu, abafowenu, yebo, abafowenu abayizihlobo zakho nayo yonke indlu yakwa -Israyeli, bonke abakhileyo eJerusalema abashilo kubo ukuthi: Dedani kuJehova; leli zwe linikiwe thina libe yifa. ¹⁶ Thana ngabo: Isho kanje iNkosi uJehova, ithi: Noma ngibadedisele kude phakathi kwezizwe, ngabahlakazela emazweni, ngaba yindlu engcwele nokho kubo isikhashana emazweni ababehlakazelwe kuwo. ¹⁷ Ngalokho thana: Isho kanje iNkosi uJehova, ithi: Ngiyakunibutha ezizweni, nginiqoqe emazweni enihlakazekelwe kuwo, ngininike izwe lakwa-Israyeli. ¹⁸ Bayakufika khona, basuse lapho konke okuzondekayo kwalo nazo zonke izinengiso zalo. ¹⁹ Ngiyakubanika inhliziyo ibe nye, ngibeke umoya omusha phakathi kwabo , ngikhiphe inhliziyo yetshe enyameni yabo, ngibanike inhliziyo yenyama ²⁰ ukuba bahambe ngezimi so zami , bagcine izahlulelo zami , bazenze, babe ngabantu bami, mina ngibe nguNkulunkulu wabo. ²¹ Kepha labo abanhliziyo zabo zilandela izinhliziyo zokuzondekayo kwabo nezinengiso zabo , ngiyakwehlisela phezu kwamakhanda abo indlela yabo , isho iNkosi uJehova. ²² Amakherubi ayesephakamisa amaphiko awo namasondo ayeseceleni kwawo; inkazimulo kaNkulunkulu ka-Israyeli yayiphezu kwawo. ²³ Inkazimulo kaJehova yakhuphuka phakathi komuzi , yema entabeni engasempumalanga komuzi. ²⁴ UMoya wayesengiphakamisa, wangiyisa ngombono ngoMoya kaNkulunkulu eKalideya kubathunjwa. Wase wenyuka kimi umbono engiwubonileyo. ²⁵ Ngase ngikhuluma kubathunjwa zonke izinto uJehova angibonisile zona.