¹ Khona uJesu waholelwa nguMoya ehlane ukuba alingwe nguSathane. ² Esezilile ukudla izinsuku ezingamashumi amane nobusuku obungamashumi amane, wagcina walamba. ³ Kwafika umlingi, wathi kuye: Uma uyiNdodana kaNkulunkulu, yisho ukuba lawa matshe abe yizinkwa. ⁴ Kepha waph endula wathi : Kulotshiwe ukuthi : Akusinkwa sodwa umuntu ayakuphila ngaso kodwa ngamazwi onke aphuma emlonyeni kaNkulunkulu. ⁵ Khona uSathane wamthatha , wamyisa emzini ongcwele , wammisa esiqongweni sethempeli, ⁶ wathi kuye : Uma uyiNdodana kaNkulunkulu , ziphonse phansi ; ngokuba kulotshiwe ukuthi : Uyakuyaleza izingelosi zakhe ngawe , zikuthwale ngezandla, ungaze waqhuzuka etsheni ngonyawo lwakho. ⁷ UJesu wathi kuye: Kulotshiwe futhi ukuthi: Ungayilingi iNkosi uNkulunkulu wakho. ⁸ USathane wabuye wamyisa entabe ni ende kakhulu , wamkhombisa imibuso yonke yezwe nenkazimulo yayo; ⁹ wathi kuye : Konke lokhu ngizakukunika khona , uma uziwisa phansi , ukhuleke kimi. ¹⁰ Khona uJesu wathi kuye : Suka, Sathane, ngokuba kulotshiwe ukuthi : Wokhuleka eNkosini uNkulunkulu wakho, umkhonze yena yedwa. ¹¹ USathane wayesemshiya; bheka, kwafika izingelosi, zamkhonza. UJesu uqala ukusebenza eGalile. Ukubizwa kwabafundi (Mark. 1:14; Luk. 5:1) ¹² Kuthe esezwile ukuthi uJohane uboshiwe, wamuka waya eGalile. ¹³ Wasuka eNazaretha , weza wahlala eKapernawume elingaselwandle emikhawulweni yakwaZabuloni neyakwaNafetali ¹⁴ ukuba kugcwaliseke okwakhulunywa ngo-Isaya umprofethi ukuthi: ¹⁵ Izwe lakwaZabuloni nezwe lakwaNafetal i ngaselwandle ngaphesheya kweJordani, iGalile labezizwe, ¹⁶ isizwe esasihlezi ebumnyameni sibonile ukukhanya okukhulu , nababehlezi ezweni nasethunzini lokufa kuphumele kubo ukukhanya. ¹⁷ Kusukela kuleso sikhathi uJesu waqala ukushumayela nokusho ukuthi : Phendukani, ngokuba umbuso wezulu ususondele. ¹⁸ UJesu ehamba ngaselwandle lwase Galile wabona izelamani ezimbili , uSimoni othiwa uPetru no -Andreya umfowabo , bephonsa inetha elwandle ; ngokuba babe ngabadobi. ¹⁹ Wayesethi kubo: Ngilandeleni; ngiyakunenza nibe ngabadobi babantu. ²⁰ Base bewashiya masinyane amanetha, bamlandela. ²¹ Esedlulela phambili wabona ezinye izelamani ezimbili , uJakobe kaZebedewu, noJohane umfowabo, besemkhunjini kanye noZebedewu uyise , belungisa amanetha abo; wababiza. ²² Base beshiya masinyane umkhumbi noyise, bamlandela. ²³ UJesu walihamba lonke elaseGalile efundisa emasinagogeni abo , eshumayela ivangeli lombuso , ephulukisa abantu ezifweni zonke nasebuthakathakeni bonke. ²⁴ Udumo lwakhe lwezwakala ezweni lonke laseSiriya ; baletha kuye bonke abagulayo abaphethwe yizifo ngezifo nobuhlungu , nabakhwelwe ngamademoni, nabanesithuthwane, nabafe uhlangothi, wabaphulukisa. ²⁵ Izixuku eziningi zamlandela zivela eGalile , naseDekapholi, naseJerusalema, naseJudiya, nangaphesheya kweJordani.