¹ Kwathi ebona izixuku, wenyukela entabeni; esehlezi phansi, abafundi bakhe beza kuye. ² Wayesevula umlomo wakhe, wabafundisa wathi: ³ Babusisiwe abampofu emoyeni, ngokuba umbuso wezulu ungowabo. ⁴ Babusisiwe abakhalayo, ngokuba bayakududuzwa. ⁵ Babusisiwe abamnene, ngokuba bayakudla ifa lomhlaba. ⁶ Babusisiwe abalambele, bomele ukulunga, ngokuba bayakusuthiswa. ⁷ Babusisiwe abanesihawu, ngokuba bayakuhawukelwa. ⁸ Babusisiwe abanenhliziyo ehlanzekileyo , ngokuba bayakubona uNkulunkulu. ⁹ Babusisiwe abalamulayo , ngokuba bayakuthiwa abantwana bakaNkulunkulu. ¹⁰ Babusisiwe abazingelwa ngenxa yokulunga , ngokuba umbuso wezulu ungowabo. ¹¹ Nibusisiwe, nxa benithuka , benizingela, bekhuluma konke okubi ngani , beqamba amanga ngenxa yami. ¹² Jabulani, nithokoze, ngokuba umvuzo wenu mkhulu ezulwini ; ngokuba kanjalo babazingela abaprofethi abananduleleyo. ¹³ Nina ningusawoti womhlaba , kepha uma usawoti edumele , ubusawoti bovuswa ngani na ? Akasasizi lutho , kuphela ukulahlwa ngaphandle , anyathelwe ngabantu. ¹⁴ Nina ningukukhanya kwezwe. Umuzi owakhe entabeni ungesitheke. ¹⁵ Nomuntu kasokheli isibani , asibeke phansi kwesitsha , kodwa usifaka othini; khona siyabakhanyisela bonke abasendlini. ¹⁶ Kanjalo makukhanye ukukhanya kwenu phambi kwabantu ukuba babone imisebenzi yenu emihle, badumise uYihlo osezulwini. ¹⁷ Ningathi ngize ukuchitha umthetho nabaprofethi ; angizanga ukuchitha , ngize ukugcwalisa. ¹⁸ Ngokuba ngiqinisile ngithi kini : Kuze kudlule izulu nomhlaba , akusoze kwadlula gamana linye nasicashana sinye somthetho, kuze kufezeke konke. ¹⁹ Ngakho-ke oweqa owodwa kule m iyalo emincinyane , afundise abantu kanjalo, uyakuthiwa omncinyane embusweni wezulu ; kepha oyigcinayo , ayifundise, lowo uyakuthiwa mkhulu embusweni wezulu. ²⁰ Ngokuba ngithi kini : Uma ukulunga kwenu kungadluli okwababhali nokwabaFarisi, anisoze nangena embusweni wezulu. ²¹ Nizwile kwathiwa kwabasendulo: U ngabulali; yilowo nalowo obulalayo uyakuba necala lokwahlulelwa. ²² Kepha mina ngithi kini : Yilowo nalowo othukuthelela umfowabo uyakuba necala lokwahlulelwa; noshoyo kumfowabo ukuthi : S ilima, uyakuba necala emphakathini; noshoyo ukuthi : S iwula, uyakuba necala lokulahlwa esihogweni somlilo. ²³ Ngakho-ke nxa uletha umnikelo wakho e -altare, ukhumbula lapho ukuthi umfowenu unamagqubu nawe, ²⁴ shiya lapho umnikelo wakho phambi kwe-altare, uhambe kuqala ubuyisane nomfowenu, andukuba uze unikele umnikelo wakho. ²⁵ Shesha uzwane nolwa nawe nisesendleleni , funa olwa nawe akunikele kumahluleli, umahluleli akunikele esikhonzini, uphonswe etilongweni. ²⁶ Ngiqinisile ngithi kuwe : Kawusoze waphuma khona , uze ukhiphe ifadingi lokugcina. ²⁷ Nizwile kwathiwa: Ungaphingi. ²⁸ Kepha mina ngithi kini : Yilowo nalowo obuka owesifazane , amkhanuke, usephingile naye enhliziyweni yakhe. ²⁹ Uma iso lakho lokunene likukhubekisa , likhiphe, ulilahle; ngokuba kungcono kuwe ukuba kubhubhe sibe s inye ezithweni zakho kunokuba wonke umzimba wakho uphonswe esihogweni. ³⁰ Noma isandla sakho sokunene sikukhubekisa , sinqume, usilahle; ngokuba kungcono kuwe ukuba kubhubhe sibe sinye ezithweni zakho kunokuba wonke umzimba wakho uphonswe esihogweni. ³¹ Kwathiwa: Yilowo nalowo olahla umkakhe kamnike incwadi yesahlukaniso. ³² Kepha mina ngithi kini : Yilowo nalowo olahla umkakhe kungengenxa yokuphinga umenza aphinge, noganwa ngolahliweyo uyaphinga. ³³ Nizwile futhi kwathiwa kwabasendulo : Ungafungi amanga, kepha uqinise izifungo zakho eNkosini. ³⁴ Kepha mina ngithi kini : Ningafungi nakanye , noma izulu , ngokuba liyisihlalo sobukhosi sikaNkulunkulu, ³⁵ noma umhlaba, ngokuba uyisenabelo sezinyawo zakhe , noma iJerusalema, ngokuba lingumuzi weNkosi enkulu. ³⁶ Ungafungi nekhanda lakho , ngokuba awunakuphendula nalunye unwele lube mhlophe nokuba lube mnyama. ³⁷ Kepha izwi lenu malibe ngokuthi : Yebo, yebo; qhabo, qhabo. Okudlula lokhu kuvela kokubi. ³⁸ Nizwile kwathiwa: Iso ngeso, izinyo ngezinyo. ³⁹ Kepha mina ngithi kini : Ningamelani nokubi , kodwa uma umuntu ekumukula esihlathini sokunene, mphendulele nesinye. ⁴⁰ Nofuna ukukumangalela, akwamuke ingubo, mnike nejazi. ⁴¹ Nosuka ekucindezela ukuba uhambe imayela libe linye , hamba naye abe mabili. ⁴² Muphe ocela kuwe, ungamfulatheli ofuna ukutsheleka kuwe. ⁴³ Nizwile kwathiwa: Wothanda umakhelwane wakho, uzonde isitha sakho. ⁴⁴ Kepha mina ngithi kini : Thandani izitha zenu, nibabusise abaniqalekisayo, nibaphathe kahle abanizondayo, nibakhulekele abanizingelayo ⁴⁵ ukuba nibe ngabant wana bakaYihlo osezulwini ; ngokuba yena uphumisa ilanga lakhe phezu kwababi nabahle , anise imvula phezu kwabalungileyo nabangalungile. ⁴⁶ Ngokuba uma nithanda abanithandayo , ninamvuzo muni na ? Abenzi njalo nabathelisi na? ⁴⁷ Futhi uma nibingelela abafowenu b odwa, nenza lukhulu luni na ? Abenzi njalo nabezizwe na? ⁴⁸ Ngakho-ke manibe ngabapheleleyo , njengokuba uYihlo wasezulwini ephelele.