¹ Kwathi ngosuku lokuqala lweviki uMariya Magdalena wafik a ethuneni ekuseni kusemnyama, wabona itshe lisusiwe ethuneni. ² Khona wayesegijima waya kuSimoni Petru nakulowo mfundi omunye uJesu amthandayo, wathi kubo : Bayisusile iNkosi ethuneni , asazi lapha beyibeke khona. ³ Ngakho wayesephuma uPetru nomunye umfundi, beza ethuneni. ⁴ Bagijima bobabili kanyekanye; kepha umfundi omunye wagijima kakhulu kunoPetru, wafika kuqala ethuneni; ⁵ elunguza wabona izindwangu zelineni zikhona, kepha akangenanga. ⁶ Khona wafika noSimoni Petru emlandela , wangena ethuneni , wabona izindwangu zelineni zikhona, ⁷ neduku ebelisekhanda lakhe libekiwe lingekho ezindwangwini zelineni , kepha lisongwe lilodwa kwenye indawo. ⁸ Khona wayesengena nomfundi omunye ofike kuqala ethuneni , wabona, wakholwa; ⁹ ngokuba bebengakawuqondi umbhalo wokuthi ubefanel e ukuvuka kwabafileyo. ¹⁰ Base bemuka abafundi, baphindela kubo. Ukuzibonakalisa kukaJesu ¹¹ Kepha uMariya wema ethuneni ngaphandle ekhala ; esakhala walunguza ethuneni; ¹² wabona izingelosi ezimbili zembethe okumhlophe , zihlezi, enye ngasekhanda nenye ngasezinyaweni, lapho isidumbu sikaJesu besilele khona. ¹³ Zona-ke zathi kuye: Mame, ukhalelani na? Wathi kuzo: Bayithathile iNkosi yami, futhi angazi ukuthi bayibekephi. ¹⁴ Eseshilo lokho waphenduka , wabona uJesu emi , kepha wayengazi ukuthi nguJesu. ¹⁵ UJesu wathi kuye: Mame, ukhalelani na? Ufuna bani na ? Kepha yena ethi ngumphathi wensimu wathi kuye : Nkosi, uma umsusile , ngitshele ukuthi umbekephi, ngiye ngiyakumthatha mina. ¹⁶ UJesu wathi kuye: Mariya! Waphenduka, wathi kuye ngesiHeberu: Rabuni, okungukuthi: Mfundisi. ¹⁷ UJesu wathi kuye : Ungangithinti, ngokuba angikenyukeli kuBaba . Kepha yana kubazalwane bami , ubatshele ukuthi ngenyukela kuBaba noYihlo , kuNkulunkulu wami noNkulunkulu wenu. ¹⁸ UMariya Magdalena weza wabikela abafundi ukuthi : Ngiyibonile iNkosi , nokuthi: Ishilo lokho kimi. ¹⁹ Kwathi-ke kusihlwa ngalolo suku , olokuqala lweviki , iminyango ivaliwe lapho abafundi bekhona ngokwesaba abaJuda , uJesu wafika wema phakathi kwabo, wathi kubo: Ukuthula makube kinina. ²⁰ Eseshilo lokho wabakhombisa izandla nohlangothi lwakhe. Base bethokoza abafundi beyibona iNkosi. ²¹ Khona uJesu wabuye wathi kubo : Ukuthula makube kinina . Njengokuba uBaba engithume mina, nami ngiyanithuma nina. ²² Kwathi ukuba asho njalo , wabaphephetha, wathi kubo: Yamukelani uMoya oNgcwele. ²³ Enibathethelela izono zabo bathethelelwe; nenibabamba ngazo babanjiwe. ²⁴ Kepha uTomase , omunye kwabayishumi nambili , othiwa uDidimu , wayengekho kubo mhla efika uJesu. ²⁵ Ngakho-ke abanye abafundi bathi kuye : Siyibonile iNkosi . Kepha wathi kubo: Uma ngingaboni ezandleni zayo inxeba lezipikili , ngifake umunwe wami enxebeni lezipikili , ngifake isandla sami ohlangothini lwayo , angisoze ngakholwa. ²⁶ Emva kwezinsuku eziyisishiyagalombili abafundi bakhe babesendlini futhi, uTomase enabo . UJesu wafika iminyango ivaliwe , wema phakathi kwabo , wathi: Ukuthula makube kinina. ²⁷ Wayesethi kuTomase: Zisa lapha umunwe wakho, ubone izandla zami; zisa isandla sakho , usifake ohlangothini lwami ; ungabi ngongakholwayo kodwa okholwayo. ²⁸ UTomase waphendula, wathi kuye: Nkosi yami, Nkulunkulu wami! ²⁹ UJesu wathi kuye : Ngokuba ungibonile , ukholiwe na ? Babusisiwe abakholwa bengabonanga. ³⁰ Izibonakaliso ezinye eziningi uJesu wazenza phambi kwabafundi bakhe , ezingalotshiwe kule ncwadi. ³¹ Kodwa lezi zilotshiwe ukuba nikholwe ukuthi uJesu unguKristu, iNdodana kaNkulunkulu, nokuba nikholwe, nibe nokuphila egameni lakhe.