¹ Jehova, ungangijezisi ngentukuthelo yakho, ungangishayi ngolaka lwakho. ² Ngokuba imicibisholo yakho ingihlabile ; isandla sakho singicindezele kanzima. ³ Akukho ukuphila enya meni yami ngenxa yentukuthelo yakho ; akukho ukuthula emathanjeni ami ngenxa yesono sami. ⁴ Ngokuba iziphambeko zami zeqile phezu kwekhanda lami ; njengomthwalo osindayo ziyangisinda. ⁵ Izilonda zami ziyanuka, zichicha ubovu ngenxa yobuwula bami. ⁶ Ngikhonkobele, ngithotshisiwe kakhulu; usuku lonke ngihamba ngilila. ⁷ Ngokuba ukhalo lwami lutshutshumba kakhulu ; akukho ukuphila enyameni yami. ⁸ Ngibuthakathaka, ngidubekile kabi ; ngiyakhala ngenxa yokugqiha kwenhliziyo yami. ⁹ Nkosi, ukufisa kwami konke kuphambi kwa kho; ukububula kwami akufihlekile kuwe. ¹⁰ Inhliziyo yami iyagquma kakhulu ; amandla ami angishiyile , ngisho nokukhanya kwamehlo ami akusekho kimi. ¹¹ Abathandekayo bami nabahlobo bam i bemi kude nokuhlupheka kwami ; abakwethu bemi kude laphaya. ¹² Abafuna umph efumulo wami bayangicupha ; abafuna ukungilimaza bakhuluma okubi, bazindla inkohliso usuku lonke. ¹³ Mina kodwa nginjengesithulu , angizwa; nginjengesimungulu esingavuli umlomo waso. ¹⁴ Yebo, nginjengomuntu ongezwayo; akukho ukuphikisa emlonyeni wakhe. ¹⁵ Ngokuba ngithemba wena Jehova ; wena Nkosi Nkulunkulu wami uzakuphendula. ¹⁶ Ngokuba ngithe : Funa bajabule ngami , ekusheleleni konyawo lwami bazikhukhumeze ngami. ¹⁷ Ngokuba ngiseduze kokuwa , nobuhlungu bami buphambi kwami ngezikhathi zonke. ¹⁸ Ngokuba ngiyabika ukona kwami; ngiyadabuka ngesono sami. ¹⁹ Kepha izitha zami ziphilile, zinamandla; baningi abangizonda ngeze. ²⁰ Abaphindisela okubi ngokuhle bamelene nami , ngokuba ngilandela okulungileyo. ²¹ Ungangishiyi, Jehova; Nkulunkulu wami, ungabi kude nami. ²² Phuthuma, ungisize, Nkosi, nsindiso yami.