¹ Jehova, ngiphakamisela kuwena umphefumulo wami. ² Nkulunkulu wami , ngiyethemba kuwe ; mawungangijabhisi; izitha zami mazingethabi ngami. ³ Yebo, akuyikujabha noyedwa kwabakulindelayo; bayakujabha abaphambuka ngeze. ⁴ Ngazise imendo yakho, Jehova; ngifundise izindlela zakho. ⁵ Ngihambise eqinisweni lakho , ungifundise, ngokuba wena unguNkulunkulu wensindiso yami; ngilindela wena usuku lonke. ⁶ Khumbula, Jehova, ububele bakho nomusa wakho , ngokuba kukhona kwaphakade. ⁷ Ungazikhumbuli izono zobusha bami neziphambeko zami ; ngikhumbule ngokomusa wakho ngenxa yobubele bakho, Jehova. ⁸ UJehova muhle, ulungile; ngalokho ufundisa izoni indlela. ⁹ Abathobekileyo ubaholela kokulungileyo, abathobekileyo ubafundisa indlela yakhe. ¹⁰ Zonke izindlela zikaJehova zingububele neqinis o kulabo abagc ina isivumelwano sakhe nezifakazelo zakhe. ¹¹ Ngenxa yegama lakho , Jehova, ngithethelele ukona kwami , ngokuba kukhulu. ¹² Ngumuphi umuntu omesaba uJehova na ? Nguyena oyakufundiswa nguye indlela ayakuyikhetha. ¹³ Umphefumulo wakhe uzakuhlala ngokwenama , inzalo yakhe iyakuzuza izwe. ¹⁴ Ubuhlobo bukaJehova bukubo abamesabayo ; uyakubazisa isivumelwano sakhe. ¹⁵ Amehlo ami akuye uJehova njalo , ngokuba nguyena okhipha izinyawo zami enetheni. ¹⁶ Phendukela kimi, ube nomusa kimi, ngokuba nginesizungu, ngihluphekile. ¹⁷ Izinsizi zenhliziyo yami zikhulile; ngikhiphe ezinhluphekweni zami. ¹⁸ Bheka ukuhlupheka kwami nosizi lwami, ungithethelele zonke izono zami. ¹⁹ Bheka izitha zami, ngokuba ziningi; ziyangizonda ngenzondo yonya. ²⁰ Londoloza umphefumulo wami , ungikhulule; mawungangijabhisi, ngokuba ngiphephela kuwe. ²¹ Ukulunga nobuqotho makungilondoloze, ngokuba ngilindele wena. ²² Nkulunkulu, hlenga u-Israyeli kuzo zonke izinkathazo zakhe.