¹ Ngakho wena mntanami, yiba namandla emseni okuKristu Jesu; ² lokho okuzwileyo kimi phambi kofakazi abaningi, lokho-ke kubeke kubantu abathembekileyo abazakuba namandla okufundisa nabanye. ³ Hlanganyela nami ukuhlupheka njengebutho elihle likaKristu. ⁴ Akakho osempini olibala izidingo zalokhu kuphila , aze akholeke kulowo abuthwe nguye. ⁵ Futhi nxa umuntu encintisana , kaqheliswa engan cintisananga ngokomthetho. ⁶ Umlimi osebenzayo kufanele ukuba kwamukele yena izithelo kuqala. ⁷ Qonda engikushoyo; ngokuba iNkosi iyakukunika ukuqonda ngezinto zonke. ⁸ Khumbula uJesu Kristu ovukile kwabafileyo , wenzalo kaDavide ngokwevangeli lami, ⁹ engihlupheka ngalo kuze kube sekuboshweni njengeselelesi; kepha izwi likaNkulunkulu aliboshiwe. ¹⁰ Ngalokho ngiyakhuthazela kukho konke ngenxa yabakhethiweyo , ukuze nabo bazuze insindiso ekuKristu Jesu, kanye nenkazimulo yaphakade. ¹¹ Likholekile leli zwi lokuth i: Ngokuba uma safa naye , siyakuphila naye futhi; ¹² uma sikhuthazela , siyakubusa naye futhi ; uma simphika , naye uyakusiphika; ¹³ uma singathembeki, yena uhlala ethembekile, ngokuba akanakuziphika. ¹⁴ Bakhumbuze ngalokho, ufakaze phambi kukaNkulunkulu ukub a bangalwi ngamazwi, okungasizi lutho, okuyincithakalo kwabezwayo. ¹⁵ Khuthalela ukuba uziveze uthembekile kuNkulunkulu , isisebenzi esingenamahloni, esiqondisa kahle izwi leqiniso. ¹⁶ Kepha ukukhuluma kwezwe okuyize ukugweme ; ngokuba bayakuqhubekela phambili ekungamesabini uNkulunkulu, ¹⁷ nezwi labo liyakubhibha njengesilonda esibhucukayo , abaphakathi kwabo ngoHimenewu noFiletu ¹⁸ abadukileyo mayelana neqiniso , bethi ukuvuka kwabafileyo sekudlulile , bechitha ukukholwa kwabanye. ¹⁹ Nokho isisekelo esiqinileyo sikaNkulunkulu simi, sinalolu phawu lokuthi : INkosi iyabazi abangabayo, nokuthi: Yilowo nalowo ophatha igama likaKristu makadede kukho ukungalungi. ²⁰ Kepha endlini enkulu akukho izitsha zegolide nezesiliva kuphela kodwa nezemithi nezebumba, ezinye ezihloniphekayo, ezinye ezingahloniphekiyo; ²¹ ngalokho uma umuntu ezihlanza kulezo zinto , uyakuba yisitsha esihloniphekayo, esingcwelisiwe, esinosizo kumninindlu , esilungiselwe umsebenzi wonke omuhle. ²² Kepha balekela izinkanuko zobusha , ujonge ukulunga , nokukholwa, nothando, nokuthula kanye nabakhuleka eNkosini ngenhliziyo ehlambulukileyo. ²³ Kepha ukuphikisana kobuwula nokokungazi ukunqabe, wazi ukuthi kuzala ukulwa; ²⁴ inceku kaKristu ayifanele ukulwa, kodwa mayibe mnene kubo bonke, inesu lokufundisa, ibekezela, ²⁵ ibalaya ngomoya omnene abamelene nayo , kumbe uNkulunkulu angabanika ukuphenduka, baze balazisise iqiniso, ²⁶ basanguluke, baphume ogibeni lukaSathane ababanjwe nguye ukuba benze intando yakhe.