¹ URehobowamu esefikile eJerusalema wabutha indlu yakwaJuda noBenjamini, abantu abakhethiweyo abayizinkulungwane eziyikhulu namashumi ayisihiyagalombili , amabutho, ukuba balwe no -Israyeli, bawubuyisele umbuso kuRehobowamu. ² Lase lifika izwi likaJehova kuShemaya umuntu kaNkulunkulu, lathi: ³ Khuluma kuRehobowamu indodana kaSolomoni, inkosi yakwaJuda, nakuye wonke u-Israyeli kwaJuda noBenjamini, ngokuthi: ⁴ Usho kanje uJehova , uthi: Aniyikukhuphuka, ningalwi nabafowenu ; buyelani, kube yilowo nalowo endlini yakhe , ngokuba le nto ivela kimi . Balalela amazwi kaJehova, babuya ekumhlaseleni uJerobowamu. Ukwakha kukaRehobowamu ⁵ URehobowamu wahlala eJerusalema , wakha imizi ukuba ibe yizinqaba kwaJuda. ⁶ Wakha iBetlehema, ne-Etamu, neThekhowa, ⁷ neBeti Suri, neSoko, ne-Adulamu, ⁸ neGati, neMaresha, neZifi, ⁹ ne-Adorayimi, neLakishi, ne-Azeka, ¹⁰ neSora, ne-Ajaloni, neHebroni, ekwaJuda nakwaBenjamini , imizi ebiyelweyo. ¹¹ Waziqinisa izinqaba, wabeka izinduna kuzo, nokudla, namafutha, newayini. ¹² Emizini yonke , yileyo naleyo , wabeka izihlangu nemikhonto , wayiqinisa kakhulu impela. ElakwaJuda nelakwaBenjamini lalingelakhe. Abapristi namaLevi baya kwaJuda ¹³ Abapristi namaLevi ayekwa -Israyeli wonke bazihlanganisa naye bephuma emikhawulweni yonke. ¹⁴ Ngokuba amaLevi ashiya amadlelo awo nefa lawo , aya kwaJuda naseJerusalema, ngokuba uJerobowamu namadodana akhe bawalahla ukuba angabe esaba ngabapristi bakaJehova, ¹⁵ wazimisela abapristi bezindawo eziphakemeyo , nabamademoni, nabamathole awenzileyo. ¹⁶ Emva kwabo kwaphuma ezizweni zonke zakwa -Israyeli abanhliziyo zabo zibhekiswe ukufuna uJehova uNkulun kulu wakwa -Israyeli, bafika eJerusalema ukuhlabela uJehova uNkulunkulu wawoyise. ¹⁷ Base bewuqinisa -ke umbuso wakwaJuda , benza uRehobowamu indodana kaSolomoni waba namandla iminyaka emithathu , ngokuba bahamba iminyaka emithathu endleleni kaDavide noSolomoni. Abafazi nabantwana bakaRehobowamu ¹⁸ URehobowamu wazithathela umfazi , uMahalati, indodakazi kaJerimoti indodana kaDavide neka-Abihayili, indodakazi ka-Eliyabe, indodana kaJese. ¹⁹ Wamzalela amadodana: ngoJewushe, noShemariya, noZahamu. ²⁰ Emva kwakhe wath atha uMahakha, indodakazi ka-Abisalomu; wamzalela o-Abiya, no-Athayi, noZiza, noShelomiti. ²¹ URehobowamu wamthanda uMahakha indodakazi ka-Abisalomu phezu kwabo bonke abafazi bakhe nezancinza zakhe , ngokuba wathatha abafazi abayishumi nesishiyagalombili nez ancinza ezingamashumi ayisithupha , wazala amadodana angamashumi amabili nesishiyagalombili namadodakazi angamashumi ayisithupha. ²² URehobowamu wabeka u -Abiya, indodana kaMahakha, abe yinhloko, abe ngumbusi phakathi kwabafowabo, ngokuba wacabanga ukumbeka inkosi. ²³ Wenza ngokuhlakanipha, wahlakaza onke amadodana akhe emazweni onke akwaJuda noBenjamini , emizini yonke ebiyelweyo, wawanika ukudla okuningi, wawafunela abafazi abaningi.