¹ Ngomnyaka weshumi nesikhombisa kaPheka indodana kaRemaliya u -Ahazi indodana kaJothamu, inkosi yakwaJuda, waba yinkosi. ² U-Ahazi wayeneminyaka engamashumi amabili ekuqaleni kwakhe ukubusa , wabusa iminyaka eyishumi nesithupha eJerusalema ; akenzanga okulungile emehlweni kaJehova, uNkulunkulu wakhe, njengoDavide uyise. ³ Kepha wahamba ngendlela yamakhosi akwa -Israyeli, yebo, wadabulisa nendodana yakhe emlilweni njengezinengiso zabezizwe uJehova abaxosha phambi kwabantwana bakwa-Israyeli. ⁴ Wahlaba, washisa impepho ezindaweni eziphakemeyo , nasemagqumeni, naphansi kwayo yonke imithi eluhlaza. ⁵ Ngaleso sikhathi uResini , inkosi ya se-Aramu, noPheka indodana kaRemaliya, inkosi yakwa -Israyeli, benyukela eJerusalema ukulwa nalo ; bamvimbezela u-Ahazi, kepha babengenakumahlula. ⁶ Ngaleso sikhathi uResini inkosi yase -Aramu wabuyisela i -Elati e -Aramu, waxosha abaJuda e -Elati; ama-Aramu afika e-Elati, ahlala khona kuze kube namuhla. ⁷ U-Ahazi wathuma izithunywa kuThigilati Phileseri inkosi yase-Asiriya ngokuthi: Mina ngiyinceku yakho nendodana yakho : yenyuka, ungisindise esandleni senkosi yase -Aramu nasesandleni senkosi yakwa -Israyeli angivukelayo. ⁸ U-Ahazi wathatha isiliva negolide elafunyanwa endlini kaJehova nasengcebeni endlini yenkosi, walithuma enkosini yase-Asiriya laba yisipho. ⁹ Inkosi yase -Asiriya yamlalela ; inkosi yase -Asiriya yenyuka ukuhlasela iDamaseku, yalithatha, yathumbela abantu balo eKhiri, yambulala uResini. ¹⁰ Inkosi u-Ahazi yaya eDamaseku ukumhlangabeza uThigilati Phileseri inkosi yase-Asiriya, yabona i-altare elaliseDamaseku; inkosi u-Ahazi yathumela ku - Uriya, umpristi, isimo se -altare nesifanekiso salo njengokwenziwa kwa lo konke. ¹¹ U-Uriya, umpristi, wayesakha i -altare: njengakho konke inkosi u-Ahazi ebikuthumile iseDamaseku walenze njalo u -Uriya umpristi , yaze yabuya inkosi u-Ahazi eDamaseku. ¹² Inkosi isibuyile eDamaseku , inkosi yalibona i -altare; inkosi yasondela e - altare, yenyukela kulo. ¹³ Yashisa umnikelo wayo wokushiswa nomnikelo wayo wempuphu, yathulula umnikelo wayo wokuphuzwa, yafafaza igazi leminikelo yokuthula e-altare. ¹⁴ Kepha i -altare lethusi elaliphambi kukaJehova , yalisusa ngaphambi kwendlu phakathi kwe -altare nendlu kaJehova , yalibeka ohlangothini lwasenyakatho lwe-altare layo. ¹⁵ Inkosi u-Ahazi yamyala u -Uriya umpristi ngokuthi : Shisa e-altare elikhulu umnikelo wokushiswa wasekuseni , nomnikelo wempuphu wakusihlwa , nomnikelo wokushiswa wenkosi , nomnikelo wayo wempuphu kanye nomnikelo wokushiswa wabo bonke abantu bezwe , nomnikelo wabo wempuphu, neminikelo yabo yokuphuzwa , ulifafaze ngalo lonke igazi lomnikelo wokushiswa nalo lonke igazi lomhlatshelo ; kodwa i-altare lethusi liyakuba ngelami ukubuza ngalo. ¹⁶ U-Uriya umpristi wenza njengakho konke inkosi u-Ahazi eyale ngakho. ¹⁷ Inkosi u -Ahazi yanquma izindini zezinqe , yasusa kuzo umcengezi wokugeza, yehlisa ulwandle ezinkabini zethusi ezaziphansi kwawo , yawubeka endaweni egandayiwe ngamatshe. ¹⁸ Indlela esibekelwey o yesabatha ababeyakhe endlini nendawo yokungena yenkosi engaphandle yakuphambukisela endlini kaJehova ngenxa yenkosi yase-Asiriya. ¹⁹ Ezinye izindaba zika -Ahazi azenzayo angithi zilotshiwe encwadini yezindaba zemihla ngemihla yamakhosi akwaJuda na? ²⁰ U-Ahazi wayeselala koyise, wembelwa koyise emzini kaDavide; uHezekiya indodana yakhe waba yinkosi esikhundleni sakhe.