¹ Kwathi uSamuweli esemdala , wabeka amadodana akhe abe ngabahluleli phezu kuka-Israyeli. ² Igama lendoda na yakhe eyizibulo lalinguJoweli ; igama leyesibili lalingu - Abiya; babe ngabahluleli eBeri Sheba. ³ Amadodana akhe ayengahambi ngezindlela zakhe , kepha aphambukela inzuzo embi, athengwa ngemivuzo, aphendukezela izahlulelo. Abakwa-Israyeli bafuna inkosi ⁴ Kwabuthana onke amalunga akwa-Israyeli, aya kuSamuweli eRama; ⁵ athi kuye: Bheka, usumdala, amadodana akho awahambi ngezindlela zakho; sibekele inkosi ukuba isahlulele njengezizwe zonke. ⁶ Kepha leyo nto yaba mbi emehlweni kaSamuweli , lapho bethi: Siphe inkosi ukuba isahlulele. USamuweli wayesekhuleka kuJehova. ⁷ UJehova wathi kuSamuweli : Lalela izwi labantu kukho konke abakushoyo kuwe, ngokuba akusuwe abakulahlileyo, kepha balahle mina, ukuze ngingabi yinkosi phezu kwabo. ⁸ Njengemisebenzi yonke abayenzileyo , kusukela osukwini engabakhuphula ngalo eGibithe kuze kube namuhla , bangishiya bekhonza abanye onkulunkulu, benze njalo nakuwe. ⁹ Manje lalela izwi labo , ugamele nokugamela kubo kuphela , ubatshele amalungelo enkosi eyakubusa phezu kwabo. ¹⁰ USamuweli wabatshela abantu abacela kuye inkosi onke amazwi kaJehova. ¹¹ Wathi: Nanka amalungelo enkosi eyakubusa phezu kwenu : iyakuthatha amadodana enu, izibekele wona ezinqoleni zayo nasemahhashini ayo, agijime phambi kwezinqola zayo; ¹² iyakuzibekela wona abe yizinduna zez inkulungwane nezinduna zamashumi ayisihlanu, alime umhlabathi wayo , avune isivuno sayo, enze izikhali zayo zokulwa nempahla yezinqola zayo. ¹³ Iyakuthatha amadodakazi enu abe ngabathaki , nabapheki, nabaphekizinkwa. ¹⁴ Iyakuthatha amasimu enu, nezivini zenu, neminqumo yenu emihle, ikunike izinceku zayo. ¹⁵ Iyakuthatha okweshumi kwembewu yenu nokwesivini senu , ikunike izinduna zayo nezinceku zayo. ¹⁶ Iyakuthatha izinceku zenu , nezincekukazi zenu , nezinsizwa zenu ezinhle , nezimbongolo zenu, izenze ukuba zisebenze imisebenzi yayo. ¹⁷ Iyakuthatha okweshumi kwezimvu zenu, nibe yizinceku zayo. ¹⁸ Niyakukhala ngalolo suku ngenxa yenkosi yenu , eniyakube nizikhethele yona; kepha uJehova akayikuniphendula ngalolo suku. ¹⁹ Kepha abantu bala ukulalela izwi likaSamuweli , bathi: Hhayi, sifuna ukuba kube khona inkosi phezu kwethu, ²⁰ ukuze nathi sibe njengezizwe zonke , inkosi yethu isahlulele , iphume phambi kwethu, ilwe izimpi zethu. ²¹ USamuweli wezwa onke amazwi abantu , wawalanda ezindlebeni zikaJehova. ²² UJehova wathi kuSamuweli : Lalela izwi labo , ubanike inkosi. USamuweli wathi kubantu bakwa -Israyeli: Hambani niye , kube yilowo nalowo emzini wakini.