¹ Kwathi uDavide nabantu bakhe sebefikile eSikilagi ngosuku lwesithathu , ama-Amaleki ayengenele eNingizimu naseSikilagi, alichitha iSikilagi, alishisa ngomlilo, ² athumba abesifazane ababe phakathi , abancane nabakhulu engabulalang a muntu, abamukisa, ahamba indlela yawo. ³ Lapho uDavide nabantu bakhe befika emzini, bheka, wawushisiwe ngomlilo; omkabo, namadodana abo, namadodakazi abo babethunjiwe. ⁴ UDavide nabantu ababe naye base bedazuluka , bekhala, baze bangabe besaba namandla okukhala. ⁵ NawomkaDavide bobabili babethunjiwe , o-Ahinohama waseJizreyeli no - Abigayili umkaNabali waseKarmeli. ⁶ UDavide wayehlupheka kakhulu , ngokuba abantu bekhuluma ngokumkhanda ngamatshe , lokhu izinhliziyo zabo bonke abantu zazinomunyu, kwaba yilowo nalowo ngenxa yamadodana akhe namadodakazi akhe ; kepha uDavide waziqinisa kuJehova uNkulunkulu wakhe. ⁷ UDavide wathi ku-Abiyathara umpristi, indodana ka-Ahimeleki: Ake ulethe kimi ingubo yamahlombe . U-Abiyathara wayiletha ingubo yamahlombe kuDavide. ⁸ UDavide wabuza kuJehova, wathi: Ngixoshe lelo viyo na ? Ngingalifica na? Wamphendula wathi: Xosha, ngokuba uyakulifica impela, ukhulule konke. ⁹ Wayesehamba uDavide , yena nabantu abangamakhulu ayisithupha ababe naye, wafika emfudlaneni iBesori, lapho kwahlala khona amasalela. ¹⁰ Kodwa UDavide waxosha , yena nabantu abangamakhulu amane , ngokuba abangamakhulu amabili basala emuva , bezukekile ukuze bangaweli umfudlana iBesori. ¹¹ Bafumana owaseGibithe endle, bamyisa kuDavide, bamnika isinkwa, wadla; bamphuzisa amanzi; ¹² bamnika nocezu lwesigaxa samakhiwane , nezigaxa ezimbili zezithelo zomvini ezomileyo ; esedlile kwabuyela kuye umoya wakhe , ngokuba wayengadlanga sinkwa , engaphuzanga manzi , izinsuku ezintathu nobusuku obuthathu. ¹³ UDavide wathi kuye : Ungokabani na ? Uvelaphi na ? Wathi: Ngiyinsizwa yaseGibithe, inceku yomAmaleki , kepha inkosi yami yangishiya , ngokuba sekuyizinsuku ezintathu ngigula. ¹⁴ Sangenela ngaseningizimu yamaKhereti , nakwelakwaJuda, naseningizimu kaKalebi, salishisa iSikilagi ngomlilo. ¹⁵ UDavide wathi kuye : Ungangehlisela kulelo viyo na ? Wathi: Funga kimi uNkulunkulu ukuthi awuyikungibulala , unganginikeli ezandleni zenkosi yami, ngiyakukwehlisela kulelo viyo. ¹⁶ Wayesemehlisa; bheka, babehlakazekile endaweni yonke , bedla, bephuza, besina phakathi kwayo yonke impango ababeyithathile ezweni lamaFilisti nasezweni lakwaJuda. ¹⁷ UDavide wababulala kusukela ekuhweleleni kuze kuhlwe ngangomuso , akwaphunyuka muntu kubo , kuphela izinsizwa ezingamakhulu amane ezazikhwela amakamela, zabaleka. ¹⁸ UDavide wakhulula konke okw akuthathwe ngama -Amaleki, uDavide wakhulula nawomkakhe bobabili. ¹⁹ Akwasilala muntu , omncane noma omkhulu , namadodana noma amadodakazi, nempango noma okunye ababezithathele khona ; uDavide wabuyisa konke. ²⁰ UDavide wathatha zonke izimvu nezinkomo ; baziqhuba phambi kwakhe , bathi: Yimpango kaDavide le. ²¹ UDavide wafika kulabo bantu abangamakhulu amabili ababezukekile , bengenakumlandela uDavide , ababebahlalisile ngasemfudlaneni iBesori ; baphuma ukumhlangabeza uDavide nokuhlangabeza abantu ababenaye ; uDavide esesondela kubantu wababingelela. ²² Base bethatha bonke abantu ab abi nabonakeleyo kulabo ababehamba noDavide, bathi: Njengokuba bengahambanga nathi , asiyikubanika lutho empangweni esiyikhululile , kuphela ukuba yileyo naleyo ndoda inikwe umkayo nabantwana bayo, bamuke nabo, bahambe. ²³ Wayesethi uDavide: Aniyikwenza kanjalo, bafowethu, ngalokho esikuphiwe nguJehova osilondolozile, wanikela esandleni sethu iviyo elasihlasela. ²⁴ Ngubani oyakunilalela kule ndaba na ? Ngokuba njengesabelo sowehlele empini siyakuba n jalo isabelo salowo owasala nempahla ; bayakwabelwa ngokulingeneyo. ²⁵ Kwaba njalo kusukela kulolo suku kuya phambili ; wamisa isimiso nomthetho kwa-Israyeli kuze kube namuhla. ²⁶ UDavide esefike eSikilagi wathuma enye impango kumalunga akwaJuda nakubo abangane bakhe, ethi: Bhekani, naso isipho senu sempango yezitha zikaJehova: ²⁷ kwabaseBethele, nakwabaseRamoti laseNingizimu, nakwabaseJatiri, ²⁸ nakwabase-Aroweri, nakwabaseSifimoti, nakwabase-Eshitemowa, ²⁹ nakwabaseRakali, nakwabasemizini yamaJerameli , nakwabasemizini yamaKheni, ³⁰ nakwabaseHorma, nakwabaseBori Ashani, nakwabase-Athaki, ³¹ nakwabaseHebroni, nasezindaweni zonke lapho uDavide uqobo nabantu bakhe bebejwayele ukuhamba khona.