¹ USamuweli wafa ; wahlangana wonke u -Israyeli, wamlilela, wammbela ngasendlini yakhe eRama. UDavide wasuka, wehlela ehlane lasePharanu. ² Kwakukhona umuntu eMahoni onemfuyo yakhe eKarmeli ; lowo muntu wayemkhulu kakhulu , wayenezimvu eziyizinkulungwane ezintathu nezimbuzi eziyinkulungwane; wayezigunda izimvu zakhe eKarmeli. ³ Igama lalowo muntu lalinguNabali ; igama lomkakhe lalingu -Abigayili; owesifazane wayehlakaniphile, ebukeka emuhle , kepha indoda yayilukhuni inobubi emisebenzini yayo; yayingekaKalebi. ⁴ UDavide wezwa ehlane ukuthi uNabali ugunda izimvu zakhe. ⁵ UDavide wathuma izinsizwa eziyishumi ; uDavide wathi kuzo izinsizwa : Khuphukelani eKarmeli, niye kuNabali, nimbingelele egameni lami, ⁶ nithi kumfowethu : U kuthula makube kuwe , ukuthula nakube kuyo indlu yakho, ukuthula makube kukho konke onakho. ⁷ Manje sengizwile ukuthi unabagundi ; abelusi bakho babe nathi , asibalimazanga, abalahlekelwa lutho zonke izinsuku beseKarmeli. ⁸ Buza izinsizwa zakho , ziyakukutshela; ngalokho izinsizwa mazithole umusa emehlweni akho, ngokuba sifikile ngosuku oluhle ; ake unike izi nceku zakho nendodana yakho uDavide okungafunyanwa esandleni sakho. ⁹ Sezifikile izinsizwa zikaDavide zakhuluma kuNabali njengawo onke lawo mazwi egameni likaDavide, bese zilinda. ¹⁰ UNabali waziphendula izinceku zikaDavide , wathi: Ngubani uDavide na ? Ngubani indodana kaJese na ? Namuhla kukhona izinceku eziningi ezeqa emakhosini azo. ¹¹ Ngithathe yini isinkwa sami , namanzi ami, nengikuhlabele abagundi bami, ngikuphe abantu engingabazi ukuthi bavelaphi, na? ¹² Zase ziphenduka izinsizwa zikaDavide endleleni yazo, zabuyela, zamtshela onke lawo mazwi. ¹³ UDavide wathi kubantu bakhe : Bhincani, kube yilowo nalowo inkemba yakhe. Zabhinca-ke, kwaba yilowo nalowo inkemba yak he; naye uDavide wabhinca inkemba yakhe ; kwakhuphuka emva kukaDavide abantu kungathi abangamakhulu amane, kepha abangamakhulu amabili bahlala empahleni. ¹⁴ Kodwa enye yezinsizwa yamtshela u -Abigayili umkaNabali , yathi: Bheka, uDavide wathuma izithunywa zive la ehlane ukuba zibingelele inkosi yethu , kepha yazithukuthelela. ¹⁵ Nokho labo bantu basiphatha kahle , asilimalanga, asilahlekelwanga lutho zonke izinsuku sisahambisana nabo sisendle; ¹⁶ babe lugange kithi ubusuku nemini, sonke isikhathi sinabo salusa izimvu. ¹⁷ Ngalokho yazi, ubone ukuthi uyakwenzani, ngokuba okubi sekunqunyelwe inkosi yethu nendlu yayo yonke , lokhu engumuntu omubi kangaka , ukuze umuntu angekhulume naye. ¹⁸ U-Abigayili wayeseshesha , wathatha izinkwa ezingamakhulu amabili , nezimvaba ezimbili zewayini, nezimvu eziyisihlanu ezilungisiweyo, namaseya ayisihlanu otshwele , nezigaxa eziyikhulu zezithelo zomvini ezomileyo , nezigaxa ezingamakhulu amabili zamakhiwane, wakubeka ezimbongolweni. ¹⁹ Wathi kuzo izinsizwa : Hambani phambi kwami ; bhekani, ngiyanilandela. Kepha akayitshelanga indoda yakhe uNabali. ²⁰ Kwathi esakhwele imbongolo, esehla endaweni esithekileyo yentaba, bheka, kwehlela kuye uDavide nabantu bakhe, wahlangana nabo. ²¹ UDavide wayeshilo ukuthi : Impela ngikugcinele ize konke lowo muntu anakho ehlane ukuba angalahlekelwa lutho lwakho konke okwakhe, ngokuba ungibuyisele okubi ngokuhle. ²² UNkulunkulu makenze njalo kuzo izitha zikaDavide , enezele futhi , uma ngishiya ngasekuseni kusasa kukho konke okungokwakhe nokukodwa okungokwesilisa. ²³ Lapho u -Abigayili embona uDavide , washesha wehlika embongolweni yakhe, wawa ngobuso phambi kukaDavide, wakhothamela phansi. ²⁴ Wawa ngasezinyaweni zakhe , wathi: Lobo bubi mabube phezu kwami , nkosi; incekukazi yakho mayikhulume ezindlebeni zakho , uzwe amazwi encekukazi yakho. ²⁵ Inkosi yami mayinganakekeli lowo muntu omubi uNabali , ngokuba unjengegama lakhe, unjalo yena; nguNabali igama lakhe, nobuwula bukuye; kepha mina ncekukazi yakho angizibonanga izinsizwa zenkosi yami owazithumayo. ²⁶ Ngalokho, nkosi, kuphila kuka Jehova nokuphila komphefumulo wakho , njengokuba uJehova ekuvimbele ukungena ecaleni legazi nokuzisindisa ngesandla sakho, ngalokho-ke mazibe njengoNabali izitha zakho nabayifunela inkosi yami ububi. ²⁷ Manje-ke, lesi sipho esilethwa yincekukazi yakho enkos ini yami , masinikwe izinsizwa ezilandela inkosi yami. ²⁸ Ake uthethelele icala lencekukazi yakho , ngokuba uJehova uyakuyenzela nokuyenzela inkosi yami indlu eqinileyo impela , lokhu inkosi yami ilwa izimpi zikaJehova; ububi abuyikufunyanwa kuwe zonke izinsuku zakho. ²⁹ Noma kusukuma umuntu ukukuxosha nokufuna ukuphila kwakho , umphefumulo wenkosi yami uyakube uboshiwe emshuqulwini wabaphilayo kuJehova uNkulunkulu wakho ; imiphefumulo yezitha zakho uyakuyijikijela kungathi iphakathi kwendwayimana. ³⁰ Kuyakuthi la pho uJehova esekwenzile enkosini yami njengakho konke okuhle akukhulumileyo ngawe, akubeke ube ngumbusi kwa-Israyeli, ³¹ akuyikuba yisikhubekiso kuwe, kungabi nesanya enhliziyweni yenkosi yami ukuthi uchithile igazi ngeze nokuthi inkosi yami izisindisile ; kepha lapho uJehova eseyenzele inkosi yami okuhle, khumbula incekukazi yakho. ³² UDavide wayesethi ku -Abigayili: Makabusiswe uJehova uNkulunkulu ka - Israyeli okuthume namuhla ukungihlangabeza. ³³ Futhi makubusiswe ukuhlakanipha kwakho , ubusiswe nawe ongivimbel e namuhla ukungena ecaleni legazi nokuzisindisa ngesandla sami. ³⁴ Ngokuba impela, kuphila kukaJehova uNkulunkulu ka-Israyeli ongivimbele ukuze ngingakulimazi , uma ungasheshanga ukuza ukuba ungihlangabeze , impela nga kungasalanga kuNabali ngasekuseni kusasa nokukodwa okungokwesilisa. ³⁵ UDavide wayesamukela esandleni sakhe lokho amlethele khona ; wathi kuye: Khuphukela endlini yakho ngokuthula ; bheka, ngililalele izwi lakho , ngibuvumile ubuso bakho. ³⁶ U-Abigayili wafika kuNabali ; bheka, wayenedili endlini yak he, linjengedili lenkosi; inhliziyo kaNabali yayithokoza phakathi kwakhe , ngokuba wayephuze kakhulu ; ngalokho akamtshelanga lutho oluncane nolukhul u kwaze kwaba sekuseni. ³⁷ Kwathi ekuseni, lapho iwayini seliphumile kuNabali , umkakhe wamtshela lezo zinto, inhliziyo yakhe yafa phakathi kwakhe, waba njengetshe. ³⁸ Kwathi emva kwezinsuku eziyishumi uJehova wamshaya uNabali, wafa. ³⁹ UDavide esezwile ukuthi uNabali ufile, wathi: Makabusiswe uJehova omele indaba yehlazo lami esandleni sikaNabali , ovimbele inceku ya khe ebubini , wabuyisela ububi bukaNabali ekhanda lakhe . UDavide wathumela wakhuluma ku-Abigayili ukuba amthathe abe ngumkakhe. ⁴⁰ Izinceku zikaDavide sezifikile ku -Abigayili eKarmeli , zakhuluma kuye , zathi: UDavide usithumile kuwe ukuba akuthathe, ube ngumkakhe. ⁴¹ Wasukuma, wakhothama, ubuso bakhe bubheke phansi , wathi: Bheka, incekukazi yakho mayibe yisigqilakazi sokugeza izinyawo zezinceku zenkosi yami. ⁴² U-Abigayili washesha wasuka , wakhwela imbongolo kanye nezintombi zakhe ezazihamba naye ; wazilandela iz ithunywa zikaDavide , waba ngumkakhe. ⁴³ UDavide wathatha no-Ahinohama waseJizreyeli; baba ngomkakhe bobabili. ⁴⁴ Kepha uSawule wayesemnike uPaliti indodana kaLayishi waseGalimi uMikhali indodakazi yakhe.