¹ AmaFilisti abutha izimpi zawo ukuba alwe ; abuthana eSoko lakwaJuda , amisa phakathi kweSoko ne-Azeka e-Efesi Damimi. ² USawule nabantu bakwa -Israyeli babuthana , bamisa esigodini sase -Ela, bahlela impi ukuhlangabezana namaFilisti. ³ AmaFilisti ayemi entabeni ngalapha , u-Israyeli wayemi entabeni ngalapha ; kwakukhona isigodi phakathi kwabo. ⁴ Kwaphuma iqhawe elikh ulu ekamu lamaFilisti , igama lalo linguGoliyati waseGati, obude bakhe buyizingalo eziyisithupha nesandla. ⁵ Wayenesigqoko sethusi ekhanda , egqoke ibhantshi lensimbi ; isisindo sebhantshi sasingamashekeli ayizinkulungwane eziyisihlanu ethusi. ⁶ Wayenezivikelo zethusi emilenzeni , nengcula yethusi phakathi kwamahlombe. ⁷ Uthi lomkhonto wakhe lwalunjengogongolo lomaluki ; isihloko somkhonto sasingamashekeli angamakhulu ayisithupha ensimbi ; ophethe isihlangu wahamba phambi kwakhe. ⁸ Wema, wamemeza ezinhleni zakwa -Israyeli, wathi kuzo : Niphumelani ukuhlela impi na ? Angisiye umFilisti , nina niyizinceku zikaSawule , na? Zikhetheleni umuntu, ehle eze kimi. ⁹ Uma enamandla okulwa nami , angibulale, siyakuba yizigqila zenu ; kepha uma ngimahlula, ngimbulale, niyakuba yizigqila zethu, nisikhonze. ¹⁰ UmFilisti wathi : Ngiyazeyisa namuhla izinhla zakwa -Israyeli; nginikeni umuntu, silwe naye. ¹¹ Lapho uSawule naye wonke u -Israyeli bezwa lawo mazwi omFilisti, bashaywa luvalo, besaba kakhulu. ¹² UDavide wayeyindodana yalowo mEfrati waseB etlehema Juda ogama lakhe lalinguJese ; wayenamadodana ayisishiyagalombili ; lowo muntu wayemdala ezinsukwini zikaSawule phakathi kwabantu. ¹³ Amadodana amathathu amakhulu kaJese ayemlandele uSawule ukuya empini; amagama amadodana akhe amathathu ayeyile empin i ayengu - Eliyabe izibulo, emelamayo ngu-Abinadaba, neyesithathu nguShama. ¹⁴ UDavide nguye owayengomncinyane ; amathathu amakhulu amlandela uSawule. ¹⁵ UDavide wahamba wabuya ukuyakwalusa izimvu zikayise eBetlehema. ¹⁶ UmFilisti wasondela ekuseni nakusihlwa , wema khona izinsuku ezingamashumi amane. ¹⁷ UJese wathi kuDavide indodana yakhe : Ake uthathele abafowenu i -efa lalolu tshwele nalezi zinkwa eziyishumi, usheshe uye ekamu labafowenu, ¹⁸ uphathele induna yenkulungwane lawa makhekheba kashizi, ubheke impilo yabafowenu, uthathe isibambiso kubo. ¹⁹ USawule nabo bonke abantu bakwa -Israyeli base besesigodini sase -Ela, belwa namaFilisti. ²⁰ UDavide wavuka ekuseni kakhulu , washiya izimvu kumlindi , wathatha, wahamba, njengalokho uJese amyale ngakho ; wafika enqabeni yezinq ola, impi isaphuma ukuyakuhlelwa, yahlaba umkhosi. ²¹ U-Israyeli namaFilisti bahlela impi, babhekana. ²² UDavide washiya impahla yakhe esandleni somlindi wempahla , wagijimela empini, wabingelela abafowabo. ²³ Kepha esakhuluma nabo , bheka, kwenyuka iqhawe elik hulu, umFilisti waseGati, nguGoliyati igama lalo, ephuma ezinhleni zamaFilisti, wakhuluma wona lawo mazwi; uDavide wawezwa. ²⁴ Bonke abantu bakwa -Israyeli sebebonile lo muntu bambalekela , besaba kakhulu. ²⁵ Abantu bakwa -Israyeli bathi : Nimbonile lowo muntu o wenyukile na ? Ngokuba wenyukile ukuyakweyisa u-Israyeli; kuyakuthi umuntu ombulalayo, inkosi imcebise ngengcebo enkulu , imnike indodakazi yayo , iyenze indlu kayise ibe ngekhululekile kwa-Israyeli. ²⁶ UDavide wakhuluma kubantu ababemi naye , wathi: Kuyakwenziwa ntoni kumuntu obulala lowo mFilisti , asuse ihlazo kwa -Israyeli, na? Ngokuba ngubani lowo mFilisti ongasokile ukuba ayeyise impi kaNkulunkulu ophilayo na? ²⁷ Abantu bamphendula ngalona lelo zwi ; bathi-ke: Kuyakwenziwa kanjalo kumuntu ombulalayo. ²⁸ U-Eliyabe umfowabo omkhulu wezwa lapho ekhuluma kubantu ; intukuthelo ka -Eliyabe yamvuthela uDavide, wathi: Wehleleni na? Uzishiye kubani leziya zimvu ezingengakanani ehlane na ? Mina ngiyakwazi ukuziphakamisa kwakho nobubi benhliziyo yakho , ngokuba wehlile ukuba ubuke impi. ²⁹ Kepha uDavide wathi: Ngenzeni na? Bekungumbuzo nje. ³⁰ Wamfulathela, wabheka komunye , wakhuluma lona lelo zwi ; abantu bamphendula njengakuqala. ³¹ Esezwakele amazwi abewakhulumile uDavide alandwa phambi kukaSawule; wambiza. ³² UDavide wayesethi kuSawule: Makungaqedwa nhliziyo yamuntu ngalowo ; inceku yakho iyakuhamba ilwe nalowo mFilisti. ³³ USawule wathi kuDavide: Awunamandla okuya kulowo mFilisti, ulwe naye, ngokuba ungumfana nje, yena eyindoda yempi kwasebusheni bakhe. ³⁴ UDavide wathi kuSawule : Inceku yakho yayizalusa izimvu zikayise ; lapho kwafika ingonyama nebhere kwathatha imvu emhlambini, ³⁵ ngaphuma ngakulandela , ngakubulala, ngayophula emlonyeni wakho ; lapho kwangivukela, ngakubamba ngesilevu, ngakwahlula, ngakubulala. ³⁶ Inceku yakho yahlula ingonyama nebhere , nalowo mFilisti ongasokile uyakuba njengenye yazo, lokhu eyeyisile impi kaNkulunkulu ophilayo. ³⁷ UDavide wathi: UJehova owangophula ozisheni lwengonyama nasozisheni lwebhere uyakungophula nasesandleni salowo mFilisti . USawule wathi kuDavide: Hamba, uJehova uyakuba nawe. ³⁸ USawule wamembathisa ezakhe izingubo , wamfaka isigqoko sethusi ekhanda, wamgqokisa ibhantshi lensimbi. ³⁹ UDavide wabhinca inkemba yakhe phezu kwezambatho zakhe , wazama ukuhamba, ngokuba wayengakazilingi . UDavide wathi k uSawule: Anginakuhamba nalezi, angikazilingi. UDavide wayesezikhumula. ⁴⁰ Wathatha induku yakhe ngesandla , wazikhethela amatshe ayisihlanu abushelezi emfudlaneni , wawafaka esikhwameni somalusi ayenaso , eyikeni lakhe, indwayimana yakhe isesandleni sakhe; wayesesondela kumFilisti. ⁴¹ Weza umFilisti , wafika wasondela kuDavide ; umuntu ophethe isihlangu wahamba phambi kwakhe. ⁴² UmFilisti esabuka wambona uDavide , wameyisa, ngokuba wayengumfana nje, ebomvana, ebukeka emuhle. ⁴³ UmFilisti wathi kuDavide : Ngiyinja yin i ukuba uze kimi unezinduku na ? UmFilisti wamthuka uDavide ngawonkulunkulu bakhe. ⁴⁴ UmFilisti wathi kuDavide : Woza kimi , nginike izinyoni zezulu nezilwane zasendle inyama yakho. ⁴⁵ UDavide wayesethi kumFilisti : Wena uza kimi nenkemba , nomkhonto, nengcula, kepha mina ngiza kuwe ngegama likaJehova Sebawoti , uNkulunkulu wempi ka-Israyeli oyeyisile. ⁴⁶ Namuhla uJehova uyakukunikela esandleni sami ; ngiyakukubulala, ngisuse ikhanda lakho kuwe , nginike namuhla izinyoni zezulu nezilwane zomhlaba izidumbu zempi yamaF ilisti, ukuze umhlaba wonke wazi ukuthi kukhona uNkulunkulu kwa-Israyeli, ⁴⁷ yazi yonke le nhlangano ukuthi uJehova akasindisi ngenkemba nangomkhonto; ngokuba ukulwa kungokukaJehova; uyakuninikela esandleni sethu. ⁴⁸ Kwathi lapho esuka umFilisti weza wasonde la ukuhlangabezana noDavide, uDavide washesha wagijimela ngasempini ukuhlangana nomFilisti. ⁴⁹ UDavide wafaka isandla sakhe esikhwameni sakhe , wakhipha khona itshe , waliphonsa, wamshaya umFilisti ebunzini , itshe lashona ebunzini , wawela phansi ngobuso. ⁵⁰ UDavide wamahlula umFilisti ngendwayimana nangetshe , wamshaya umFilisti, wambulala; kodwa kwakungekho nkemba esandleni sikaDavide. ⁵¹ Wayesegijima uDavide, wema phezu komFilisti , wathatha inkemba yakhe , wayihosha emgodleni wayo , wambulala, wamnquma ikhanda ngayo. Lapho amaFilisti ebona ukuthi iqhawe lawo lifile, abaleka. ⁵² Abantu bakwa -Israyeli nabakwaJuda basuka bakhamuluka , bawaxosha amaFilisti kwaze kwaba seGayi nasemasangweni ase -Ekroni. Abalimeleyo bamaFilisti bawa ngasendleleni eya eShaharayimi, kwaze kwaba seGati nase- Ekroni. ⁵³ Abantwana bakwa-Israyeli babuya ekuxosheni amaFilisti , baphanga ikamu lawo. ⁵⁴ UDavide wathatha ikhanda lomFilisti, waliyisa eJerusalema; kepha wafaka izikhali zakhe etendeni lakhe. ⁵⁵ Lapho uSawule embona uDavide ephuma ukuhlangab ezana nomFilisti , wathi ku-Abineri induna yempi : Abineri, yindodana kabani lo mfana na ? U- Abineri wathi: Kuphila kwakho, nkosi, angazi. ⁵⁶ Yayisithi inkosi: Buza wena ukuthi iyindodana kabani le nsizwa. ⁵⁷ UDavide esabuya ekubulaleni umFilisti , u-Abineri wam thatha wamyisa phambi kukaSawule, ephethe ikhanda lomFilisti esandleni sakhe. ⁵⁸ USawule wathi kuye : Uyindodana kabani wena mfana na ? UDavide waphendula wathi: Ngiyindodana yenceku yakho uJese waseBetlehema.