¹ Kwathi emva kwezinsuku eziningi izwi likaJehova lafika ku -Eliya ngomnyaka wesithathu, lathi: Hamba uzibonakalise ku -Ahabi; ngiyakunisa imvula emhlabeni. ² Wayesehamba u -Eliya ukuzibonakalisa ku -Ahabi. Indlala yayinamandla eSamariya. ³ U-Ahabi wabiza u -Obadiya owayephezu kwendlu yakhe . U-Obadiya wayemesaba kakhulu uNkulunkulu, ⁴ ngokuba kwathi lapho u -Izebeli ebulala abaprofethi bakaJehova , u-Obadiya wathatha abaprofethi abayikhulu , wabafihla emhumeni ngamashumi ayisihlanu, wabondla ngesinkwa nangamanzi. ⁵ U-Ahabi wathi ku -Obadiya: Hamba ezwe ni, uye emithonjaneni yonke yamanzi nasemifudlaneni yonke; mhlawumbe singafumana utshani, sisindise amahhashi neminyuzi, izilwane zingabhubhi. ⁶ Base bahlukaniselana izwe ukuba balidabule : u-Ahabi wahamba ngenye indlela eyedwa, u-Obadiya naye wahamba ngenye indlela eyedwa. ⁷ U-Obadiya esendleleni, bheka, kwahlangana naye u -Eliya, wambona, wawa ngobuso, wathi: Wena uyinkosi yami u-Eliya na? ⁸ Wathi kuye: Yimi; hamba utshele inkosi yakho ukuthi: Nangu u-Eliya. ⁹ Wayesethi kuye: Ngoneni ukuba unikele inceku yakho esandleni sika-Ahabi ukungibulala na? ¹⁰ Kuphila kukaJehova , uNkulunkulu wakho , akukho sizwe nambuso lapho inkosi yami ingathumanga khona ukukufuna , nanxa bethi akakho lapha , yafungisa umbuso nesizwe ukuthi abakufumananga. ¹¹ Manje usuthi wena: Hamba utshele inkosi yakho ukuthi: Nangu u-Eliya. ¹² Kuyakuthi sengisukile kuwe , uMoya kaJehova akuyise lapho ngingazi khona, nanxa sengifika ukuba ngimtshele u -Ahabi, yena angakufumani , uyakungibulala; kepha mina nceku yakho ngiyamesaba uJehova kwasebusheni bami. ¹³ Inkosi yami ayitshelwanga yini lokho engakwenzayo lapho u-Izebeli ebulala abaprofethi bakaJehova , ukuthi ngafihla abantu abayikhulu kubaprofethi bakaJehova ngamashumi ayisihlanu emhumeni , ngabondla ngesinkwa nangamanzi, na? ¹⁴ Usuthi manje : Hamba utshele ink osi yakho ukuthi : Nangu u -Eliya, bese yingibulala. ¹⁵ Kepha u-Eliya wathi: Kuphila kukaJehova Sebawoti engimi phambi kwakhe namuhla, ngizakuzibonakalisa kuye. ¹⁶ U-Obadiya wayesehamba ukumhlangabeza u -Ahabi, wamtshela lokho; wayesehamba u-Ahabi ukumhlangabeza u-Eliya. ¹⁷ Kwathi u -Ahabi esembonile u -Eliya, u-Ahabi wathi kuye : Nguwe ongumhluphi wakwa-Israyeli na? ¹⁸ Kodwa wathi : Mina angimhluphanga u -Israyeli, kepha nguwe nendlu kayihlo, ngokuyilahla imiyalo kaJehova, uze ulandele oBali. ¹⁹ Ngalokho thumela ubuth e kimi u -Israyeli wonke entabeni yaseKarmeli , nabaprofethi bakaBali abangamakhulu amane namashumi ayisihlanu , nabaprofethi baka -Ashera abangamakhulu amane abadla etafuleni lika - Izebeli. U-Eliya nabaprofethi bakaBali eKarmeli ²⁰ U-Ahabi wayesethumela kubo bo nke abantwana bakwa -Israyeli, wabutha abaprofethi entabeni yaseKarmeli. ²¹ U-Eliya wasondela kubo bonke abantu , wathi: Koze kube nini nimanqikanqika phakathi kwezinhlangothi ezimbili na ? Uma uJehova enguNkulunkulu, mlandeleni yena, kepha uma kunguBali , mlandeleni yena. Kodwa abantu kabamphendulanga ngazwi. ²² Wayesethi u-Eliya kubantu: Yimi ngedwa oseleyo engumprofethi kaJehova, kepha abaprofethi bakaBali bangabantu abangamakhulu amane namashumi ayisihlanu. ²³ Mabasinike izinkunzi ezimbili , bazikhethele inku nzi ibenye , bayihlahlele, bayibeke phezu kwezinkuni , bangafaki umlilo ; mina ngiyakuyilungisa enye inkunzi, ngiyibeke phezu kwezinkuni, ngingafaki umlilo. ²⁴ Libizeni igama likankulunkulu wenu, mina ngibize igama likaJehova ; bese kuthi uNkulunkulu ophendula ngomlilo abe nguye onguNkulunkulu . Bonke abantu bathi: Lihle leli zwi. ²⁵ U-Eliya wayesethi kubaprofethi bakaBali : Zikhetheleni inkunzi, niyilungise kuqala, ngokuba nibaningi, nibize igama likankulunkulu wenu , ningafaki umlilo nokho. ²⁶ Bayithatha inkunzi a bayinikwayo, bayilungisa, balibiza igama likaBali kwasekuseni kwaze kwaba semini ngokuthi : Bali, siphenduleni; kepha akubangakho zwi , nophendulayo wayengekho. Baxhuma ngase -altare ebelenziwe. ²⁷ Kwathi ngasemini u -Eliya wadlala ngabo , wathi: Memezani ngezwi elikhulu; noma engunkulunkulu , mhlawumbe uyazindla , noma echezukile nje, noma esohambeni, noma elele edinga ukuvuswa. ²⁸ Base bememeza ngezwi elikhulu , bazisika ngawomese nangemikhonto ngomthetho wabo, kwaze kwatshaza igazi kubo. ²⁹ Kwathi lapho isidlulil e imini , baprofetha kwaze kwanikelwa ngomnikelo wempuphu, kepha akubangakho zwi, nophendulayo, nonakekelayo. ³⁰ U-Eliya wayesethi kubantu bonke: Sondelani kimi. Bonke abantu basondela kuye. Wayeselungisa i-altare likaJehova elalidiliziwe. ³¹ U-Eliya wathath a amatshe ayishumi nambili njengomumo wezizwe zamadodana kaJakobe okweza kuye izwi likaJehova , lathi: Igama lakho lizakuba ngu-Israyeli. ³² Wakha i-altare ngamatshe egameni likaJehova , wenza umsele ngase -altare nxazonke olingene namaseya amabili embewu. ³³ Wahlela izinkuni, wayihlahlela inkunzi, wayibeka phezu kwezinkuni. ³⁴ Wathi: Gcwalisani izimbiza ezine ngamanzi, niwathele emnikelweni wokushiswa naphezu kwezinkuni. Wathi: Kwenzeni ngokwesibili. Wayesethi: Kwenzeni nangokwesithathu. Baphinda ngokwesithathu. ³⁵ Amanzi agobhoza ngase-altare nxazonke; wagcwalisa nomsele ngamanzi. ³⁶ Kwathi ngesikhathi sokunikela ngomnikelo wempuphu u -Eliya umprofethi wasondela, wathi: Jehova Nkulunkulu ka-Abrahama noka-Isaka noka-Israyeli, makwazeke namuhla ukuthi wena unguNkulu nkulu kwa -Israyeli, nokuthi mina ngiyinceku yakho, nokuthi ngenzile konke lokhu ngezwi lakho. ³⁷ Ngiphendule, Jehova, ngiphendule ukuba laba bantu bazi ukuthi wena Jehova unguNkulunkulu nokuthi uphendukisela kuwe izinhliziyo. ³⁸ Wawusuwehla umlilo kaJehova , wawuqeda umnikelo wokushiswa , nezinkuni, namatshe, nothuli, wakhotha amanzi asemseleni. ³⁹ Abantu bonke sebekubonile lokho bawa ngobuso babo , bathi: UJehova nguye onguNkulunkulu; uJehova nguye onguNkulunkulu. ⁴⁰ U-Eliya wathi kubo : Bambani abaprofethi baka Bali, kungabaleki noyedwa kubo. Bababamba, u-Eliya wabehlisela emfudlaneni iKishoni , wababulala khona. ⁴¹ Wayesethi u -Eliya ku -Ahabi: Khuphuka, udle, uphuze, ngokuba kukhona umdumo wemvula enkulu. ⁴² Wayesekhuphuka u -Ahabi ukuba adle , aphuze. U-Eliya wakhuph ukela esiqongweni saseKarmeli , wakhothamela phansi , wabeka ubuso bakhe phakathi kwamadolo akhe. ⁴³ Wathi encekwini yakhe : Khuphuka, ubheke ngaselwandle . Yakhuphuka, yabheka, yathi: Akukho lutho. Wayesethi: Phinda kasikhombisa. ⁴⁴ Kwathi ngokwesikhombisa yath i: Bheka, kukhuphuka ifu elwandle, lingangesandla somuntu . Wayesethi: Khuphuka, umtshele u -Ahabi ukuthi : Bophela, wehle, funa uvinjelwe yimvula. ⁴⁵ Kwathi ngesikhashana nje izulu laguqubala ngamafu nangomoya , lana imvula enkulu. U-Ahabi wakhwela inqola, waya eJizreyeli. ⁴⁶ Isandla sikaJehova sasiku-Eliya; wabopha ukhalo lwakhe, wagijima phambi kuka-Ahabi, waze wafika ekungeneni kwaseJizreyeli.