¹ Wo kohlubukileyo nongcolileyo, muzi ocindezelayo! ² Awuzwa zwi, awamukeli ukulaywa, awumethembi uJehova, awusondelanga kuNkulunkulu wawo. ³ Izikhulu zawo phakathi kwawo ziyizingonyama ezibhongayo ; abahluleli bawo bayizimpisi zokuhlwa; abashiyeli lutho ingomuso. ⁴ Abaprofethi bawo bangamayiyane nabakhohlisi ; abapristi bawo bayingcolisile indlu engcwele, bawudlovulile umthetho. ⁵ UJehova ulungile phakathi kwawo , akenzi okubi ; ekuseni njalo uveza ukwahlulela kwakhe ekukhanyeni , akuphuthi; kepha abangalungile abazi amahloni. ⁶ Nginqumile izizwe, imibhoshongo yazo yasezingosini ichithekile; ngichithile izitaladi zazo ukuze kungadluli muntu ; imizi yazo iqothuliwe ukuze kungabikho muntu, kungabikho ohlala kuyo. ⁷ Ngathi: Nokho uyakungesaba, wamukele ukulaywa. Indawo yawo yokuhlala ayiyikunqunywa, kungenzeki konke engiwumisele khona ; kepha bavuka ekuseni, benza okubi. ⁸ Ngalokho, ngilindeleni, usho uJehova , kuze kube lusuku engivuka ngalo ukuba ngiphange , ngokuba kuyisinqumo sami ukubutha izizwe ukuba ngiqoqe imibuso , ukuze ngithulule phezu kwabo intukuthelo yami , lonke ulaka lwami oluvuthayo , ngokuba wonke umhlaba uyakudliwa ngumlilo womhawu wami. ⁹ Ngokuba lapho ngiyakunika abantu izindebe ezihlanzekileyo , ukuze bonke babize igama likaJehova, bamkhonze nganhliziyonye. ¹⁰ Kusukela phesheya kwemifula yaseKush e abanxusa kimi , indodakazi yabahlakazekileyo bami, bayakuletha umnikelo wami. ¹¹ Ngalolo suku awusayikuba namahloni ngazo zonke izenzo zakh o ophambuke ngazo kimi , ngokuba khona ngiyakususa phakathi kwakh o abazidla ngokujabula, awusayikuziphakamisa entabeni yami engcwele. ¹² Kepha ngiyakushiya phakathi kwakho abantu abahluphekayo nabampofu ; bayakwethemba igama likaJehova. ¹³ Insali yakwa -Israyeli ayisayikwenza okubi , ingakhulumi amanga , kungafunyanwa emlonyeni wabo ulimi olukhohlisayo; yebo, bayakwaluka, babuthise, kungekho obesabisayo. ¹⁴ Hlabelela ngokujabula, ndodakazi yaseSiyoni, umemeze, Israyeli, uthokoze, wethabe ngenhliziyo yonke, ndodakazi yaseJerusalema. ¹⁵ UJehova ususile ukwahlulelwa kwakho , uxoshile izitha zakho . INkosi yakwa-Israyeli, uJehova, iphakathi kwakho; awusayikwesaba okubi. ¹⁶ Ngalolo suku kuyakuthiwa kulo iJerusalema : Ungesabi, Siyoni! Izandla zakho mazingadangali. ¹⁷ UJehova uNkulunkulu wakho uphakathi kwakho, iqhawe eliyakukusindisa; uyakujabula ngawe ngentokozo , athule othandweni lwakhe , ethabe ngawe ngokuhlabelela. ¹⁸ Abadabuka ngemikhosi ngiyakubabutha , ababahlukene nawe , usathwele ihlazo. ¹⁹ Bhekani, ngaleso sikhathi ngiyakuphatha bonke abakuhluphayo, ngisindise abaqhugayo, ngibuthe abaxoshiweyo , ngibenze indumiso negam a abahlazo labo lalisemhlabeni wonke. ²⁰ Ngaleso sikhathi ngiyakuningenisa , ngaleso sikhathi ngiyakunibutha , ngokuba ngiyakunenza igama nendumis o phakathi kwabantu bonke bomhlaba, lapho ngibuyisa ukuthunjwa kwen u phambi kwamehlo enu, usho uJehova.