¹ Ngenyanga yesishiyagalombili ngomnyaka wesibili kaDariyu izwi likaJehova lafika kuZakariya indodana kaBerekiya ka-Ido, umprofethi, lathi: ² UJehova wathukuthelela nokuthukuthelela oyihlo. ³ Kepha yisho wena kubo, uthi: Usho kanje uJehova Sebawoti, uthi: Buyelani kimi, usho uJehova Sebawoti, ngiyakubuyela kini, usho uJehova Sebawoti. ⁴ Ningabi njengawoyihlo abaprofethi bokuqala abamemeza kubo , bathi: Usho kanje uJehova Sebawoti , uthi: Ake nibuye ezindlelen i zenu ezimbi nasezenzweni zenu ezimbi ; kepha kabalalelanga , kabangiqaphelanga, usho uJehova. ⁵ Oyihlo baphi na? Nabaprofethi bakhona kuze kube phakade na? ⁶ Kanti amazwi ami nezimiso zami engayala ngakho izinceku zami abaprofethi akubaficanga yini oyihlo , baze baphenduka , bathi: Njengalokho uJehova Sebawoti ebehlosa ukwenza kithi njengezindlela zethu nemisebenzi yethu , wenze kanjalo kithina, na? Umbono ngezinkweli zamahhashi ⁷ Ngosuku lwamashumi amabili nane lwenyanga yeshumi nanye eyinyanga kaShebati ngomny aka wesibili kaDariyu izwi likaJehova lafika kuZakariya indodana kaBerekiya ka-Ido, umprofethi, lathi: ⁸ Ngabona ebusuku; bheka, nango umuntu ekhwele ihhashi elibomvu, wema phakathi kwemibomvana eyayisesigodini , nasemva kwakhe kwakukhona amahhashi abomvu, nalufipha, namhlophe. ⁹ Ngase ngithi : Bayini laba ? Ingelosi eyayikhuluma nami yathi kimi : Ngiyakukubonisa ukuthi bayini laba. ¹⁰ Umuntu owayemi phakathi kwemibomvana wathatha wathi : Laba yibo uJehova abathumile ukuba bahambahambe emhlabeni. ¹¹ Base bethatha , bathi kuyo ingelosi kaJehova eyayimi phakathi kwemibomvana: Sihambahambile emhlabeni; bheka, wonke umhlaba uhlezi uthule. ¹² Yayisithatha ingelosi kaJehova , yathi: Jehova Sebawoti , koze kube nini ungabi nasihe kulo iJerusalema nakuyo imizi yakwaJuda oyithu kuthelele le minyaka engamashumi ayisikhombisa na? ¹³ UJehova wayesephendula ingelosi eyayikhuluma kimi ngamazwi amahle , amazwi amnandi. ¹⁴ Yayisithi kimi ingelosi eyayikhuluma nami : Memeza uthi : Usho kanje uJehova Sebawoti, uthi: Ngihawukela iJerusalema n eSiyoni ngokuhawukela okukhulu. ¹⁵ Ngentukuthelo enkulu ngiyathukuthelela izizwe ezizinzileyo , ngokuba lapho ngithukuthele kancane nje, zandisa okubi. ¹⁶ Ngalokho usho kanje uJehova, uthi: Ngiyakubuyela eJerusalema ngomusa, indlu yami yakhiwe kulo , usho uJ ehova Sebawoti , kwelulwe umucu wokulinganisa phezu kweJerusalema. ¹⁷ Phinda umemeze , uthi: Usho kanje uJehova Sebawoti , uthi: Imizi yami isayakuchichima okuhle, uJehova abuye aliduduze iSiyoni , abuye alikhethe iJerusalema. Umbono ngezimpondo ezine nabakhandi bensimbi ¹⁸ Ngase ngiphakamisa amehlo ami, ngabona; bheka, nazo izimpondo ezine. ¹⁹ Ngathi kuyo ingelosi eyayikhuluma nami : Ziyini lezi ? Yathi kimi : Lezi ziyizimpondo ezihlakazile oJuda, no-Israyeli, neJerusalema. ²⁰ UJehova wayesengibonisa abakhandi abane bensimbi. ²¹ Ngathi: Laba bafike ukwenzani na? Wakhuluma wathi: Leziya ziyizimpondo ezazimhlakaza uJuda ngangokuba kungabangakho muntu ophakamisa ikhanda lakhe , kepha laba bafikile ukubashaya ngovalo , bawise phansi izimpondo zabezizwe ezaziphakamisa uphon do ngezwe lakwaJuda ukuba lihlakazwe.