¹ Konke kunesikhathi sakho, yonke indaba inomzuzu wayo phansi kwezulu. ² Kukhona isikhathi sokuzalw a nesikhathi sokufa , isikhathi sokutshal a nesikhathi sokusiphula okutshaliweyo; ³ isikhathi s okubulala nesikhathi sokuphilisa, isikhathi sokudiliza nesikhathi sokwakha; ⁴ isikhathi sokukhal a nesikhathi sokuhleka , isikhathi sokulil a nesikhathi sokusina; ⁵ isikhathi sokuphonsa amatsh e nesikhathi sokuqoqa amatshe , isikhathi sokugona nesikhathi sokungagoni; ⁶ isikhathi sokufuna nesikhathi sokulahlekelwa, isikhathi sokugcina nesikhathi sokuhlahla; ⁷ isikhathi sokuklebhula nesikhathi sokuthunga, isikhathi sokuthula nesikhathi sokukhuluma; ⁸ isikhathi sokuthand a nesikhathi sokuzonda , isikhathi sokulwa nesikhathi sokuzola. ⁹ Unanzuzoni osebenzayo ngalokho akushikashikayo na? ¹⁰ Ngibonile umshikashika uNkulunkulu awunikile amadodana abantu ukuba awushikashike. ¹¹ Wenzile konke kube kuhle esikhathini sakho , ubekile nokuphakade ezinhliziyweni zabo ; nokho umuntu ange fumane umsebenzi awenzile uNkulunkulu kwasekuqaleni kuze kube sekupheleni. ¹² Ngiyazi ukuthi akukho okuhle kubo kunokuba bathokoze , bazenzele okumnandi besekhona. ¹³ Kepha futhi ukuba abantu bonke badle , baphuze, babone okuhle kuwo wonke umshikashika wabo kuyisipho sikaNkulunkulu nalokho. ¹⁴ Ngiyazi ukuthi konke akwenzayo uNkulunkulu kuyakuba khona kuze kube phakade; akukho okungenezelwa kukho , futhi akukho okungasuswa kukho . UNkulunkulu ukwenzile ukuba abantu besabe phambi kwakhe. ¹⁵ Lokhu okukhona yikho ok wakukhona, nalokhu okuyakuba khona kade kwakukhona; uNkulunkulu ufuna okudlulileyo. Umuntu ufana nezilwane ¹⁶ Futhi ngabona phansi kwelanga ukuthi kukhona okubi endaweni yokwahlulela nokuthi kukhona ukushinga endaweni yokulunga. ¹⁷ Ngase ngithi enhliziyweni yami: UNkulunkulu uyakwahlulela nolungileyo nomubi, ngokuba kukhona lapha isikhathi sezindaba zonk e nesemisebenzi yonke. ¹⁸ Ngathi enhliziyweni yami : Kungenxa yamadodana abantu ukuze uNkulunkulu awavivinye, wona azibonele ukuthi anjengezilwane nje. ¹⁹ Ngokuba okwehlela amadodana abantu kwehlela nezilwane , into inye ikwehlela kokubili : njengalokhu kufa lokho , kuyafa nalokhu ; kunomphefumulo munye , umuntu akazidluli ngalutho izilwane, ngokuba konke kuyize. ²⁰ Konke kuya endaweni inye ; konke kuvela othulini , konke kubuyela othulini. ²¹ Ngubani owaziyo ukuthi umoya wamadodana abantu ukhuphukela phezulu, nomoya wezilwane ukuthi wehlela phansi emhlabathini, na? ²² Ngase ngibona-ke ukuthi akukho okungcono kunokuba umuntu athokoze ngemisebenzi yakhe, lokhu kuyisabelo sakhe, ngokuba ngubani ongambuyisa ukuba abone okuyakuba semva kwakhe na?