¹ Kwathi ngosuku lwesishiyagalombili uMose wabiza u -Aroni namadodana akhe namalunga akwa-Israyeli, ² wathi ku -Aroni: Mawuzithathele ithole lenkunzi , libe ngumnikelo wesono , nenqama ibe ngumnikelo wokushiswa, okungenasici, unikele ngakho phambi kukaJehova. ³ Khuluma kubantwana bakwa -Israyeli, uthi: Thathani impongo , ibe ngumnikelo wesono , nethole new undlu, omabili abe nomnyaka munye , angenasici, abe ngumnikelo wokushiswa, ⁴ nenkunzi nenqama zibe yiminikelo yokuthula , zihlatshwe phambi kukaJehova, nomnikelo wempuphu oxovwe namafutha , ngokuba namuhla uJehova uyabonakala kini. ⁵ Baletha-ke lokho uMose aku yalayo phambi kwetende lokuhlangana , nenhlangano yonke yasondela, yema phambi kukaJehova. ⁶ Wayesethi uMose : Nansi into uJehova ayala ngayo ukuba niyenze , kuze kubonakale kini inkazimulo kaJehova. ⁷ UMose wathi ku-Aroni: Sondela e-altare, unikele ngomnikelo wakho wesono nangomnikelo wakho wokushiswa , uzenzele wena nabantu ukubuyisana, andukuba unikele ngomnikelo wabantu , ubenzele ukubuyisana, njengalokho uJehova eyalile. ⁸ U-Aroni wayesesondela e -altare, walihlaba ithole lomnikelo wesono ongowakhe. ⁹ Amadodana ka-Aroni aletha igazi kuye ; wagcobhoza umunwe egazini , walibheca ezimpondweni ze -altare, wathulula elinye igazi ngasesinqeni se - altare; ¹⁰ kepha amanoni nezinso namanoni aphezu kwesibindi emnikelweni wesono wakushisa e-altare, njengalokho uJehova emyalile uMose. ¹¹ Inyama nesikhumba wakushisa ngomlilo ngaphandle kwekamu. ¹² Wawuhlaba umnikelo wokushiswa; amadodana ka-Aroni aletha kuye igazi , wafafaza ngalo i-altare nxazonke. ¹³ Anikeza kuye umnikelo wokushiswa izitho ngezitho kanye nenhloko , wakushisa e-altare. ¹⁴ Wahlanza izibilini namanqina , wakushisa phezu komnikelo wokushiswa e - altare. ¹⁵ Wayeseletha umnikelo wabantu , wathatha impongo yomnikelo wesono ongowabantu, wayihlaba, wanikela ngayo ngenxa yesono njengowokuqala. ¹⁶ Waletha umnikelo wokushiswa, wanikela ngawo njengokwesimiso. ¹⁷ Wayeseletha umnikelo wempuphu , wagcwalisa isandla sakhe ngawo , wawushisa e-altare ngaphandle komnikelo wokushiswa wasekuseni. ¹⁸ Wahlaba inkunzi nenqama , zibe ngumhlatshelo weminikelo yokuthula ongowabantu; amadodana ka-Aroni aletha kuye igazi owafafaza ngalo i-altare nxazonke, ¹⁹ namanoni enkunzi nawenqama , nomsila ononileyo , nalawo asibekela izibilini, nezinso, namanoni esibindi, ²⁰ abeka amanoni phezu kwezifuba; wawashisa amanoni e-altare; ²¹ izifuba nomlenze wokunene wakuzulisa, kube ngumnikelo wokuzuliswa phambi kukaJehova, njengalokho uMose eyalile. ²² U-Aroni waphakamisela izandla zakhe kubantu , wababusisa; wayesehla ekunikeleni ngomnikelo wesono nangomnikelo wokushiswa nangeminikelo yokuthula. ²³ OMose no-Aroni bangena etendeni lok uhlangana, babuye baphuma , bababusisa abantu; yayisibonakala inkazimulo kaJehova kubantu bonke. ²⁴ Kwaphuma umlilo ngaphambi kukaJehova , waqeda umnikelo wokushiswa namanoni e-altare; sebekubona abantu bonke bananela, bakhothamela phansi ngobuso.