¹ Wayesengingenisa ethempelini, walinganisa izinsika , ububanzi buyizingalo eziyisithupha ngalapha , ububanzi buyizingalo eziyisithupha nangalapha , ububanzi betabernakele. ² Ububanzi bomnyango babuyizingalo eziyishumi ; amacele omnyango ayeyizingalo eziyisihlanu ngalapha nezingalo eziyisihlanu ngalapha ; walinganisa ubude balo : yizingalo ezingamashumi amane ; nobubanzi balo : yizingalo ezingamashumi amabili. ³ Wayesengena phakathi, walinganisa izinsika zomnyango: yizingalo ezimbili; nomnyango: yizingalo eziyisithupha ; nobubanzi bomnyango : yizingalo eziyisikhombisa. ⁴ Walinganisa ubude bokuphakathi : yizingalo ezingamashumi amabili ; nobubanzi: yizingalo ezingamashumi amabili phambi kwethempeli ; wathi kimi: Lokhu kuyindawo engcwele kakhulu. ⁵ Wayeselinganisa udonga lwendlu : yizingalo eziyisithupha ; nobubanzi bamakamelo ezinhlangothi: yizingalo ezine nxazonke zendlu emaceleni onke. ⁶ Amakamelo ezinhlangothi ayemathathu elakanyene elinye phezu kwelinye , engamashumi amathathu ngomumo . Angena odongeni olwalungolwendlu lwamakamelo ezinhlangothi nxazonke ukuba abambelele kulo, angabambeleli odongeni lwendlu. ⁷ Amakamelo ezinhlangothi aba banzi ekukhuphukeni njalo nxazonke , ngokuba okuzungeza indlu kwakhuphuka nja lo nxazonke zendlu ; ngalokho indlu yaba banzi ekukhuphukeni njalo; kwakhushukwa ekamelweni eliphansi kwaze kwaba kweliphezulu ngeliphakathi. ⁸ Ngabona ukuthi indlu yayinendunduma nxazonke ; izisekelo zamakamelo ezinhlangothi zaziluhlanga olupheleleyo lwezing alo eziyisithupha kuze kube sekuhlanganisweni phezulu. ⁹ Uhlonze lodonga olwalungolwamakamelo ezinhlangothi ngaphandle lwaluyizingalo eziyisihlanu ; indawo eseleyo yayingeyamakamelo ezinhlangothi endlu. ¹⁰ Phakathi kwamakamelo kwakukhona ububanzi obuyizingalo ezingamashumi amabili nxazonke zendlu emaceleni onke. ¹¹ Iminyango yamakamelo ezinhlangothi yayibheke endaweni eseleyo, omunye umnyango ngasenyakatho nomunye umnyango ngaseningizimu ; ububanzi bendawo eseleyo babuyizingalo eziyisihlanu nxazonke. ¹² Isakhiwo esasiphambi kwendawo eyahlukanisiweyo ngasentshonalanga , ububanzi baso babuyizingalo ezingamashumi ayisikhombisa; uhlonze lodonga lwendlu lwaluyizingalo eziyisihlanu nxazonke , nobude balo buyizingalo ezingamashumi ayisishiyagalolunye. ¹³ Wayeselinganisa ind lu, ubude bayo buyizingalo eziyikhulu ; indawo eyahlukanisiweyo nesakhiwo kanye nezindonga zaso , ubude bakho babuyizingalo eziyikhulu, ¹⁴ nobubanzi bobuso bendlu kanye nendawo eyahlukanisiweyo ngasempumalanga: yizingalo eziyikhulu. ¹⁵ Wayeselinganisa ubude be sakhiwo phambi kwendawo eyahlukanisiweyo eyayisemva kwaso nemipheme yayo ngalapha nangalapha : yizingalo eziyikhulu, nethempeli elingaphakathi, nemipheme yegceke, ¹⁶ imibundu, namafasitele avaliweyo , nemipheme nxazonke eyelakanyene kathathu malungana nombund u, kwembeswe umuthi nxazonke , kusukela phansi kuze kube semafasiteleni; amafasitele ayemboziwe; ¹⁷ kuze kube phezu komnyango nasendlini engaphakathi , nangaphandle, nakulo lonke udonga nxazonke ngaphakathi nangaphandle kwakulinganisiwe, ¹⁸ kwenziwe ngamakheru bi nangamasundu ; isundu laliphakathi kwekherubi nekherubi, ikherubi lilinye linobuso obubili; ¹⁹ kwakungubuso bomuntu bubheke isundu ngalapha , nobuso bebhongo lengonyama bubheke isundu ngalapha ; kwakwenziwe kanjalo kuyo yonke indlu nxazonke. ²⁰ Kusukela phan si kuze kube phezu komnyango kwakwenziwe amakherubi namasundu, kanjalo nasodongeni lwethempeli. ²¹ Ithempeli-ke, izinsika zomnyango zazinezinhlangothi ezine , nobuso bendawo engcwelengcwele, isimo sabo sasinjengesimo sethempeli. ²² I-altare lalingumuthi , ukuphakama kwalo kuyizingalo ezintathu , nobude balo buyizingalo ezimbili ; lalinamagumbi; ubude balo nezindonga zalo kwakungumuthi; wathi kimi : Lokhu kuyitafula eliyakuba ngaphambi kukaJehova. ²³ Ithempeli nendawo engcwelengcwele kwakunezivalo ezimbili. ²⁴ Izivalo zazinezicabha ezimbili , izicabha ezimbili eziphendukayo , ezimbili ngezesinye isivalo, nezicabha ezimbili ngezesinye. ²⁵ Kwakwenziwe kuzo , ezivalweni zethempeli , amakherubi namasundu njengokwenziwe ezindongeni ; kwakukhona isivikelo somuthi phezu kompheme ngaphandle. ²⁶ Kwakukhona amafasitele avaliweyo namasundu ngalapha nangalapha emaceleni ompheme , nasemakamelweni ezinhlangothi zendlu , nasesivikelweni.