¹ Izwi likaJehova lafika kimi, lathi: ² Ndodana yomuntu, khuluma kubantwana babantu bakho, uthi kubo: Lapho ngehlisela phezu kwezwe inkemba , abantu bezwe bese bethatha umuntu phakathi kwabo, bambeke umlindi wabo, ³ nalapho yena esebona inkemba yehla phezu kwezwe , abethe icilongo , axwayise abantu, ⁴ okuzwayo ukukhala kwecilongo angaxwayi kodwa , bese yehla inkemba, imsuse, igazi lakhe liyakuba sekhanda lakhe. ⁵ Ukukhala kwecilongo wakuzwa , kepha akaxwayanga; igazi lakhe liyakuba kuye; uma exwayile, nga ezophulile. ⁶ Kepha uma umlindi ebona inkemba yehla , angabethi icilongo , abantu bangaxwayi, bese yehla inkemba, isuse umuntu kubo , uyasuswa ngenxa yobubi bakhe kepha igazi lakhe ngiyakulibiza esandleni somlindi. ⁷ Wena-ke, ndodana yomuntu, ngikubeke umlindi kuyo indlu yakwa -Israyeli; yizwa izwi lomlomo wami, ubaxwayise, kuvela kimi. ⁸ Lapho ngithi komubi : M untu omubi , uyakufa nokufa , bese wungakhulumi ukuba uxwayise omubi ashiye indlela yakhe , lowo muntu omubi uyakufa ngenxa yobubi bakhe, kepha igazi lakhe ngiyakulibiza esandleni sakho. ⁹ Kepha uma umxwayisa omub i ukuba ashiye indlela yakhe , abuye kuyo , angabuyi kodwa endleleni yakhe, uyakufa ngenxa yobubi bakhe, kepha wena uzikhululile. ¹⁰ Wena ndodana yomuntu , yisho kuyo indlu yakwa -Israyeli, uthi: Nisho kanje, nithi: Impela iziphambeko zethu nezono zethu ziphez u kwethu , siyonda ngenxa yazo; pho, siyakuphila kanjani na? ¹¹ Yisho kubo , uthi: Kuphila kwami , isho iNkosi uJehova , angithokozi ngokufa komubi , kuphela ngokubuya komubi endleleni yakhe aze aphile . Buyani, buyani ezindleleni zenu ezimbi ; niyakufelani nina ndlu yakwa - Israyeli na? ¹² Kepha wena ndodana yomuntu , yisho kubantwana babantu bakho , uthi: Ukulunga kolungileyo akuyikumophula ngosuku lwesiphambeko sakhe , nobubi-ke bomubi akayikuwa ngabo ngosuku lokubuya kwakhe ebubini bakhe, nolungileyo akanakuphila ngakho ngosuku lokona kwakhe. ¹³ Lapho ngisho kolungileyo ukuthi uyakuphila nokuphila , yena abesethemba ekulungeni kwakhe kodwa, enze okubi, akuyikukhunjulwa nesisodwa sezenzo zakhe ezilungileyo, kepha uyakufela kokubi akwenzileyo. ¹⁴ Lapho ngithi komubi : U yakufa nokufa , yena abesephenduka kodwa esonweni sakhe, enze okufaneleyo nokulungileyo, ¹⁵ yena lo mubi abuyise isibambiso , akhokhe ayekuthathile , ahambe ngezimiso zokuphila, angenzi okubi, uyakuphila nokuphila, angafi. ¹⁶ Akayikukhunjulelwa nesisodwa sezon o zakhe azenzileyo; wenzile okufaneleyo nokulungileyo; uyakuphila nokuphila. ¹⁷ Kodwa abantwana babantu bakho bathi: Indlela yeNkosi ayilingani. Kepha ngeyabo indlela engalingani. ¹⁸ Lapho olungileyo ebuya ekulungeni kwakhe, enze okubi, uyakufa ngakho. ¹⁹ Nalapho omubi ebuya ebubini bakhe , enze okufaneleyo nokulungileyo , uyakuphila ngakho. ²⁰ Nokho nisho nithi : Indlela yeNkosi ayilingani . Ngiyakunahlulela nina ndlu yakwa-Israyeli, kube yilowo nalowo ngendlela yakhe. Ukuwa kweJerusalema ²¹ Kwathi ngomnyaka weshu mi nambili wokuthunjwa kwethu , ngenyanga yeshumi, ngolwesihlanu lwenyanga , kwafika kimi ophunyukileyo eJerusalema, wathi: Umuzi unqotshiwe. ²² Isandla sikaJehova sasiphezu kwami kusihlwa , engakafiki ophunyukileyo, kepha wavula umlomo wami engakafiki kimi e kuseni; wavulwa umlomo wami, angabe ngisaba yisimungulu. ²³ Izwi likaJehova lafika kimi, lathi: ²⁴ Ndodana yomuntu, abakhe ezincithakalweni ezweni lakwa -Israyeli basho bathi: U -Abrahama wayemunye , wadla ifa lezwe ; kepha thina sibaningi, siphiwe lona libe yifa lethu. ²⁵ Ngalokho thana kubo : Isho kanje iNkosi uJehova , ithi: Nidla okunegazi , niphakamisa amehlo enu ezithombeni zenu, nichitha igazi. Pho, niyakudla ifa lezwe na? ²⁶ Niyethemba enkembeni yenu , nenza izinengiso , ningcolisa, kube yilowo nalowo umkamakhelwane wakhe. Pho, niyakudla ifa lezwe na? ²⁷ Uyakusho kanje kubo , uthi: Isho kanje iNkosi uJehova , ithi: Kuphila kwami, abasezincithakalweni, ngempela, bayakuwa ngenkemba , nosendle ngiyakumnika izilwane ukuba adliwe, nabasezinqabeni nasemihumeni bayakufa ngesifo. ²⁸ Ngiyakwenza izwe libe yincithakalo nokuyize, kuphele ukuzidla kwamandla alo; izintaba zakwa-Israyeli ziyakuchithwa ukuze kungabikho odlulayo. ²⁹ Bayakwazi ukuthi nginguJehova , lapho ngenzile izwe libe yincithakalo nokuyize ngenxa yazo zonke izinengiso zabo abazenzileyo. ³⁰ Wena-ke, ndodana yomuntu, abantwana babantu bakho bakhuluma ngawe ngasezindongeni naseminyango yezindlu , basho omunye komunye , omunye kumfowabo, bathi: Woza uzwe ukuthi yizwi lini eliphuma kuJehova. ³¹ Bafika kuwe njengokufika kwabantu, bahlala phambi kwakho njengabantu bami, bezwa amazwi akho , abawenzi kodwa , ngokuba ngomlomo wabo babonakalisa uthando olukhulu, kepha inhliziyo yabo ilandela inzuzo yabo. ³² Bheka, uyisihlabelelo esithandekayo sonephimbo elimnandi kubo , obetha kahle ngogubhu, ngokuba bezwa amazwi akho, abawenzi kodwa. ³³ Lapho lokhu kufika -- bheka, kuyeza! -- bayakwazi ukuthi kwakukhona umprofethi phakathi kwabo.