¹ Kwathi ngomnyaka weshumi nanye ngolo kuqala lwenyanga izwi likaJehova lafika kimi, lathi: ² Ndodana yomuntu , ngenxa yokuba iTire lishilo ngeJerusalema ukuthi : Ashila; laphukile ebe liyisango labantu ; seliphendukele kimi; ngiyakugcwala lapho selichithekile, ³ ngalokho isho kanje iNkosi uJehov a, ithi: Bheka, ngiphezu kwakho, Tire; ngiyakwenyusela kuwe izizwe eziningi njengolwandle lukhuphula amaza alo. ⁴ Ziyakuchitha izingange zaseTire , zibhidlize imibhoshongo yalo ; ngiyakukhukhuza umhlabathi walo kulo, ngilenze idwala eliyinyabule. ⁵ Liyakuba yindawo yokweneka amanetha phakathi kolwandle, ngokuba mina ngikukhulumile, isho iNkosi uJehova; liyakuba yimpango yezizwe. ⁶ Amadodakazi alo asendle ayakubulawa ngenkemba , bazi ukuthi nginguJehova. ⁷ Ngokuba isho kanje iNkosi uJehova , ithi: Bheka, ngiyakuyisa eTire uNebukadinesari inkosi yaseBabele , evela enyakatho , eyinkosi yamakhosi , enamahhashi, nezinqola, nabamahhashi, nesixuku sabantu abaningi. ⁸ Uyakubulala amadodakazi akho endle ngenkemba , enze inqaba ngakuwe , akunqwabele iduli, akumisele ihawu. ⁹ Uyakubekisa izinqama zakhe zokungqubuza ezingangeni zakho , abhidlize imibhoshongo yakho ngamazembe akhe. ¹⁰ Ngenxa yobuningi bamahhashi akhe ibhuqu lawo liyakukusibekela , izingange zakho zizamazame ngomdumo wabamahhashi, nowokunamasondo, nowezinqola, lapho engena esangweni lakho njengalokhu kungenwa emzini ofohliweyo. ¹¹ Ngezinselo zamahhashi akhe uyakunyathela zonke izitaladi zakho , abulale abantu bakho ngenkemba, kuwe phansi izinsika zemandla akho. ¹² Bayakuphanga imfuyo yakho , bagcugce impahla yakho ethengiswayo , babhidlize izingange zakho , badilize izindlu zakho ezinhle , babeke amatshe akho nemithi yakho nesihlabathi sakho phakathi kwamanzi. ¹³ Ngiyakwenza ukuba isiho sezihlabelelo zakho siphele , nezwi lamahabhu akho alisayikuzwakala. ¹⁴ Ngiyakukwenza idwala eliy inyabule, ube yindawo yokweneka amanetha ; awusayikwakhiwa, ngokuba mina Jehova ngikukhulumile , isho iNkosi uJehova. ¹⁵ Isho kanje iNkosi uJehova kulo iTire , ithi: Ngomdumo wokuwa kwakho , lapho abagwaziweyo bebubula nabafayo bebulawa phakathi kwakho , iziqhingi ziyakuzamazama. ¹⁶ Zonke izikhulu zolwandle ziyakwehla ezihlalweni zazo zobukhosi , zikhumule izingubo zazo , zihlubule izambatho zazo ezifekethisiweyo , zembathe ukuthuthumela , zihlale emhlabathini, zithuthumele njalonjalo , zimangale ngawe. ¹⁷ Ziyakwenza isililiselo ngawe, zithi kuwe: Yeka ukuchitheka kwakho , wena owahlalwa ngabasolwandle , muzi odumileyo , owawunamandla olwandle , wena nabakhileyo kuwe, owenza ukuba besatshwe bonke abakhileyo kuwe. ¹⁸ Manje iziqhingi ziyakuzamazama ngosuku lokuwa kwakho ; iziqhingi ezisolwandle ziyakuphela amandla ngokumuka kwakho. ¹⁹ Ngokuba isho kanje iNkosi uJehova , ithi: Lapho ngiyakukwenza umuzi ochithekileyo njengemizi engahlalwayo , nalapho ngiyakukhuphulela utwa phezu kwakho, amanzi amaningi akusibekele, ²⁰ ngiyakukwehlisa nabehlela egodini , kubantu basendulo , ngikuhlalise ekujuleni komhlaba kanye nabehlela egodini njengasezindaweni ezichithekileyo kwasendulo , ukuze ungahlalwa , ngisabeka udum o ezweni labaphilayo. ²¹ Ngiyakukwenza incithakalo , ungabe usabakho ; uyakufunwa, kepha awusayikufunyanwa kuze kube phakade, isho iNkosi uJehova.