¹ Lokhu kuyincwadi yezizukulwane zika -Adamu. Msukwana uNkulunkulu edala umuntu wamenza ngomfanekiso kaNkulunkulu. ² Wabadala owesilisa nowesifazane , wababusisa, waqamba igama labo ngokuthi abantu mhla bedalwa. ³ U-Adamu wahamba iminyaka eyikhulu namashumi amathathu, wazala indodana ngomfanekiso wakhe efana naye, wayiqamba igama lokuthi uSeti. ⁴ Izinsuku zika-Adamu emva kokuzalwa kukaSeti zaziyiminyaka engamakhulu ayisishiyagalombili; wazala amadodana namadodakazi. ⁵ Zonke izinsuku zokuhamba kuka-Adamu zaziyiminyaka engamakhulu ayisishiyagalolunye namashumi amathathu; wayesefa. ⁶ USeti wahamba iminyaka eyikhulu nanhlanu, wazala u-Enoshe. ⁷ Emva kokuzalwa kuka -Enoshe uSeti wahamba iminyaka engamakhulu ayisishiyagalombili nesikhombisa, wazala amadodana namadodakazi. ⁸ Zonke izinsuku zikaSeti zaziyiminyaka engamakhulu ayisishiyagalolunye neshumi nambili; wayesefa. ⁹ U-Enoshe wahamba iminyaka engamashumi ayisishiyagalolunye , wazala uKhenani. ¹⁰ Emva kokuzalwa kukaKhenani u -Enoshe wahamba iminyaka engamakhulu ayisishiyagalombili neshumi nanhlanu, wazala amadodana namadodakazi. ¹¹ Zonke izinsuku zika -Enoshe zaziyim inyaka engamakhulu ayisishiyagalolunye nanhlanu; wayesefa. ¹² UKhenani wahamba iminyaka engamashumi ayisikhombisa, wazala uMahalalele. ¹³ Emva kokuzalwa kukaMahalalele uKhenani wahamba iminyaka engamakhulu ayisishiyagalombili namashumi amane , wazala amadodan a namadodakazi. ¹⁴ Zonke izinsuku zikaKhenani zaziyiminyaka engamakhulu ayisishiyagalolunye neshumi; wayesefa. ¹⁵ UMahalalele wahamba iminyaka engamashumi ayisithupha nanhlanu , wazala uJarede. ¹⁶ Emva kokuzalwa kukaJarede uMahalalele wahamba iminyaka engamakhulu ayisishiyagalombili namashumi amathathu , wazala amadodana namadodakazi. ¹⁷ Zonke izinsuku zikaMahalele zaziyiminyaka engamakhulu ayisishiyagalombili namashumi ayisishiyagalolunye nanhlanu; wayesefa. ¹⁸ UJarede wahamba iminyaka eyikhulu namashumi ayisithu pha namabili , wazala u-Enoke. ¹⁹ Emva kokuzalwa kuka-Enoke uJarede wahamba iminyaka engamakhulu ayisishiyagalombili, wazala amadodana namadodakazi. ²⁰ Zonke izinsuku zikaJarede zaziyiminyaka engamakhulu ayisishiyagalolunye namashumi ayisithupha nambili; wayesefa. ²¹ U-Enoke wahamba iminyaka engamashumi ayisithupha nanhlanu , wazala uMetushela. ²² Emva kokuzalwa kukaMetushela u -Enoke wahamba noNkulunkulu iminyaka engamakhulu amathathu, wazala amadodana namadodakazi. ²³ Zonke izinsuku zika -Enoke zaziyiminyaka engam akhulu amathathu namashumi ayisithupha nanhlanu. ²⁴ U-Enoke wayehamba noNkulunkulu ; kepha wayesengasekho nje , ngokuba uNkulunkulu wamthabatha. ²⁵ UMetushela wahamba iminyaka eyikhulu namashumi ayisishiyagalombili nesikhombisa, wazala uLameka. ²⁶ Emva kokuzal wa kukaLameka uMetushela wahamba iminyaka engamakhulu ayisikhombisa namashumi ayisishiyagalombili nambili , wazala amadodana namadodakazi. ²⁷ Zonke izinsuku zikaMetushela zaziyiminyaka engamakhulu ayisishiyagalolunye namashumi ayisithupha nesishiyagalolunye; wayesefa. ²⁸ ULameka wahamba iminyaka eyikhulu namashumi ayisishiyagalombili nambili, wazala indodana. ²⁹ Waqamba igama layo ngokuthi uNowa , ethi: Lo uyakusiduduza emsebenzini wethu nasenkathazweni yezandla zethu emhlabathini awuqalekisa uJehova. ³⁰ Emva kok uzalwa kukaNowa uLameka wahamba iminyaka engamakhulu ayisihlanu namashumi ayisishiyagalolunye nanhlanu , wazala amadodana namadodakazi. ³¹ Zonke izinsuku zikaLameka zaziyiminyaka engamakhulu ayisikhombisa namashumi ayisikhombisa nesikhombisa; wayesefa. ³² UNowa wahamba iminyaka engamakhulu ayisihlanu ; uNowa wazala oShemi, noHamu, noJafete.