¹ Usho kanje uJehova , uthi: Izulu liyisihlalo sami sobukhosi , umhlaba uyisenabelo sezinyawo zami ; iphi leyo ndlu ebeniyakungakhela yona , iphi indawo yami yokuphumula, na? ² Zonke lezi zinto zenziwe yisandla sami , kwavela kanjalo konke lokhu, usho uJehova. Kepha yilowo engiyakub heka kuye : ohluphekayo nonomoya ochobozekileyo, othuthumela ngezwi lami. ³ Ohlaba inkunzi ebulala nomuntu, nohlaba iwundlu eyaphula nentamo yenja, nonikela ngomnikelo wempuphu , kepha enikela nangegazi lezingulube , noshisa inhlaka , ebonga nesithombe , yebo, laba bakhethile izindlela zabo , nemiphefumulo yabo iyathokoza ngezinengiso zabo. ⁴ Ngalokho ngiyakubakhethela izinhlupho , ngibehlisele abakwesabayo , ngokuba ekubizeni kwami kwakungekho ophendulayo , nasekukhulumeni kwami abezwanga , kepha benza okubi emehlwen i ami , bakhetha lokhu engingathokozanga ngakho. ⁵ Yizwani izwi likaJehov a nina enithuthumela ngezwi lakhe . Abafowenu abanizondayo, abanixosha ngenxa yegama lami, bashilo bathi: Makazidumise uJehova ukuba sibone intokozo yenu, kepha bona bayakujabha. ⁶ Yizwi lomsindo elivela emzini , yizwi lasethempelini ! Yizwi likaJehov a ephindisela izenzo zezitha zakhe. ⁷ ISiyoni lingakabi namihelo lazala ; lingakehlelwa ngubuhlungu labeletha umntwana wesilisa. ⁸ Ngubani ozwile okunjalo na ? Ngubani obonile okunjengalokhu na ? Izwe lingazalwa ngosuku olulodwa na ? Isizwe singabelethwa kanyekanye na ? Ngokuba iSiyoni lithe lisenemihelo, lazala abantwana balo. ⁹ Mina ngiyakusondeza ekuzalweni ngingazalisi na ? usho uJehova . Mina engingozalisayo bengiyakuvala na? usho uNkulunkulu wakho. ¹⁰ Thokozani kanye neJerusalema , nilethabele nina nonke enilithandayo ; jabulani ngenjabulo kanye nalo nina nonke enilililelayo, ¹¹ ukuze nincele, naneliswe ngamabele ezinduduzo zalo , nenyiselwe, nename ngokugcwala kwenkazimulo yalo. ¹² Ngokuba usho kanje uJ ehova, uthi: Bheka, ngiyakwelulela kulo ukuthula njengomfula, nenkazimulo yezizwe njengomfudlana okhukhulayo, nincele, niphathwe ngezingalo zalo, niwothwe nisemathangeni. ¹³ Njengoduduzwa ngunina , kanjalo ngiyakuniduduza nina , niduduzeke eJerusalema. ¹⁴ Niyakukubona, izinhliziyo zenu zijabule , amathambo enu ahlume njengohlaza; isandla sikaJehova siyakwaziwa ukuth i sisezincekwini zakhe , athukuthelele izitha zakhe. ¹⁵ Ngokuba bheka , uJehova uyakufika ngomlilo , izinqola zakhe zibe njengesivunguvungu, ukubuyisela intukuthelo yakhe ngokufuthek a nokukhuza kwakhe ngamalangabi omlilo. ¹⁶ Ngokuba uJehova uyakwahlulel a inyama yonke ngomlilo nangenkemba ; ababulawayo nguJehova bayakuba baningi. ¹⁷ Abazingcwelisa, bazihlambululele ukungena ezivandeni belandela omiyo egcekeni, bedla inyama yezingulube , nezinengiso, nezimpuku, bayakuphela kanyekanye, usho uJehova. ¹⁸ Ngiyazi imisebenzi yabo nemicabango yabo ; ngiyeza ukubutha zonke izizwe nezilimi, zifike, zibone inkazimulo yami. ¹⁹ Ngiyakubeka isibonakaliso phakathi kwazo , ngithume ababalekileyo babo kwabezizwe, eTharishishi, nasePhuli, naseLudi, abagoba umnsalo , nakuThubali naseJavani, eziqhingini ezikude, ezingezwanga umbiko ngami , zingabonanga inkazimulo yami, baze balande ngenkazimulo yami ezizweni. ²⁰ Bayakuletha bonke a bafowenu bebakhipha ezizweni zonke ngamahhashi, nangezinqola, nangezinhlaka, nangeminyuzi, nangamakamela, babe ngumnikelo kaJehova , beze entabeni yami engcwele eJerusalema , usho uJehova, njengalokhu abantwana bakwa -Israyeli bewuletha umnikelo wabo ngesitsha esihlambulukileyo endlini kaJehova. ²¹ Nakubona ngiyakuthatha abapristi namaLevi, usho uJehova. ²² Ngokuba njengokuba izulu elisha nomhlaba omusha engiyakukwenza kuyakuma phambi kwami , usho uJehova , kanjalo kuyakuma inzalo yakho negama lakho. ²³ Kusukela ekwethwaseni kwenyanga kuye kwenye, kusukela kwelinye isabatha kuye kwelinye yonke inyama iyakufika ukukhuleka phambi kwami , usho uJehova. ²⁴ Bayakuphuma, babone izidumbu zabantu abaphambukile kimi , ngokuba impethu yabo ayiyikufa nomlilo wabo awuyikucima , babe yisinengiso kuyo yonke inyama.