¹ Wayesengena emkhunjini, wawela, weza emzini wakubo. ² Bheka, baletha kuye umuntu ofe uhlangothi elele ohlakeni . UJesu ebona ukukholwa kwabo wathi kofe uhlangothi: Yima isibindi , ndodana; uthethelelwe izono zakho. ³ Bheka, abathile kubabhali bathi phakathi kwabo: Lo uyahlambalaza. ⁴ UJesu ezazi izizindlo zabo wathi: Nizindlelani okubi ezinhliziyweni zenu na? ⁵ Ngokuba yikuphi okulula ukuthi : U thethelelwe izono zakho , noma ukuthi: Vuka uhambe, na? ⁶ Kepha u kuze nazi ukuthi iNdodana yomuntu inamandla emhlabeni okuthethelela izono -- khona wathi kofe uhlangothi : Vuka, uthabathe uhlaka lwakho, uye endlini yakho. ⁷ Wavuka, waya endlini yakhe. ⁸ Kepha izixuku zikubona zethuka , zamdumisa uNkulunkulu onikile abantu amandla anjalo. ⁹ Esadlula lapho uJesu wabona umuntu othiwa uMathewu ehlezi endaweni yokuthela, wathi kuye: Ngilandele. Wasuka-ke, wamlandela. ¹⁰ Kwathi ehlezi ekudleni endlini , bheka, kwafika abaningi abathelisi nezoni , bahlala badla noJesu nabafundi bakhe. ¹¹ AbaFarisi bekubona lokho bathi kubafundi bakhe : Yini ukuba umfundisi wenu adle nabathelisi nezoni na? ¹² Ekuzwa lokhu wathi: Abaphilileyo abadingi inyanga, ngabagulayo bodwa. ¹³ Kepha hambani nifunde ukuba kuthini ukuthi : Ngifuna isihawu , hhayi umhlatshelo. Ngokuba angizanga ukubiza abalungileyo kepha izoni ukuba ziphenduke. Ukuzila ukudla (Mark. 2:18; Luk. 5:33) ¹⁴ Khona kwase kufika kuye abafundi bakaJohane , bathi: Yini ukuba thina nabaFarisi sizila ukudla; kepha abafundi bakho abazili ngani na? ¹⁵ UJesu w athi kubo : Abayeni bangalila yini , umyeni enabo na ? Kodwa kuzakufika izinsuku, lapho umyeni ezakususwa kubo; yikhona-ke bezakuzila. ¹⁶ Akakho obekela isiziba sendwangu engakashukeki engutsheni endala , ngokuba lokhu okubekelwa kuyo kuyaklebhula engutsheni , kwande ukuklebhuka. ¹⁷ Akuthelwa futhi iwayini elisha ezimvabeni ezindala , funa izimvaba ziqhume, newayini lichitheke , nezimvaba zonakale . Kodwa iwayini elisha balithela ezimvabeni ezintsha, kulondeke kokubili. Indodakazi kaJayiru ivuswa ekufeni (Mark. 5:21; Luk. 8:40) ¹⁸ Esakhuluma lokhu kubo, bheka, kwafika umphathi othile, wakhuleka kuye, wathi: Indodakazi yami ifa khona manje ; kepha woza, ubeke isandla sakho phezu kwayo, izakuphila. ¹⁹ Wasuka-ke uJesu, wamlandela kanye nabafundi bakhe. ²⁰ Bheka, owesifazane owayenomopho iminyaka eyishumi nambili weza emva kwakhe, wathinta umphetho wengubo yakhe. ²¹ Ngokuba wayethi phakathi kwakhe : Uma ngingathinta nje ingubo yakhe , ngizakusindiswa. ²² UJesu ephenduka wambona , wathi: Yima isibindi , ndodakazi; ukukholwa kwakho kukusindisile. Wasinda owesifazane, kusukela kuleso sikhathi. ²³ UJesu esefikile endlini yomphathi , ebona khona ababethi bemitshingo nesixuku esixokozelayo, ²⁴ wathi kubo: Dedani, ngokuba intombazana ayifile , kodwa ilele. Bamhleka usulu. ²⁵ Isixuku sesikhishiw e, wangena, wayibamba ngesandla ; yavuka intombazana. ²⁶ Udumo lwalokho lwezwakala ezweni lonke langakhona. UJesu uyahawukela izimpumputhe, nesimungulu, nabantu abakhathazekileyo ²⁷ Esadlula lapho uJesu, izimpumputhe ezimbili zamlandela, zamemeza zathi: Sihawukele, ndodana kaDavide! ²⁸ Esengenile endlini , izimpumputhe zeza kuye . UJesu wathi kuzo : Niyakholwa yini ukuthi ngingakwenza lokhu na? Zathi kuye: Yebo, Nkosi. ²⁹ Khona wathinta amehlo azo , wathi: Makwenzeke kini njengokukholwa kwenu. ³⁰ Ayesevuleka amehlo a zo. UJesu waziyalisisa , wathi: Qaphelani ukuba kungaziwa muntu. ³¹ Kepha zaphuma, zamdumisa kulo lonke lelo zwe. ³² Ekuphumeni kwazo, bheka, kwalethwa kuye isimungulu esinedemoni. ³³ Idemoni selikhishiwe , isimungulu sakhuluma . Izixuku zamangala , zathi: Akuzange kubonwe okunje kwa-Israyeli. ³⁴ Kepha abaFarisi bathi: Ukhipha amademoni ngenkosi yamademoni. ³⁵ UJesu wayihamba imizi yonke nemizana efundisa emasinagogeni abo , eshumayela ivangeli lombuso, ephulukisa izifo zonke nokugula konke. ³⁶ Kepha ebona izixuku wabanesihe ngazo , ngokuba zazikhathazekile , zihlakazekile njengezimvu ezingenamalusi. ³⁷ Wayesethi kubafundi bakhe : Ukuvuna kukhulu , kodwa izisebenzi ziyingcosana. ³⁸ Ngakho-ke nxusani eNkosini yokuvuna ukuba ithume izisebenzi , ziye ekuvuneni kwayo.