¹ Kwathi eseqede onke amazwi akhe ezindlebeni zabantu , wangena eKapernawume. ² Inceku yenduna yekhulu ethile ethandekayo kuyo yayigula, isizakufa. ³ Isizwile ngoJesu yathuma amalunga abaJuda kuye , imcela ukuba eze ayisindise inceku yayo. ⁴ Esefikile kuJesu amncenga kakhulu, ethi: Ifanele ukuba uyenzele lokho, ⁵ ngokuba ithanda isizwe sakithi; yiyo esakhele isinagoge. ⁶ UJesu wayesehamba nawo . Kepha engasekude nendlu , induna yekhulu yathumela kuye abahlobo , bathi kuye : Nkosi, ungazihluphi, ngokuba angifanele ukuba ungene phansi kophahla lwami. ⁷ Ngakho angizibonanga ukuthi ngifanele ukuza kuwe ; kepha yisho izwi , khona inceku yami iyakusinda. ⁸ Ngokuba nami ngingumuntu ophansi kwamakhosi , nginamabutho phansi kwami; ngithi kwelinye: Hamba, lihambe; nakwelinye: Woza, lize; nasencekwini yami: Yenza lokhu, ikwenze. ⁹ UJesu ekuzwa lokho wamangala ngayo , waphenduka, wathi esixukwini esimlandelayo: Ngithi kini : Angizange ngifumane ukukholwa okungaka nakwa-Israyeli. ¹⁰ Ababethunyiwe sebebuyele ekhaya bafumana inceku isindile. Indodana yomfelokazi waseNayini ivuswa ekufeni ¹¹ Kwathi ngangomuso waya emzini othiwa iNayini; kwahamba naye abafundi bakhe nesixuku esikhulu. ¹² Esesondela esangweni lomuzi , bheka, kwaphunyiswa ofileyo , indodana eyodwa kanina, yena engumfelokazi; nabantu abaningi bomuzi babe naye. ¹³ Yathi iNkosi isimbona, yamhawukela, yathi kuye: Ungakhali. ¹⁴ Yasondela, yathinta uhlaka ; abaluthweleyo base bema . Yayisithi: Nsizwa, ngithi kuwe: Vuka! ¹⁵ Ofileyo wavuka, waqala ukukhuluma; yamnika unina. ¹⁶ Bafikelwa ngukwesaba bonke , bamdumisa uNkulunkulu , bathi: Kuvele umprofethi omkhulu phakathi kwethu , nokuthi: UNkulunkulu ubahambele abantu bakhe. ¹⁷ Kwaphumela leli zwi ngaye kulo lonke iJudiya nakulo lonke langakhona. Ukufakaza kukaJesu kubafundi bakaJohane nakubantu (Math. 11:2) ¹⁸ Abafundi bakaJohane bambikela ngazo zonke lezo zinto. ¹⁹ UJohane wayesebiza ababili kubafundi bakhe , wabathumela eNkosini , wathi: Wena unguye ozayo, noma sobheka omunye na? ²⁰ Amadoda esefikile kuyo athi : UJohane uMbhapathizi usithumele kuwe , ethi: Wena unguye ozayo, noma sobheka omunye na? ²¹ Ngalowo mzuzu yayiphulukisa abaningi e zifweni nasebuhlungwini nakomoya ababi; nezimpumputhe eziningi yazipha ukubona. ²² Yaphendula, yathi kuwo: Hambani nimlandise uJohane lokho enikubonile nenikuzwile ukuthi : Izimpumputhe ziyabona , izinyonga ziyahamba , abanochoko bayahlanjululwa , izithulu ziy ezwa, abafileyo bayavuswa , abampofu bayashunyayezwa ivangeli; ²³ ubusisiwe ongayikukhubeka ngami. ²⁴ Sezimukile izithunywa zikaJohane , yaqala ukukhuluma ezixukwini ngoJohane, ithi: Naphuma naya ehlane ukuyobonani na ? Umhlanga ontengantengiswa ngumoya na? ²⁵ Kanti naphuma ukuyobonani na ? Umuntu owembethe izingubo ezinothonotho na ? Bhekani, abembethe okukhazimulayo , betamasa, basezindlini zamakhosi. ²⁶ Kodwa naphuma ukuyobonani na ? Umprofethi na ? Yebo, ngithi kini : Odlula umprofethi. ²⁷ Nguye okulotshwe ngaye uku thi: Bheka, ngiyathuma isithunywa sami phambi kobuso bakho esiyakulungisa indlela yakho phambi kwakho. ²⁸ Ngithi kini : Kwabazelwe ngabesifazane akakho omkhulu kunoJohane ; kepha omncane embusweni kaNkulunkulu mkhulu kunaye. ²⁹ Abantu bonke , yebo, nabathelisi sebezwile bamvuma uNkulunkulu , babhapathizwa ngombhapathizo kaJohane. ³⁰ Kepha abaFarisi nezazimthetho balenza ize icebo likaNkulunkulu maqondana nabo bengabhapathizwanga nguye. ³¹ Pho-ke, abantu balesi sizukulwane ngiyakubafanisa nani na ? Bafana nani na? ³² Bafana nabantwana abahlezi esigcawini bememezana bethi : Sinibethele imitshingo, anisinanga; salilisela, anikhalanga. ³³ Ngokuba uJohane uMbhapathizi ufikile engadli sinkwa , engaphuzi wayini; nithi-ke: Unedemoni. ³⁴ Ifikile iNdodana yomuntu , idla, iphuza, senithi: Bhekani, umuntu oyisiminzi nesiphuzi, umhlobo wabathelisi nezoni. ³⁵ Kodwa ukuhlakanipha kuvunyiwe ngabantwana bakho bonke. Owesifazane oyisoni endlini yomFarisi ³⁶ Omunye wabaFarisi wammema ukuba adle naye ; esengene endlini yomFarisi wahlala ekudleni. ³⁷ Bheka, kwakukhona emzini owesifazane oyisoni ; wathi esazi ukuthi uhlezi ekudleni endlini yomFarisi, weza nomfuma wamafutha, ³⁸ wema emuva ngasezinyaweni zakhe ekhala , waqala ukumatisa izinyawo zakhe ngezinyembezi , wazesula ngezinwele zekhanda lakhe , wazanga izinyawo zakhe, wazigcoba ngamafutha. ³⁹ Kuthe umFarisi obemmemile ekubona , wazindla wathi : Uma lo ebengumprofethi, nga emazi lo wesifazane omphathayo ukuba ungubani nokuba unjani, ngokuba uyisoni. ⁴⁰ UJesu waphendula, wathi kuye: Simoni, kukhona engifuna ukukukhuluma kuwe. Wathi: Khuluma-ke, Mfundisi. ⁴¹ Kwakukhona abantu ababili abanamacala kumtshelekisi othile ; icala lomunye lalingodenariyu abangamakhulu ayisihlanu , elomunye amashumi ayisihlanu. ⁴² Bengenanto yokukhokha , wabayekela bobabili . Ngumuphi kubo konje oyakumthanda kakhulu na? ⁴³ USimoni waphendula wathi: Ngithi yilowo amyekela okukhulu. Wathi kuye: Unqume kahle. ⁴⁴ Ephendukela kowesifazane wathi kuSimoni : Uyambona lo wesifazane na ? Ngingene endlini yakho , awunginikanga amanzi ezinyawo , kepha yena uzimatisile izinyawo zami ngezinyembezi, wazesula ngezinwele zakhe. ⁴⁵ Awunganganga, kepha lo , yilokhu ngingenile , akayekanga ukwanga izinyawo zami. ⁴⁶ Ikhanda lami awuligcobanga ngamafutha , kepha lo uzigcobile izinyawo zami ngamafutha. ⁴⁷ Ngenxa yalokho ngithi kuwe : Izono zakhe eziningi zithethelelwe , ngokuba uthandile kakhulu; kepha othethelelwa okuncane uthanda kancane. ⁴⁸ Wayesethi kuye: Zithethelelwe izono zakho. ⁴⁹ Ababehlezi naye ekudleni baqala ukusho phakathi kwabo ukuthi : Ngubani lo othethelela nezono na? ⁵⁰ Kepha wathi kowesifazane : Ukukholwa kwakho kukusindisile ; hamba, ube nokuthula.