¹ Emva kwalokho kwakukhona umkhosi wabaJuda ; uJesu wakhuphukela eJerusalema. ² Kukhona-ke eJerusalema ngasesangweni lezimvu ichibi elithiwa ngesiHeberu iBethesda, linemipheme eyisihlanu. ³ Kwakulele kuyo abagulayo abaningi kakhul u, izimpumputhe, nezinyonga, nabashwabeneyo, belindele ukuzanyazanyiswa kwamanzi. ⁴ Ngokuba ingelosi yayehla izikhathi ngezikhathi , izamazamise amanzi, kuthi lowo ongene kuqala emva kokuzanyazanyiswa kwamanzi asinde esifweni sakhe, noma enasifo sini. ⁵ Kwakukhona lapho umuntu othile owayesegule iminyaka engamashumi amathathu nesishiyagalombili. ⁶ UJesu embona elele , azi ukuthi usenesikhathi eside enjalo , wathi kuye : Uyathanda ukusinda na? ⁷ Ogulayo wamphendula wathi : Nkosi, anginamuntu wokungifaka echibini , nxa amanzi ezanyazanyiswa; kuthi ngiseza, kwehle omunye phambi kwami. ⁸ UJesu wathi kuye: Sukuma, uthabathe uhlaka lwakho, uhambe. ⁹ Wayesephila masinyane lowo muntu, wathabatha uhlaka lwakhe, wahamba. Kwakuyisabatha ngalolo suku. ¹⁰ Khona base bethi abaJuda ko philisiweyo: Yisabatha, akuvunyiwe uthwale uhlaka. ¹¹ Wabaphendula wathi: Ongiphilisileyo nguyena othe kimi : Thabatha uhlaka lwakho, uhambe. ¹² Bambuza bathi: Ngubani lowo muntu othe kuwe : Thabatha uhlaka lwakho uhambe, na? ¹³ Kepha ophilisiweyo wayengazi uk uthi ungubani , ngokuba uJesu wayemukile lapho, kukhona isixuku kuleyo ndawo. ¹⁴ Emva kwalokho uJesu wamfumana ethempelini , wathi kuye : Bheka, uphilisiwe; ungabe usona, funa wehlelwe ngokubi kunalokho. ¹⁵ Wamuka lowo muntu, watshela abaJuda ukuthi nguJesu omphilisileyo. ¹⁶ Ngenxa yalokho abaJuda bamzingela uJesu , ngokuba wakwenza lokho ngesabatha. ¹⁷ Kepha wabaphendula wathi : UBaba usebenza kuze kube manje , nami ngiyasebenza. ¹⁸ Ngalokho-ke abaJuda kwayikhona befuna kakhulu ukumbulala , ngokuba wayengaphulile i sabatha kuphela , kodwa wabuye wathi uNkulunkulu unguYise, ezenza olingana noNkulunkulu. UJesu uyiNdodana kaNkulunkulu ¹⁹ Khona uJesu waphendula , wathi kubo: Ngiqinisile, ngiqinisile ngithi kini : INdodana ingenze lutho ngokwayo , kuphela lokho ebona uYise ek wenza, ngokuba lokho akwenzayo yena, neNdodana iyakwenza kanjalo. ²⁰ Ngokuba uYise uyayithanda iNdodana , uyikhombisa konke akwenzayo yena; woyikhombisa imisebenzi emikhulu kunalena ukuba nimangale. ²¹ Ngokuba njengalokhu uYise evusa abafileyo, abaphilise, kanjalo neNdodana iyabaphilisa labo ethanda ukubaphilisa. ²² Ngokuba noYise kahluleli muntu; ukunike iNdodana konke ukwahlulela ²³ ukuba bonke bazise iNdodana , njengokuba bazisa uYise . Ongayazisi iNdodana kamazisi noYise oyithumileyo. ²⁴ Ngiqinisile, ngiqinisile ngithi kini : Ozwa izwi lami , akholwe ngongithumileyo, unokuphila okuphakade ; akayi ekwahlulelweni , kepha usephumile ekufeni, wangena ekuphileni. ²⁵ Ngiqinisile, ngiqinisile ngithi kini : Isikhathi siyeza , sesikhona namanje , lapho abafileyo beyakulizwa izwi leNdodana kaNkulunkulu ; abezwayo bayakuphila. ²⁶ Ngokuba njengalokhu uYise enokuphila ngokwakhe , kanjalo uyiphile neNdodana ibe nokuphila ngokwayo. ²⁷ Uyiphile amandla okwahlulela, ngokuba iyiNdodana yomuntu. ²⁸ Ningamangali ngalokho , ngokuba isikhathi siyeza, lapho bonke abasemathuneni beyakulizwa izwi layo, ²⁹ abenze ukulunga baphumele ekuvukeni kokuphila , abenze okubi ekuvukeni kokulahlwa. ³⁰ Mina ngingenze lutho ngokwami; ngahlulela njengalokho engikuzwayo ; ukwahlulela kwami kulungile , ngokuba nginga funi eyami intando kepha intando yongithumileyo. ³¹ Uma ngizifakazela mina, ubufakazi bami abuqinisile. ³² Ngomunye ofakaza ngami ; ngiyazi ukuthi ubufakazi angifakazela ngabo buqinisile. ³³ Nina nithumele kuJohane, walifakazela iqiniso. ³⁴ Kepha mina angibam ukeli ubufakazi kumuntu; kodwa ngisho lokhu ukuba nisindiswe. ³⁵ Yena wayeyisibani esivuthayo nesikhanyayo ; nina-ke benithanda ukuthokoza isikhashana ekukhanyeni kwakhe. ³⁶ Kepha nginabo ubufakazi obukhulu kunobukaJohane , ngokuba imisebenzi uBaba anginike yona ukuba ngiyifeze , yona le misebenzi engiyenzayo , iyangifakazela ukuthi uBaba ungithumile. ³⁷ NoBaba ongithumileyo ufakazile ngami . Anizange nizwe izwi lakhe , anisibonanga isimo sakhe. ³⁸ Nezwi lakhe aninalo elihleziyo phakathi kwenu , ngokuba amthumileyo yena lowo anikholwa nguye. ³⁹ Nihlola imibhalo , ngokuba nithi ninokuphila okuphakade kuyo ; yiyona efakaza ngami. ⁴⁰ Kepha anivumi ukuza kimi ukuba nibe nokuphila. ⁴¹ Mina angamukeli udumo kubantu. ⁴² Kepha ngiyanazi nina ukuthi aninalo uthando lukaNkulunkul u phakathi kwenu. ⁴³ Ngize egameni likaBaba, aningamukeli; uma kuza omunye ngelakhe igama, niyakumamukela yena. ⁴⁴ Ningakholwa kanjani nina enidumisana nodwa, ningalufuni udumo oluvela kuNkulunkulu yedwa, na? ⁴⁵ Ningacabangi ukuthi ngiyakunimangalela kuBaba; ukhona onimangalelayo, uMose enithemba kuye. ⁴⁶ Ngokuba uma benikholwa nguMose , beniyakukholwa yimina , ngokuba yena waloba ngami. ⁴⁷ Kodwa uma ningakholwa yimibhalo yakhe , niyakukholwa kanjani ngamazwi ami na?