¹ Kwathi ngaphambi komkhosi wePhasika uJesu azi ukuthi isikhathi sakhe sesifikile ukuba amuke kuleli zwe , aye kuYise , ebathandile abakhe abasezweni wabathanda kwaze kwaba sekupheleni. ² Sekudliwa, uSathane esekufake enhliziyweni kaJuda Iskariyothe kaSimoni ukuba amkhaphele, ³ uJesu ekwazi ukuthi uYise unikele konke ezandleni zakhe nokuthi wavela kuNkulunkulu, futhi ubuyela kuNkulunkulu, ⁴ wasuka ekudleni , wabeka izingubo zakhe , wathabatha indwangu , wakhwica. ⁵ Emva kwalokho wathela amanzi emcengezini , waqala ukugeza izinyawo zabafundi, wazesula ngendwangu abekhwice ngayo. ⁶ Wafika-ke kuSimoni Petru . Wathi kuye : Nkosi, wena ugeza izinyawo zami na? ⁷ UJesu waphendula , wathi kuye : Lokhu engikwenzayo awukwazi manje , kodwa uzakukuqonda emva kwalokhu. ⁸ UPetru wathi kuye : Awusoze wageza izinyawo zami naphakade . UJesu waphendula wathi: Uma ngingakugezi, awunasabelo nami. ⁹ USimoni Petru wa thi kuye : Nkosi, akungabi yizinyawo zodwa kepha nezandla nekhanda. ¹⁰ UJesu wathi kuye: Ogeziweyo kadingi lutho, kuphela ukugezwa izinyawo, kepha ugezekile wonke. Nina-ke nigezekile, kodwa angisho nonke. ¹¹ Ngokuba emazi obezakumkhaphela kungalokho athi: Anigezekile nonke. ¹² Esegeze izinyawo zabo wathabatha izingubo zakhe , wabuye wahlala, wathi kubo: Niyakwazi yini engikwenzile kini na? ¹³ Ningibiza nithi: Mfundisi, Nkosi; nisho kahle, ngokuba ngiyikho. ¹⁴ Uma-ke mina, iNkosi noMfundisi, ngigeze izinyawo zenu, nani-ke nifanele ukugezana izinyawo. ¹⁵ Ngokuba ngininikile isibonelo ukuba nenze nani njengokuba ngenzile kini. ¹⁶ Ngiqinisile, ngiqinisile ngithi kini : Inceku ayinkulu kunenkosi yayo , nothunyiweyo kamkhulu kunomthumileyo. ¹⁷ Uma nazi lokho, nibusisiwe uma nikwenza. ¹⁸ Angikhulumi ngani nonke ; ngiyabazi engibakhethileyo ; kodwa nga kugcwaliseka umbhalo othi : Odla isinkwa sami ungiphakamisele isithende sakhe. ¹⁹ Kusukela manje ngiyanitshela kungakenzeki ukuba , nxa sekwenzeka , nikholwe ukuthi nginguye. ²⁰ Ngiqinisile, ngiqinisile ngithi kini : Owamukela engimthumayo wamukela mina; ongamukelayo mina wamukela ongithumileyo. UJesu ukhuluma ngokukhashelwa kwakhe (Math. 26:20; Mark. 14:17; Luk. 22:7) ²¹ UJesu eseshilo lokho wakhathazeka emoyeni , wafakaza wathi: Ngiqinisile, ngiqinisile ngithi kini: Omunye wenu uyakungikhaphela. ²² Abafundi babhekana bengabaza ukuthi ukhuluma ngobani. ²³ Kwakuhlezi ekudleni omunye wabafundi bakhe uJesu amthandayo, encike esifubeni sikaJesu. ²⁴ USimoni Petru wayesemqhweba ethi : Yisho ukuthi ubekhuluma ngobani na? ²⁵ Yena encike esifubeni sikaJesu wathi kuye: Nkosi, ngubani na? ²⁶ Ngakho waphendula uJesu , wathi: Yilowo engiyakumcwilisela ucezu , ngimnike lona. Eselucwilisile-ke ucezu, walunika uJuda Iskariyothe. ²⁷ Emva kocezu uSathane waye sengena kuye . Wayesethi kuye uJesu : Okwenzayo kwenze masinyane. ²⁸ Kepha akabakho kwababehlezi ekudleni owayekwazi lokho ukuthi ukusho ngani kuye. ²⁹ Kepha abanye bacabanga ukuthi , ngokuba uJuda ephethe isikhwama , uJesu uthi kuye : Thenga esikuswele emkhosin i, noma ukuthi kabele abampofu okuthile. ³⁰ Kuthe eseluthathile ucezu waphuma masinyane; kwakuse busuku. Ukukhazimuliswa kukaJesu; umyalo wokuthandana; uJesu uthi uzophikwa nguPetru ³¹ Ngakho esephumile , uJesu wathi : Kalokhu iNdodana yomuntu ikhazimulisiwe, noNkulunkulu ukhazimulisiwe kuyo. ³² Uma uNkulunkulu ekhazimulisiwe kuyo, noNkulunkulu uyakuyikhazimulisa kuye, uyakuyikhazimulisa masinyane. ³³ Bantwanyana, ngise khona nani isikhashana . Niyakungifuna, nanjengalokho ngasho kubaJuda ukuthi lapho ngiya khon a ningeze nina , ngisho nakinina manje. ³⁴ Ngininika umyalo omusha wokuba nithandane; njengalokhu nginithandile, nani nithandane. ³⁵ Ngalokho bonke bayakukwazi ukuthi ningabafundi bami, uma nithandana. ³⁶ USimoni Petru wathi kuye : Nkosi, uya ngaphi na ? UJesu waphendula wathi: Lapho ngiya khona , ungengilandele kalokhu; kepha uyakungilandela kamuva. ³⁷ Wathi kuye uPetru: Nkosi, ngingekulandele kalokhu ngani na? Ngizakudela ukuphila kwami ngenxa yakho. ³⁸ UJesu waphendula wathi : Uzakudela ukuphila kwakho ngenxa y ami na ? Ngiqinisile, ngiqinisile ngithi kuwe : Iqhude alizukukhala, ungakangiphiki kathathu.