¹ Ngakho lokhu sesilungisisiwe ngokukholwa , sinokuthula kuNkulunkulu ngeNkosi yethu uJesu Kristu, ² okungaye sinokungena ngokukholwa kulo musa esimi kuwo , siyazibonga ekwethembeni inkazimulo kaNkulunkulu. ³ Kepha akusikho lokho kuphela , kodwa sizibonga nangezinhlupheko ngokwazi ukuthi ukuhlupheka kuveza ukukhuthazela, ⁴ ukukhuthazela kuveza ukuqiniseka, ukuqiniseka kuveza ithemba; ⁵ ithemba alijabhisi, ngokuba uthando lukaNkulunkulu lutheliwe ezinhliziyweni zethu ngoMoya oNgcwele esimuphiweyo. ⁶ Ngokuba sisebuthakathaka , uKristu wafela abangamesabi uNkulunkulu ngesikhathi esifaneleyo; ⁷ ngokuba cishe kungenzeki ukuba umuntu afele olungileyo, kodwa mhlawumbe kungase kube khona ongaba nesibindi sokufela omuhle; ⁸ kepha uNkulunkulu uyabonakalisa ukusithanda kwakhe ngalokhu ukuthi , siseyizoni, uKristu wasifela. ⁹ Ngakho kakhulu sesilungisisiwe ngegazi lakhe , siyakusindiswa ngaye olakeni. ¹⁰ Ngokuba uma sathola ukubuyisana noNkulunkulu ngokufa kweNdodana yakhe sise yizitha , ikakhulu siyakusindiswa ngokuphila kwayo sesitholile ukubuyisana; ¹¹ kepha akusikho lokho kuphela , kodwa sizibonga futhi ngoNkulunkulu ngeNkosi yethu uJesu Kristu, esesamukelisiwe ngaye ukubuyisana. Isono nokufa kwafika ngo-Adamu ¹² Ngakho-ke njengalokho isono sangena ezweni ngamuntu munye , nangesono kwangena ukufa, ngokunjalo ukufa kwafikela abantu bonke, lokhu bonke bonile; ¹³ ngokuba isono sasikhona ezweni kungakabikho umthe tho, kepha isono asibalelwa ungekho umthetho; ¹⁴ nokho ukufa kwabusa kusukela ku -Adamu kwaze kwaba kuMose , naphezu kwabangonanga ngendlela yeseqo sika -Adamu oyisifanekiso sakhe obeyakuza. Ukulunga nokuphila kwafika ngoJesu ¹⁵ Kepha isipho somusa asinjengesi phambeko; ngokuba uma ngesiphambeko samuntu munye abaningi bafa , ikakhulu kwavama kwabaningi umusa nesipho sikaNkulunkulu ngomusa wamuntu munye, uJesu Kristu. ¹⁶ Isipho asinjengokona kwalowo emunye , ngokuba uma ukwahlulela kwaba ngoyedwa kube ngukulahlwa , isipho somusa sona -ke saba ngeziphambeko eziningi kube ngukulungisiswa. ¹⁷ Ngokuba uma ngesiphambeko samuntu munye ukufa kwabusa ngalowo emunye, ikakhulu abamukela ukuvama komusa nokuvama kwesipho sokulunga bayakubusa ekuphileni ngalowo emunye, uJesu Kristu. ¹⁸ Ngalokho-ke njengokuba ngasiphambeko sinye kwaba khona ukulahlwa kubantu bonke , kanjalo ngasenzo sinye sokulunga kwaba khona ukulungisiswa kukho ukuphila kubantu bonke; ¹⁹ ngokuba njengalokho ngokungalaleli kwamuntu munye abaningi benziwa izoni, kanjalo ngokulalela kwamuntu munye abaningi bayakwenziwa abalungileyo. ²⁰ Kepha umthetho wangena ukuba isiphambeko sande ; kodwa lapho kwavama khona isono, umusa wavama kakhulukazi, ²¹ ukuze njengalokho isono sabusa ngokufa , nomusa ubuse kanjalo ngokulunga, kube ngukuphila okuphakade ngoJesu Kristu iNkosi yethu.