¹ Ngakho-ke siyakuthi uzuzeni u -Abrahama, ukhokho wethu , ngokwenyama na? ² Ngokuba uma u-Abrahama walungisiswa ngemisebenzi, unakho ukuzibonga; kodwa phambi kukaNkulunkulu qha. ³ Ngokuba umbhalo uthini na ? Uthi: Kepha u -Abrahama wakholwa nguNkulunkulu, kwambalelwa ukuthi kungukulunga. ⁴ Kepha kosebenzayo umvuzo awubalelwa ngokomusa kodwa ngokwemfanelo; ⁵ kepha kongasebe nziyo, kodwa ekholwa nguye olungisisa ongamesabi uNkulunkulu, ukukholwa kwakhe kubalelwa yena ukuthi kungukulunga, ⁶ njengalokhu noDavide esho ngokubusiswa komuntu uNkulunkulu ambalela ukulunga ngaphandle kwemisebenzi, ethi: ⁷ Babusisiwe abathethelelwe izeqo zabo, nabazono zabo zisitshekelwe; ⁸ ubusisiwe umuntu iNkosi engayikumbalela isono. U-Abrahama wamukeliswa isithembiso ngokukholwa. ⁹ Ngakho-ke lokhu kubusiswa kuqondene nabasokile noma nabangasokile na ? Ngokuba sithi: Ukukholwa kwabalelwa u-Abrahama ukuthi kungukulunga. ¹⁰ Pho, kwabalelwa kanjani na? Esesokile yini noma engakasoki na? Akubanga esesokile, kodwa engakasoki. ¹¹ Wasamukela isibonakaliso sokusoka , sibe luphawu lokulunga kokukholwa ayenakho engakasoki , ukuba abe nguyise wabo bonke abakholwayo bengasokile, ukuze ukulunga kubalelwe kubona, ¹² futhi abe nguyise wabasokileyo , kungabi ngowabasokileyo kuphela, kepha nowabo abahamba emkhondweni wokukholwa ubaba u -Abrahama ayenakho engakasoki. ¹³ Ngokuba isithembiso sokuthi uyakuba yindlalifa yezwe asinik wanga u - Abrahama nenzalo yakhe ngawo umthetho kodwa ngokulunga kokukholwa. ¹⁴ Ngokuba uma izindlalifa ziyizo ngawo umthetho, ukukholwa kwenziwe ize, nesithembiso asiselutho; ¹⁵ ngokuba umthetho ubanga intukuthelo , kepha lapho kungekho khona umthetho, akukho nakweqa. ¹⁶ Ngalokho kuya ngokukholwa ukuba kube ngokomusa , ukuze isithembiso siqiniseke enzalweni yonke , kungabi kweyomthetho yodwa kodwa nakuleyo engeyokukholwa kuka-Abrahama ongubaba wethu sonke, ¹⁷ njengokulotshiweyo ukuthi : Ngikumisile ube nguyise wez izwe eziningi phambi kwalowo Nkulunkulu akholwa nguye, yena ophilisa abafileyo nobiza okungekho ngokungathi kukhona, ¹⁸ owathi kungekho themba wakholwa ngethemba , ukuze abe nguyise wezizwe eziningi, njengalokho okwashiwo ukuthi: Yoba njalo inzalo yakho; ¹⁹ engabanga buthakathaka ekukholweni wabona umzimba wakhe obusufa, eneminyaka engaba ngeyikhulu, nesizalo sikaSara sifile; ²⁰ akangabazanga ngesithembiso sikaNkulunkulu ngokungakholwa , kodwa waqina ekukholweni, enika uNkulunkulu udumo, ²¹ eqinisekile ukuthi lokho akwethembisile unamandla nokukwenza. ²² Ngalokho-ke kwabalelwa yena ukuthi kungukulunga. ²³ Kepha akulotshwanga ngenxa yakhe yedwa ukuthi kwabalelwa yena, ²⁴ kodwa nangenxa yethu esiyakubalelwa khona , thina esikholwa nguye owavusa uJesu iNkosi yethu kwabafileyo, ²⁵ owanikelwa ngenxa yeziphambeko zethu, wavuswa ngenxa yokulungisiswa kwethu.