¹ Kepha ngithi ngesikhathi indlalifa iseyingane , kayahlukile ngalutho encekwini, ingani iyinkosi yakho konke; ² kodwa iphansi kwabaphathi nababonisi , kuze kube yisikhathi esamiswa nguyise ngaphambili. ³ Kanjalo nathi , lapho siseyizingane , sasisebugqileni phansi kwezifundiso zobungane zezwe; ⁴ kepha lapho sekufikile ukuphelela kwesikhathi , uNkulunkulu wathuma iNdodana yakhe, izelwe ngowesifazane, izelwe phansi komthetho, ⁵ ukuze ihlenge abaphansi komthetho ukuba samukele ukuma kwamadodana. ⁶ Lokhu ningamadodana , uNkulunkulu uthumile uMoya weNdodana yakhe ezinhliziyweni zenu omemeza ethi: Aba, Baba! ⁷ Njalo-ke awuseyiyo inceku , kepha usuyindodana; kepha uma uyindodana, uyindlalifa futhi ngaye uNkulunkulu. ⁸ Kepha ngaleso sikhathi ningamazi uNkulunkulu naniyizigqila phansi kwalabo abangesibo onkulunkulu ngemvelo; ⁹ kepha manje , njengalokhu senimazi uNkulunkulu , yebo, phezu kwalokho, niyaziwa nguNkulunkulu, kukanjani ukuba nibuyele ezifundisweni zobungane ezilulana nezingelutho , enithanda ukuphinda nibe yizigqila zazo na? ¹⁰ Nigcina izinsuku, nezinyanga, nezikhathi, neminyaka. ¹¹ Nginovalo ngani ukuthi mhlawumbe nginihluphekele ngeze. ¹² Yibani njengami , ngokuba nami nginjengani ; bazalwane, ngiyanincenga. Aningonanga ngalutho; ¹³ kepha niyazi ukuthi kwaba ngenxa yobuthakathaka benyama ukuba ngishumayele ivangeli kini okokuqala, ¹⁴ nokulingwa kwenu ngenyama yami anikudelelanga , aninengwanga yikho, kodwa nangamukela ngokungathi ngiyingelosi kaNkulunk ulu, ngokungathi nginguKristu Jesu. ¹⁵ Pho, sekwayaphi ukuzihalalisela kwenu na ? Ngokuba ngiyanifakazela ngokuthi, uma kwakungenzeka , nanizakukhipha amehlo enu , ninginike wona. ¹⁶ Konje sengaba yisitha kini ngokunishumayeza iqiniso na? ¹⁷ Banishisekela ngokungekuhle, yebo, bafuna ukunivalela ngaphandle, ukuze nishisekele bona. ¹⁸ Kepha kuhle ukushisekelelwa ngento enhle njalonjalo , kungabi nxa ngikhona kini kuphela, ¹⁹ bantwana bami , enginemihelo futhi ngani , uKristu aze abunjwe phakathi kini; ²⁰ kepha bengingat handa ngibe khona kini manje , ngiguqule izwi lami , ngokuba ngididekile ngani. OSara noHagari bayimifanekiso yezivumelwano ezimbili ²¹ Ngitsheleni nina enithanda ukuba phansi komthetho , aniwuzwa yini umthetho na? ²² Ngokuba kulotshiwe ukuthi u -Abrahama wayenamadodana amabili, enye kuso isigqilakazi nenye kokhululekileyo. ²³ Kodwa eyesigqilakazi izelwe ngokwenyama , kepha eyokhululekileyo izelwe ngesithembiso. ²⁴ Lokhu kungukufanekisa ; ngokuba laba bayizivumelwano ezimbili , esinye ngesasentabeni yaseSinayi, esizalela ubugqila, esinguHagari. ²⁵ Kepha uHagari lo uyintaba yaseSinayi e -Arabiya, eqondene neJerusalema lakalokhu, ngokuba lisebugqileni nabantwana balo. ²⁶ Kepha iJerusalema eliphezulu likhululekile, lona lingumame wethu. ²⁷ Ngokuba kulotshiwe ukuthi : Thokoza wena nyumba ongazaliyo ; mpompoloza wena ongenamihelo; ngokuba abantwana boyisikhwebu baningi kunabakhe onendoda. ²⁸ Kepha nina bazalwane, njengo-Isaka ningabantwana besithembiso. ²⁹ Kepha njengakuleso sikhathi owazalwa ngokwenyama wazingela owazalwa ngokoMoya, kunjalo-ke namanje. ³⁰ Kodwa umbhalo uthini na ? Uthi: Xosha isigqilakazi nendodana yaso , ngokuba indodana yesigqilakazi ayisoze yalidla ifa kanye nendodana yokhululekileyo. ³¹ Ngakho-ke, bazalwane, asisibo abantwana besigqilakazi , singabokhululekileyo.