¹ UPawulu, umphostoli ongaveli kubantu noma ngomuntu , kodwa ngoJesu Kristu noNkulunkulu uYise owamvusa kwabafileyo, ² nabazalwane bonke abanami kuwo amabandla aseGalathiya: ³ Makube kini umusa nokuthula okuvela kuNkulunkulu uBaba w ethu naseNkosini yethu uJesu Kristu ⁴ owazinikela ngenxa yezono zethu , ukuze asophule kuleli zwe elibi lamanje ngokwentando kaNkulunkulu uBaba wethu; ⁵ makube kuye udumo kuze kube phakade. Amen. Ukuhlubuka kwabaseGalathiya kulo ivangeli eliyilo ⁶ Ngiyamangala ngokuba nimhlubuka masinya kangaka yena owanibizela emuseni kaKristu, niye kwelinye ivangeli, ⁷ elingesilo elinye , kuphela ukuba bakhona abanididayo , bethanda ukuphendukezela ivangeli likaKristu. ⁸ Kepha-ke noma kungaba yithina noma ingelosi evela ezulw ini enishumayeza ivangeli eliphambene nalelo esanishumayeza lona , makabe ngoqalekisiweyo. ⁹ Njengalokho sesishilo , ngisaphinda nakalokhu , ngithi: Uma umuntu enishumayeza ivangeli eliphambene nalelo enalamukelayo , makabe ngoqalekisiweyo. UPawulu wathola ubuphostoli kuNkulunkulu ¹⁰ Ngokuba manje ngizincengela kubantu noma kuNkulunkulu na ? Kukho, ngifuna ukuzikholekisa kubantu yini ? Uma bengisazikholekisa kubantu , kungaba angisiyo inceku kaKristu. ¹¹ Ngokuba ngiyanazisa , bazalwane, ukuba ivangeli elishunyayelwe yimina alisilo elingokwabantu. ¹² Ngokuba nami angilamukeliswanga ngumuntu , futhi angilifundiswanga , kepha ngilithole ngokwambulelwa nguJesu Kristu. ¹³ Nizwile phela lokhu ngenkambo yami yakuqala ebuJudeni ukuthi ngalizingela kakhulu ibandla likaNkulunkulu, ngalichitha, ¹⁴ futhi ebuJudeni ngabadlula abaningi abayintanga yami kwabakithi , ngishisekela kakhulu kunabo amasiko awokhokho. ¹⁵ Kepha-ke mhla kwaba kuhle kuNkulunkulu owangahlukanisela kwasesiswini sikamame, wangibiza ngomusa wakhe ¹⁶ ukuba ayambule i Ndodana yakhe kimi , ukuze ngiyishumayele phakathi kwabezizwe, khona lapho angibuzananga nenyama negazi, ¹⁷ futhi angenyukelanga eJerusalema kubona ababe ngabaphostoli ngaphambi kwami, kodwa ngamuka ngaya e-Arabiya, ngaphinda ngabuyela eDamaseku. ¹⁸ Kwathi e mva kweminyaka emithathu ngenyukela eJerusalema ukubona uKhefase; ngahlala kuye izinsuku eziyishumi nanhlanu. ¹⁹ Kepha angibonanga omunye wabaphostoli , kuphela uJakobe umnawe weNkosi. ²⁰ Kulokhu-ke enginilobela khona bhekani , phambi kukaNkulunkulu , angiqambi amanga. ²¹ Emva kwalokho ngeza emazweni aseSiriya naseKhilikhiya. ²² Ngangisengongaziwayo ngobuso emabandleni aseJudiya akuKristu, ²³ abesezwile nje ukuthi : Lowo okade esizingela useshumayela ukukholwa akade ekuchitha. ²⁴ Ayesedumisa uNkulunkulu ngami.