¹ Kwathi u -Apholo eseKorinte , uPawulu wafika e -Efesu esedabulile amazwe angasenhla, wafumana abafundi abathile, ² wathi: Namamukela yini uMoya oNgcwele mhla nikholwayo na ? Bathi kuye: Qhabo, asizwanga nokuzwa ukuba kukhona uMoya oNgcwele. ³ Wathi: Pho, nabhapathizelwa kukuphi na? Base bethi: Kukho ukubhapathiza kukaJohane. ⁴ UPawulu wayesethi: UJohane wabhapathiza umbhapathizo wokuphenduka, ethi kubantu mabakholwe nguyena obezakuza emva kwakhe , kungukuthi uJesu. ⁵ Bathi ukuzwa lokho, babhapathizwa egameni leNkosi uJesu. ⁶ Kwathi uPawulu esebekile izandla phezu kwabo, uMoya oNgcwele wehlela phezu kwabo; base bekhuluma ngezilimi, baprofetha. ⁷ Babe ngamadoda angathi ishumi nambili bebonke. ⁸ Wayesengena esinagogeni , wakhuluma ngesibindi izinyanga zaba ntathu , eshumayela ebafundisa ngombuso kaNkulunkulu. ⁹ Kepha lapho abathile bezenza lukhuni bengalaleli , bekhuluma kabi ngaleyo Ndlela phambi kwabantu, wasuka kubo, waqembula abafundi, washumayela imihla ngemihla esikoleni sikaTiranu. ¹⁰ Lokho kwenzeka iminyaka emibili , baze balizwa i zwi leNkosi bonke abakhileyo e-Asiya, abaJuda namaGreki. ¹¹ UNkulunkulu wenza imisebenzi yamandla engavamile ngezandla zikaPawulu, ¹² baze bathatha amaduku nezindwangu emzimbeni wakhe , bazibeka phezu kwabagulayo; zase zisuka kubo izifo, nomoya ababi baphuma. ¹³ Kepha nabathile abayizanusi kubaJuda , abayizinzulane, balokotha ukuphatha igama leNkosi uJesu phezu kwabakhwelwe ngomoya ababi, bathi: Ngiyanifungisa uJesu amshumayelayo uPawulu. ¹⁴ USkeva othile , umJuda, umpristi omkhulu , wayenamadodana ayisikhombisa ayekwenza lokho. ¹⁵ Kepha umoya omubi waphendula , wathi kuwo : UJesu ngiyamazi , noPawulu ngiyamqonda; kepha nina ningobani na? ¹⁶ Lowo muntu onomoya omubi wabadumela , wahlula ababili , wabanqoba, baze baphunyuka kuleyo ndlu behambaze, belimele. ¹⁷ Lokho kwez wakala kubo bonke abakhileyo e -Efesu, abaJuda namaGreki , ukwesaba kwabehlela bonke; ladunyiswa igama leNkosi uJesu; ¹⁸ nabaningi kwabakholwayo beza bazivuma, bazibika izenzo zabo. ¹⁹ Kepha abaningi kubo ababenza imilingo babuthela ndawonye izincwadi zabo, bazishisa phambi kwabo bonke ; bahlanganisa amanani azo , bafumana ukuthi ayizinhlamvu zesiliva eziyizinkulungwane ezingamashumi ayisihlanu. ²⁰ Kanjalo izwi landa ngamandla eNkosi, lanqoba. ²¹ Kwathi ukuba sezenzekile lezo zinto , uPawulu wazimisela emoyeni uku ya eJerusalema esedabulile iMakedoniya ne -Akhaya, wathi: Emva kokufika kwami khona ngimelwe ukubona neRoma. ²² Wayesethumela eMakedoniya ababili kwabamkhonzayo oThimothewu no - Erastu; yena uqobo wasala isikhathi e-Asiya. Isiphithiphithi sikaDemetriyu ²³ Kepha ngaleso sikhathi kwavela isiphithiphithi esingesincane maqondana naleyo Ndlela. ²⁴ Ngokuba umuntu othile ogama lakhe linguDemetriyu , umkhandi wesiliva owenza amathempelana esiliva kaDiyana, wazuzisa abakhandi besiliva inzuzo engencane, ²⁵ waqoqa bona kanye nezisebenzi ezinjalo, wathi: Madoda, niyazi ukuthi kulo msebenzi kuvela ingcebo yethu, ²⁶ kepha seniyabona, niyezwa futhi ukuthi akukuphela e -Efesu kodwa cishe kulo lonke i-Asiya uPawulu lona udukisile abantu abaningi ngokubancenga , ethi akusibo onkulunkulu labo abenziwe ngezandla. ²⁷ Ngakho akusikho lokhu kuphela ukuba umsebenzi wethu usengozini yokudelelwa, kodwa nethempeli lonkulunkulukazi omkhulu uDiyana liyakuthiwa aliy into yalutho , nobukhulukazi bakhe sebuzakuphela , yena elimkhonzayo lonke i-Asiya nezwe lonke. ²⁸ Kwathi bekuzwa lokho, bagcwala ulaka, bamemeza bathi: Mkhulu uDiyana wabase-Efesu. ²⁹ Umuzi wonke wagcwala isiphithiphithi , batheleka nganhliziyonye esigcawini sokubukela , babamba oGayu no -Aristarku, abaseMakedoniya, ababehamba noPawulu. ³⁰ Kepha uPawulu esefuna ukungena phakathi kwabantu , abafundi abamvumelanga. ³¹ Nabanye bababusi base -Asiya, bengabahlobo bakhe , bathumela kuye , bamncenga ukuba angaze angena esigcawini sokubukela. ³² Khona-ke abanye bamemeza okunye nabanye okunye ; ngokuba ibandla layaluza nje, nabaningi babengazi ukuthi babuthanele indabani. ³³ Base bekhipha u -Aleksandru esixukwini , abaJuda bamqhubela phambili; kepha u-Aleksandru waqhweba ngesandla, efuna ukuziphendulela kubantu. ³⁴ Kwathi ukuba bezwe ukuthi ungumJuda , bamemeza bonke ngazwi linye kwangathi amahora amabili, bathi: Mkhulu uDiyana wabase-Efesu. ³⁵ Kepha umbhali esebathulisile abantu wathi: Madoda ase -Efesu, kukhona yini phakathi kwabantu ongaziyo ukuthi umuzi wase -Efesu ungumlondi wethempeli likaDiyana omkhulu nowesithombe esawa ezulwini na? ³⁶ Ngakho lokhu lezo zinto zingephikwe , kufanele nithule , ningenzi lutho ngamawala. ³⁷ Ngokuba nilethile lawa madoda angesibo abaphangi bamathempeli nokuba abahlambalaza uNkulunkulu wethu. ³⁸ Ngakho uma uDemetriyu kanye nezingcweti zabakhandi besiliva benendaba nomuntu, zikhona izinsuku zokuthetha amacala , bakhona nababusi ; mabamangalelane. ³⁹ Kepha uma nifuna utho ngaphezu kwalokho , kuyalungiswa ebandleni elimisiweyo. ⁴⁰ Ngokuba-ke sisengozini yokumangalelwa ngomsindo wanamuhla , lokhu kungekho sizathu esingazilandulela ngaso ngalesi siwiliwili. ⁴¹ Eseshilo lokho walimukisa ibandla.