¹ UJakobe, inceku kaNkulunkulu neyeNkosi uJesu Kristu , uyakhonza kuzo izizwe eziyishumi nambili ezihlakazekileyo. Ukuyala ngezilingo ² Bazalwane bami, nxa nehlelwa yizilingo ngezilingo, anothi kungukuthokoza kodwa, ³ nazi ukuthi ukuvivinywa kokukholwa kwenu kuveza ukukhuthazela. ⁴ Kepha ukukhuthazela makube nomsebenzi opheleleyo , ukuze nibe ngabapheleleyo nabangenacala abangasweli lutho. ⁵ Uma-ke kukhona kini oswela ukuhlakanipha , makacele kuNkulunkulu obapha bonke ngobuhle engajakadi, khona uyakuphiwa. ⁶ Kepha makacele ngokukholwa engangabazi ngalutho ; ngokuba ongabazayo unjengedlambi lolwandle eliqhutshwa, ligujiswa ngumoya. ⁷ Ngakho makangasho lowo muntu ukuthi uyakwamukeliswa utho yiNkosi, ⁸ umuntu onhliziyombili oguquguqukayo ezindleleni zakhe zonke. ⁹ Umzalwane ophansi makazincome ngokuphakama kwakhe, ¹⁰ kepha oyisicebi makazincome ngobuphansi bak he, ngokuba njengembali yotshani uyakudlula. ¹¹ Ngokuba ilanga liphuma libalele , libunisa utshani , imbali yabo iwele phansi, nobuhle besimo sabo bunyamalale ; kanjalo nesicebi siyakudlula ezindleleni zaso. ¹² Ubusisiwe umuntu okhuthazela ekulingweni ; ngokuba esevivinyekile uyakwamukeliswa umqhele wokuphila othenjisiwe yiNkosi kwabayithandayo. ¹³ Umuntu oyengwayo makangasho ukuthi : Ngiyengwa nguNkulunkulu , ngokuba uNkulunkulu angeyengwe ngokubi, naye uqobo akayengi muntu. ¹⁴ Kepha yilowo nalowo uyengwa ehuhwa ngezakhe izinkanuko, ehungwa; ¹⁵ uma inkanuko isithathile , ibeletha isono ; nesono sesiphelelisiwe , sizala ukufa. ¹⁶ Ningadukiswa, bazalwane bami abathandekayo. ¹⁷ Izipho zonke ezinhle neziphiwo zonke ezipheleleyo zivela phezulu , zehla kuYise wokukhanya okungekho kuye ukuguquka nasithunzi sokuphenduka. ¹⁸ Ngokuthanda kwakhe wasizala ngezwi leqiniso , ukuze sibe ngabokuqala bezidalwa zakhe. Ukuyala ngokukholwa okunezenzo ¹⁹ Niyakwazi lokho, bazalwane bami abathandekayo . Yilowo nalowo muntu makasheshe ukuzwa, aphuze ukukhuluma, aphuze ukuthukuthela; ²⁰ ngokuba ulaka lomuntu alusebenzi ukulunga kukaNkulunkulu. ²¹ Ngakho lahlani yonke insila nokubi okuvamileyo , namukele ngomoya omnene izwi elitshaliweyo elinamandla okusindisa imiphefumulo yenu. ²² Yibani ngabalenzayo izwi, ningabi ngabalizwayo kuphela, nizikhohlisa. ²³ Ngokuba uma umuntu engolizwayo izwi engesiye olenzayo , lowo ufana nomuntu obuka ubuso bakhe bemvelo esibukweni; ²⁴ ngokuba uyazibuka, amuke, akhohlwe masinyane ukuthi wayengonjani. ²⁵ Kepha obukisisa emth ethweni opheleleyo wenkululeko nohlala kuwo , engesiye ozwayo nje akhohlwe, kodwa engowenzayo asebenze, lowo uzakuba ngobusisiweyo ekwenzeni kwakhe. ²⁶ Uma umuntu esho ukuthi uyikholwa , engabophi ulimi lwakhe kungathi ngetomu kodwa ekhohlisa inhliziyo yakhe, ukukhonza kwalowo kuyize. ²⁷ Ukukhonza okumhlophe okungenabala phambi kukaNkulunkulu uBaba yilokhu ukuhambela izintandane nabafelokazi osizini lwabo nokuzigcina kungabi yicala lokwezwe.