¹ Lalela, Nkulunkulu, umkhuleko wami, ungazifihli ekunxuseni kwami. ² Ngizwele, ungiphendule; ngiyayaluza ekukhaleni kwami, ngiyabubula ³ ngenxa yezwi lesitha , ngenxa yokucindezela komubi ; ngokuba bagingqela okubi phezu kwami; bangizingela bethukuthele. ⁴ Inhliziyo yami iyathuthumela phakathi kwami; amavuso okufa angehlele. ⁵ Ngifikelwe luvalo nokuqhaqhazela; ngikhwelwe ngukwesaba okukhulu. ⁶ Besengithi: Sengathi ngingaba namaphiko njengejuba ; ngabe ngindizela ekudeni, ngihlale khona. ⁷ Bheka, bengiyakubaleka, ngiye kude, ngingenise ehlane. Sela ⁸ Ngabe ngiphuthuma indawo yokupheph a emoyeni ovunguzayo nasesiphephweni. ⁹ Bachithe, Nkosi, uphambanise ulimi lwabo , ngokuba ngibonile ubudlwangudlwangu nokuxabana emzini. ¹⁰ Imini nobusuku bahamba bezungeza phezu kwezingange zawo ; okubi nokushinga kuphakathi kwawo. ¹¹ Ububi buphakathi kwawo ; imbandezelo nenkohliso akusuki esigcawini sawo. ¹² Ngokuba akusiso isitha esingiklolodelayo ; ngabe ngiyakuthwala ; akusiye ongizondayo oziphakamise phezu kwami; ngabe ngamcashela; ¹³ kepha nguwe ntanga yami, mhlobo wami nomngane wami. ¹⁴ Sasihlalisana kamnandi ; sasiya endlini kaNkulunkulu kanye nebandla elithokozayo. ¹⁵ Ukufa makubazume , bashonele endaweni yabafileyo besezwa , ngokuba ububi busezindlini zabo nasezinhliziyweni zabo. ¹⁶ Mina ngizakukhala kuNkulunkulu; uJehova uzakungisindisa. ¹⁷ Kusihlwa nasekuseni nas emini ngizakuzikhalela , ngibubule, abeselizwa izwi lami. ¹⁸ Uyawuhlenga umphefumulo wami ngokuthula , bangasondeli kimi , ngokuba baningi abamelene nami. ¹⁹ UNkulunkulu uzakuzwa, abaphendule, yena okhona kwaphakade . Sela Yibona kambe okungekho kubo ukuphenduk a, nabangamesabiyo uNkulunkulu. ²⁰ Ubeka isandla ngakuye ohlalisene kahle naye ; udumazile isivumelwano sakhe. ²¹ Umlomo wakhe ubushelezi kunephehlwa , kepha inhliziyo yakhe iyimpi ; amazwi akhe athambile kunamafutha; nokho ayizinkemba ezikhokhiweyo. ²² Phonsa phezu kukaJehova umthwalo wakho , uzakukuphasa; akayikuvuma naphakade ukuba olungileyo azanyazanyiswe. ²³ Wena Nkulunkulu uyakubaphonsa egodini lokubhubhisa; abantu begazi nenkohliso abayikufinyelela nasenxenyeni yezinsuku zabo ; kepha mina ngizakwethemba wena.