¹ Ngihawukele, Nkulunkulu, ngokomusa wakho ; yesula iziphambeko zami ngokobubele bakho obukhulu. ² Ngigezisise ebubini bami, ungihlanze esonweni sami. ³ Ngokuba ngiyazazi iziphambeko zami; isono sami siphambi kwami njalo. ⁴ Ngonile kuwe wena wedwa , ngakwenza okubi emehlweni akho , ukuze uthiwe ulungile ekukhulumeni kwakho, uchache ekwahluleleni kwakho. ⁵ Bheka, ngazalelwa ebubini, umame wangithabatha esonweni. ⁶ Bheka, uthanda iqinis o ngaphakathi enhliziyweni ; wongifundisa ukuhlakanipha ekujuleni kwenhliziyo. ⁷ Ngihlanze ngehisopi, ngihlambuluke; ngigeze, ngibe mhlophe kuneqhwa. ⁸ Ngizwise intokozo nenjabulo, ukuze ethabe amathambo owachobozileyo. ⁹ Fihla ubuso bakho ezonweni zami, wesule zonke izenzo zami ezimbi. ¹⁰ Nkulunkulu, dala kimi inhliziyo ehlanzekileyo , uvuse umoya oqinileyo phakathi kwami. ¹¹ Ungangilahli ebusweni bakho, ungangemuki uMoya wakho oNgcwele. ¹² Buyisela kimi ukuthokoza kwensindiso yakho , ungiphase ngomoya ovumayo. ¹³ Khona ngiyakufundisa abaphambukayo izindlela zakho ; nezoni ziyakuphendukela kuwe. ¹⁴ Ngikhulule ecaleni legaz i, Nkulunkulu, Nkulunkulu wensindiso yami . Khona ulimi lwami luyakuhubela ukulunga kwakho. ¹⁵ Nkosi, vula izindebe zami, ukuze umlomo wami ulande ngodumo lwakho. ¹⁶ Ngokuba awuwuthandi umhlatshelo ; noma bengizakukunika umnikelo wokushiswa, ubungayikuthokoza ngawo. ¹⁷ Iminikelo kaNkulunkulu ingumoya owaphukileyo ; inhliziyo eyaphukileyo nedabukileyo, Nkulunkulu, awuyikuyidelela. ¹⁸ Lenzele iSiyoni okuhle ngokomusa wakho , uzakhe izingange zaseJerusalema. ¹⁹ Khona uyakuyijabulela iminikelo yokulunga eshiswayo nes hiswa yonke ; khona bayakunikela ngezinkunzi phezu kwe-altare lakho.