¹ Abantu bakwa -Israyeli babefungile eMispa , bethi: Akuyikubakho muntu oyakunika owakwaBenjamini indodakazi yakhe ibe ngumkakhe. ² Abantu base befika eBethele , bahlala khona kwaze kwahlwa phambi kukaNkulunkulu, baphakamisa izwi labo, bakhala kakhulu. ³ Bathi: Jehova Nkulunkulu ka -Israyeli, lokhu kwenzelweni kwa-Israyeli ukuba kusilale namuhla esinye isizwe sakwa-Israyeli na? ⁴ Kwathi ngakusasa abantu bavuka ekuseni , bakha khona i -altare, banikela ngeminikelo yokushiswa neminikelo yokuthula. ⁵ Abantwana bakwa -Israyeli bathi : Yisiphi phakathi kwazo zonke izizwe zakwa-Israyeli esin gakhuphukelanga ebandleni kuJehova na ? Ngokuba bebefungile isifungo esikhulu ngaye ongakhuphukeli kuJehova eMispa ukuthi wobulawa nokubulawa. ⁶ Abantwana bakwa -Israyeli bamhawukela uBenjamini umfowabo , bathi: Kunqunyiwe namuhla esinye isizwe kwa-Israyeli. ⁷ Siyakwenze njani ukuba abaseleyo babe nabafazi , lokhu sifungile uJehova ukuthi asiyikubanika amadodakazi ethu abe ngomkabo, na? ⁸ Bathi: Yisiphi kuzo izizwe zakwa -Israyeli esingakhuphukelanga kuJehova eMispa na? Bheka, akufikanga muntu ekamu ovela eJabesh i Gileyadi ukuya ebandleni. ⁹ Sebebalwa abantu ; bheka, kwakungekho muntu kwabakhile eJabeshi Gileyadi lapho. ¹⁰ Inhlangano yathuma khona abantu abayizinkulungwane eziyishumi nambili abangamaqhawe amakhulu , yabayala yathi: Hambani nibabulale abakhe eJabeshi Gileyadi ngosiko lwenkemba kanye nabesifazane nezingane. ¹¹ Yilokhu eniyakukwenza : Niyakuchitha nokuchitha bonke abesilisa nabo bonke abesifazane abake balala nendoda. ¹² Bafumana phakathi kwabakhileyo eJabeshi Gileyadi izintombi ezintsha ezingamakhulu amane ezingazanga ndoda ngokulala nayo ; baziyisa ekamu eShilo elisezweni laseKhanani. ¹³ Yonke inhlangano yathuma yakhuluma kubantwana bakwaBenjamini ababesedwaleni lakwaRimoni, yamemezela ukuthula kubo. ¹⁴ UBenjamini wabuya ngaleso sikhathi ; babanika abesifazane ababebasindisile kwabesifazane baseJabeshi Gileyadi; kepha ababanelanga. ¹⁵ Abantu bamhawukela uBenjamini, ngokuba uJehova wayenze ukwahlukana ezizweni zakwa-Israyeli. ¹⁶ Amalunga enhlangano ayesethi : Siyakwenze njani ukuba abaseleyo babe nabafazi, lokhu abesifazane bechithiwe kwaBenjamini, na? ¹⁷ Athi: Nga liba khona ifa labaphunyukileyo bakwaBenjamini , ukuze kungesulwa sizwe kwa-Israyeli. ¹⁸ Kepha asinakubanika nokho amadodakazi ethu abe ngomkabo , ngokuba abantwana bakwa -Israyeli babefungile bethi : M akaqalekiswe onika owakwaBenjamini umfazi. ¹⁹ Athi: Bheka, kukhona umkhosi kaJehova iminyaka ngeminyaka eShilo elingasenyakatho kwaseBethele ngasempumalanga komendo okhuphuka eBethele uya eShekemi nangaseningizimu kwaseLebona. ²⁰ Abayala abantwana bakwaBenjamini, athi: Hambani niqamekele ezivinini, ²¹ nibone: bhekani, uma amadodakazi aseShilo ephuma ukusina lapho kusinwa khona , anophuma ezivinini , nizibambele, kube yilowo nalowo umkakhe kuwo amadodakazi aseShilo, niye ezweni lakwaBenjamini. ²² Kuyakuthi lapho oyise noma abanewabo befika ukuphikisana nathi , sithi kubo: Sinikeni wona ngomusa, ngokuba asithathanga, kwaba yilowo nalowo umkakhe empini, futhi anibanikanga wona; khona ngabe nitholile icala. ²³ Abantwana bakwaBenjamini benze njalo , bazithathela abafazi njeng enani labo kwabasinayo , ababaqhwagayo; bahamba, babuyela efeni labo , bakha imizi, bahlala kuyo. ²⁴ Abantwana bakwa-Israyeli bamuka khona ngaleso sikhathi, yilowo nalowo waya esizweni sakhe nasemndenini wakhe , baphuma lapho, yilowo nalowo waya efeni lakhe. ²⁵ Ngalezo zinsuku kwakungekho nkosi kwa -Israyeli; yilowo nalowo wenza okulungile emehlweni akhe.