¹ Kwathi emva kwalokho u -Abisalomu indodana kaDavide wayenodadewabo obukekayo ogama lakhe linguTamari ; u-Amnoni indodana kaDavide wamthanda. ² U-Amnoni wajilajileka waze wagula ngenxa kadadewabo uTamari , ngokuba wayeyintombi; kwakungenakwenzeka emehlweni ka -Amnoni ukwenza lutho kuye. ³ Kepha u -Amnoni wayenomngane ogama lakhe linguJonadaba indodana kaShimeya umfowabo kaDavide ; uJonadaba wayengumuntu onobuqili kakhulu. ⁴ Wathi kuye: Uzacelani kanjalo wena ndodana yenkosi imihla ngemi hla na? Ungengitshele na? Wathi u-Amnoni kuye: Ngithanda uTamari udadewabo ka- Abisalomu umfowethu. ⁵ Wayesethi uJonadaba kuye: Lala embhedeni wakho, uzishaye ogulayo; lapho eseza uyihlo ukukubona, uthi kuye: Ake kuze uTamari udadewethu , angiphe ukudla, akulungise ukudla emehlweni ami ukuba ngikubone , ngikudle esandleni sakhe. ⁶ Wayeselala phansi u-Amnoni, wazishaya ogulayo; isifikile inkosi ukumbona, u-Amnoni wathi enkosini : Ake kuze uTamari udadewethu , enze amaqebelengwane amabili phambi kwami ukuba ngidle esandleni sakhe. ⁷ UDavide wayesethumela endlini kaTamari ngokuthi : Hamba manje , uye endlini ka-Amnoni umnewenu, umlungisele ukudla. ⁸ Wayesehamba uTamari , waya endlini ka -Amnoni umnewabo ; wayelele phansi. Wathatha inhlama , wayixova, wenza amaqebelengwane ph ambi kwakhe, wapheka amaqebelengwane. ⁹ Wayesethatha ikhanzi, wawathulula phambi kwakhe; kepha wala ukudla. U- Amnoni wathi: Khipha bonke abantu kimi. Baphuma bonke kuye. ¹⁰ Wayesethi u -Amnoni kuTamari : Letha ukudla ekamelweni lami ukuba ngidle esandleni sakho. UTamari wawathatha amaqebelengwane awenzileyo, wawangenisa ekamelweni ku-Amnoni umnewabo. ¹¹ Lapho ewasondeza kuye ukuba awadle , wambamba, wathi kuye : Woza ulale nami, dadewethu. ¹² Yena wathi kuye : Qha, mnewethu, ungangiphoqi, ngokuba akufanele ukuba kwenziwe kanjalo kwa-Israyeli; ungenzi lobu buwula. ¹³ Mina-ke ngingayaphi nehlazo lami na ? Nawe uyakuba njengomunye weziwula zakwa -Israyeli. Ngalokho ake ukhulume nenkosi , ngokuba ayiyikunginqabela nawe. ¹⁴ Akavumanga nokho ukulalela izwi lakhe , kepha ngokuba wayenamandla kunaye, wamphoqa, walala naye. ¹⁵ U-Amnoni wayesemzonda ngenzondo enkulu kakhulu , ngokuba inzondo amzonda ngayo yaba nkulu kunothando akade emthanda ngalo . U-Amnoni wathi kuye: Vuka uhambe. ¹⁶ Yena wayesethi kuye: Lobu bubi bokungixosha bukhulu kunalokho okunye okwenze kimi. Kepha akavumanga ukumlalela. ¹⁷ Wayesebiza inceku yakhe eyayisebenza kuye, wathi: Khiphela phandle lo wesifazane, asuke kimi, uhluthulele emnyango emva kwakhe. ¹⁸ Wayenengubo enemibala , ngokuba amadodakazi enkosi ayeyizintombi ayegqoka izingubo ezinjalo . Leyo nceku yayisimkhiphela phandle , yahluthulela emnyango emva kwakhe. ¹⁹ UTamari wayesezithela ngomlotha ekhanda , wayiklebhula ingubo yakhe enemibala owayeyigqokile , wathwala izandla ekhanda , wamuka, ehamba ekliwula. ²⁰ U-Abisalomu umnewabo wathi kuye: Umnewenu u-Amnoni kade enawe na? Thula, dadewethu; ungumnewenu, ungabeki inhliziyo yakho kule nto . UTamari wahlala eyisikhwebu nje endlini ka-Abisalomu umnewabo. ²¹ Isizwile inkosi uDavide zonke lezo zinto yathukuthela kakhulu. ²² U-Abisalomu akakhulumanga okuhle noma okubi , ngokuba u-Abisalomu wamzonda u-Amnoni, lokhu emphoqile udadewabo uTamari. ²³ Kwathi emva kweminyaka emibili epheleleyo u -Abisalomu wayenabagundi bezimvu eBali Hasori eliseduze no -Efrayimi; u-Abisalomu wamema onke amadodana enkosi. ²⁴ U-Abisalomu waya enkosini, wathi: Bheka, inceku yakho inabagundi ; mayihambe inkosi nezinceku zayo nenceku yakho. ²⁵ Inkosi yathi ku-Abisalomu: Qha, ndodana yami, masingahambi sonke, funa sikusinde. Wayicindezela; nokho ayivumanga ukuhamba, kodwa yambusisa. ²⁶ U-Abisalomu wayesethi : Uma kunjalo , makahambe nathi umfowethu u - Amnoni. Inkosi yathi: Uyakuhambelani nawe na? ²⁷ U-Abisalomu wayicindezela , yaze yavuma ukuba u -Amnoni nawo onke amadodana ahambe naye. ²⁸ U-Abisalomu wayala izinceku zak he ngokuthi: Bhekani, lapho inhliziyo ka- Amnoni ithokoza ngewayini nalapho ngithi kini : Bulalani u -Amnoni, nimbulale ningesabi ; angithi mina nginiyalile na ? Yimani isibindi , nibe ngamaqhawe. ²⁹ Izinceku zika -Abisalomu zenza ku -Amnoni njengokuyala kuka -Abisalomu. Amadodana onke enkosi ayesesuka , yileyo naleyo yakhwela umnyuzi wayo , abaleka. ³⁰ Kwathi besesendleleni, kwafika izwi kuDavide , lithi: U-Abisalomu ubulele onke amadodana enkosi, akusalanga neyodwa yawo. ³¹ Inkosi yayisisuka , yaklebhula izingubo zayo , yalala emhlabathini, nazo zonke izinceku zema lapho, izingubo zazo ziklebhukile. ³² UJonadaba indodana kaShimeya umfowabo kaDavide waphendula wathi : Inkosi yami mayingathi babulele izinsizwa zonke , amadodana enkosi, lokhu ngu-Amnoni yedwa ofileyo ; ngokuba lokho kwakunqunyiwe ngomlomo ka - Abisalomu kusukela kulolo suku aphoqa ngalo udadewabo uTamari. ³³ Ngalokho inkosi yami , inkosi, mayingabeki le nto enhliziyweni yayo yokuthi onke amadodana enkosi afile, ngokuba ngu-Amnoni yedwa ofileyo. Ukubaleka kuka-Abisalomu ³⁴ Kepha u-Abisalomu wabaleka. Insizwa elindayo yaphakamisa amehlo ayo , yabuka; bheka, kwaqhamuka abantu abaningi ngasendleleni yentaba emva kwayo. ³⁵ UJonadaba wathi enkosini : Bheka, amadodana enkosi ayeza ; kunjalo njengokusho kwenceku yakho. ³⁶ Kwathi eseqedile ukukhuluma, bheka, afika amadodana enkosi, adazuluka, akhala; nenkosi nazo zonke izinceku zayo zakhala ngokukhala okukhulu kakhulu. ³⁷ Kepha u -Abisalomu wabaleka , waya kuTalimayi indodana ka -Amihudi, inkosi yaseGeshuri. UDavide walilela indodana yakhe zonke izinsuku. ³⁸ Wabaleka-ke u -Abisalomu, waya eGeshuri , wahlala khona iminyaka emithathu. ³⁹ Inkosi uDavide yalangazelela ukuya ku -Abisalomu, ngokuba yayisiduduzekile ngo-Amnoni ibona ukuthi sewafa.