¹ UHezekiya waqala ukubusa eneminyaka engamashumi amabili nanhlanu , wabusa iminyaka engamashumi amabili nesishiyagalolunye eJerusalema ; igama likanina lalingu-Abiya indodakazi kaZakariya. ² Wenza okulungile emehlweni kaJehova njengakho konke akwenzileyo uDavide uyise. ³ Ngomnyaka wokuqala wokubusa kwakhe ngenyanga yokuqala wavula izivalo zendlu kaJehova, wazilungisa. ⁴ Wangenisa abapristi namaLevi, wababutha esigcawini ngasempumalanga, ⁵ wathi kubo : Ngizweni nina maLevi ; zingcweliseni, niyingcwelise nendlu kaJehova uNkulunkulu wawoyise, nikhiphe ukungcola endaweni engcwele. ⁶ Ngokuba oyihlo baphambukile , benza okubi emehlweni kaJehova uNkulunkulu wethu , bamshiya, baphendula ubuso babo endl ini kaJehova , bamfulathela. ⁷ Bavala nezivalo zompheme , bacima izibani , abashisanga impepho , abanikelanga ngeminikelo yokushiswa endaweni engcwele kuNkulunkulu ka - Israyeli. ⁸ Intukuthelo kaJehova yayisiba phezu kukaJuda neJerusalema , wabanikela baba yisibon elo esibi , nesimangaliso, nento enximfelwayo , njengalokhu nibona ngamehlo enu. ⁹ Bhekani, obaba bawile ngenkemba , amadodana ethu namadodakazi ethu nawomkethu basekuthunjweni ngenxa yalokho. ¹⁰ Manje sekusenhliziyweni yami ukwenza isivumelwano noJehova uNkulunkulu ka-Israyeli ukuba ulaka lwakhe oluvuthayo lubuye kithina. ¹¹ Madodana ami , ningadebeseli, ngokuba nina uJehova unikhethile ukuba nime phambi kwakhe, nimkhonze, nibe yizikhonzi zakhe, nishise impepho. ¹² Kwase kusukuma amaLevi : nguMahathi indodana ka -Amasayi noJoweli indodana ka -Azariya emadodaneni amaKohati ; emadodaneni kaMerari : nguKishi indodana ka-Abidi no-Azariya indodana kaJehaleli; kumaGereshoni: nguJowa indodana kaZima no-Edene indodana kaJowa; ¹³ emadodaneni ka -Elisafani: ngoShimri noJehiyeli ; emadodaneni ka -Asafa: ngoZakariya noMathaniya; ¹⁴ emadodaneni kaHemani : ngoJehiyeli noShimeyi ; emadodaneni kaJeduthuni: ngoShemaya no-Uziyeli. ¹⁵ Babutha abafowabo , bazingcwelisa, bangena njengesiyalezo senkosi ngamazwi kaJehova ukuba bayihlambulule indlu kaJehova. ¹⁶ Abapristi bangena kokuphakathi kwendlu kaJehova ukuba bayihlambulule , nakho konke ukungcola abakufumanisayo ethempelini likaJehova bakukhiphela egcekeni lendlu kaJehova . AmaLevi akuthatha , akukhipha, akuyisa emfudlaneni iKidroni. ¹⁷ Baqala ukungcwelisa ngolokuqala lwenyanga yokuqala ; ngosuku lwesishiyagalombili lwenyanga bafika emphemeni kaJehova , bayingcwelisa indlu kaJehova ngezinsuku eziyisishiyagalombili ; ngosuku lweshumi nesithupha lwenyanga yokuqala baqeda. ¹⁸ Base bengena phakathi kuHezekiya inkosi, bathi: Sihlambulule yonke indlu kaJehova, ne-altare leminikelo yokushiswa , kanye nazo zonke izinto zayo , netafula lezinkwa zokubukwa. ¹⁹ Zonke izinto inkosi u -Ahazi eyazilahla ekuphambukeni kwayo isabusa , sizilungisile, sazingcwelisa; bheka, seziphambi kwe-altare likaJehova. ²⁰ UHezekiya inkosi wayesevuka ekuseni , wabutha izinduna zomuzi , wakhuphukela endlini kaJehova. ²¹ Baletha izinkunzi eziyisikhombisa , nezinqama eziyisikhombisa , namawundlu ayisikhombisa, nezimpongo eziyisikhombisa, kube ngumnikelo wokona ngombuso nangendlu engcwele nangoJuda . Wayaleza abapristi , amadodana ka-Aroni, ukuba banikele ngakho e-altare likaJehova. ²² Base bezihlaba izinkunzi; abapristi bamukela igazi, bafafaza ngalo i-altare; bazibulala izinqama , bafafaza i -altare ngegazi ; bawabulala amawundlu , bafafaza i-altare ngegazi. ²³ Base besondeza izimpongo ngenxa yomnikelo wesono phambi kwenkosi nebandla; babeka izandla zabo phezu kwazo; ²⁴ abapristi bazihlaba , benza umnikelo wesono ngegazi lazo e -altare ukuba benzele u -Israyeli won ke ukubuyisana , ngokuba inkosi yayaleza ukuba umnikelo wokushiswa nomnikelo wesono ube ngoka-Israyeli wonke. ²⁵ Wawamisa amaLevi endlini kaJehova ephethe amasimbali , nezingubhu, namahabu njengesiyalezo sika Davide nesikaGadi umboni wenkosi nesikaNathani ump rofethi, ngokuba isiyalezo sasingesikaJehova ngesandla sabaprofethi bakhe. ²⁶ AmaLevi ayesema ephethe izinto zokubethwa zikaDavide , ekanye nabapristi bephethe amacilongo. ²⁷ UHezekiya wayala ukunikela ngomnikelo wokushiswa e-altare. Ngesikhathi sokuqala kom nikelo wokushiswa kwaqala nesihlabelelo sikaJehova , namacilongo, kanye nezinto zokubethwa zikaDavide inkosi yakwa-Israyeli. ²⁸ Lonke ibandla lakhuleka , abahlabeleli bahlabelela, abamacilongo babetha; konke kwaqhubeka waze waphela umnikelo wokushiswa. ²⁹ Sebeqedile ukunikela , inkosi nabo bonke ababe nayo bakhothama , bakhuleka. ³⁰ UHezekiya inkosi nezikhulu bawayala amaLevi ukumdumisa uJehova ngamazwi kaDavide nangaka-Asafa umboni . Badumisa ngokuthokoza , bakhothamisa amakhanda abo, bakhuleka. ³¹ Wayesethatha uHe zekiya, wathi: Senizahlukanisele uJehova ; sondelani, nilethe imihlatshelo neminikelo yokubonga endlini kaJehova. Ibandla laletha imihlatshelo neminikelo yokubonga , nabo bonke abaqhutshwa yinhliziyo evumayo baletha iminikelo yokushiswa. ³² Inani leminikelo y okushiswa elalethwa yibandla laliyizinkunzi ezingamashumi ayisikhombisa , nezinqama eziyikhulu , namawundlu angamakhulu amabili ; konke lokhu kwa kungokomnikelo wokushiswa kuJehova. ³³ Okungcwelisiwe kwakuyizinkabi ezingamakhulu ayisithupha nezimvu eziyizinkulungwane ezintathu. ³⁴ Abapristi babe yingcosana nje , babengenakuhlinza yonke iminikelo yokushiswa; abafowabo amaLevi base bebasiza , waze waphela umsebenzi , nabapristi baze bazingcwelisa , ngokuba amaLevi ayelungele ngezinhliziyo kunabapristi ukuba azingcwelise. ³⁵ Neminikelo yokushiswa yayiminingi kanye namanoni eminikelo yokuthula neminikelo yokuphuzwa yeminikelo yokushiswa . Yayisihleliwe in konzo yendlu kaJehova. ³⁶ UHezekiya wathokoza kanye nabantu bonke ngenxa yalokho uNkulunkulu ayebalungisele khona abantu, ngokuba leyo nto yavela ingalindelwanga.