¹ UManase wayeneminyaka eyishumi nambili ekuqaleni kwakhe ukubusa , wabusa iminyaka engamashumi ayisihlanu nanhlanu eJerusale ma; igama likanina lalinguHefisiba. ² Wenza okubi emehlweni kaJehova njengezinengiso zabezizwe uJehova abaxosha phambi kwabantwana bakwa-Israyeli. ³ Wabuye wakha izindawo eziphakemeyo uHezekiya uyise azichithile ; wamisela uBali ama-altare, wenza u-Ashera njengokwenza kuka-Ahabi inkosi yakwa-Israyeli, wakhuleka kulo lonke ibandla lasezulwini, walikhonza. ⁴ Wakha ama -altare endlini kaJehova , uJehova asho ngayo ukuthi : Ngiyakubeka igama lami eJerusalema. ⁵ Wakhela nalo lonke ibandla lasezulwini ama -altare emagce keni omabili endlu kaJehova. ⁶ Wadabulisa indodana yakhe emlilweni , wahlola imihlola, wenza imilingo, wamisa abanamadlozi , nabathakathi, wenza okubi okuningi emehlweni kaJehova, waze wamcunula. ⁷ Wabeka isithombe esibaziweyo sika -Ashera asenzileyo endlini asho ngayo uJehova kuDavide nakuSolomoni indodana yakhe ukuthi : Kule ndlu naseJerusalema engilikhethile ezizweni zonke zakw a-Israyeli ngiyakubeka igama lami kuze kube phakade; ⁸ futhi angisayikuzulisa izinyawo zika-Israyeli, zisuke ezweni engalinika oyise, uma beyakugcina kuphela ukwenza njengakho konke engibayale ngakho nanjengawo wonke umthetho eyabayala ngawo inceku yami uMose. ⁹ Kepha abalalelanga ; uManase wabaphambukisa baze benza okubi kunabezizwe abachithayo uJehova phambi kwabantwana bakwa-Israyeli. ¹⁰ UJehova wayesekhuluma ngezinceku zakhe abaprofethi, wathi: ¹¹ Ngokuba uManase inkosi yakwaJuda enzile lezi zinengiso, enze kabi kunakho konke ukwenza kwama -Amori ayephambi kwakhe , wonisa noJuda ngezithombe zakhe, ¹² ngalokho usho kanje uJehova uNkulunkulu ka-Israyeli, uthi: Bheka, ngiletha okubi phezu kweJerusalema naphezu kukaJuda ngangokuthi bonke abakuzwayo, izindlebe zabo zombili ziyakunkeneza ngakho. ¹³ Ngiyakwelula phezu kweJerusalema umucu wokulinganisa waseSamariya , nomthofu wokumisa indlu ka -Ahabi; ngiyakwesula iJerusalema njengalokho umuntu esula isitsha, esesula asigumbuqele. ¹⁴ Ngiyakushiya insali yefa lami , ngiyinikele esandleni sezitha zayo , ibe yimpango nento ebanjiweyo yazo zonke izitha zayo; ¹⁵ ngokuba yenzile okubi emehlweni ami , ingicunulile kusukela osukwini oyise abaphuma ngalo eGibithe kuze kube namuhla. ¹⁶ Futhi uManase wachitha kakhulu igazi elingenacala , waze wagcwalisa iJerusalema kusukela ekuqaleni kuze kube sekugcineni , ngaphandle kwesono sakhe onisa ngaso uJuda ngokwenza okubi emehlweni kaJehova. ¹⁷ Ezinye izindaba zikaManase , nakho konke akwenzayo , nesono sakhe ona ngaso, angithi kulotshiwe encwadini yezindaba zemihla ngemihla yamakhosi akwaJuda na? ¹⁸ UManase wayeselala koyise, wembelwa ensimini yendlu yakhe , insimu ka- Uza; u-Amoni indodana yakhe waba yinkosi esikhundleni sakhe. ¹⁹ U-Amoni wayeneminyaka engamashumi amabili nambili ekuqaleni kwakhe ukubusa, wabusa iminyaka emibili eJerusalema ; igama likanina lalinguMeshulemeti, indodakazi kaHarusi waseJothiba. ²⁰ Wenza okubi emehlweni kaJehova njengalokho enzile uManase uyise. ²¹ Wahamba ngezindlela zonke uyise ahamba ngazo , wakhonza izithombe azikhonzayo uyise, wakhuleka kuzo; ²² washiya uJehova uNkulunkulu wawoyise , kahambanga ngendlela kaJehova. ²³ Izinceku zika-Amoni zamenzela ugobe, zayibulala inkosi endlini yayo. ²⁴ Kepha abantu bezwe bababulala bonke ababeyenzela inkosi u -Amoni ugobe; abantu bezwe bambeka uJosiya indodana yakhe inkosi esikhundleni sakhe. ²⁵ Ezinye izindaba zika -Amoni azenzayo angithi zilotshiwe encwadini yezindaba zemihla ngemihla yamakhosi akwaJuda na? ²⁶ Wembelwa ethuneni lakhe ensimini ka -Uza; uJosiya indodana yakhe waba yinkosi esikhundleni sakhe.