¹ U-Ahabi wayenamadodana angamashumi ayisikhombisa eSamariya . UJehu waloba izincwadi, wazithuma eSamariya ezinduneni zaseJizreyeli kumalunga nakubondli bakwa-Ahabi, wathi: ² Manje njengalokhu le ncwadi ifika kinina , lokhu amadodana enkosi yenu ekini, kukhona futhi kini izinqola namahhashi , kanye nomuzi obiyelweyo , nezikhali, ³ ziboneleni enhle nefaneleyo kumadodana enkosi yenu , niyibeke esihlalweni sobukhosi sikayise, nilwele indlu yenkosi yenu. ⁴ Kepha besaba kakhulu impela , bathi: Bheka, amakhosi amabili awemanga phambi kwakhe; pho, thina singema kanjani na? ⁵ Umphathi wendlu nomphathi womuzi kanye namalunga nabondli bathumela kuJehu, bathi: Siyizinceku zakho , siyakwenza konke oyakusitshela khona ; asiyikwenza muntu abe yinkosi; yenza okuhle emehlweni akho. ⁶ Wayeseloba incwadi yesibili kubo , ethi: Uma ninami , nilalela izwi lami , thathani amakhanda alaba bantu , amadodana enkosi yenu , nize kimi eJizreyeli ngalesi sikhathi kusasa . Amadodana en kosi engabantu abangamashumi ayisikhombisa ayekwabakhulu bomuzi ababewondla. ⁷ Kwathi incwadi isifikile kubo , bawathatha amadodana enkosi , bawabulala, abantu abangamashumi ayisikhombisa, babeka amakhanda awo emaqomeni, bawathuma kuye eJizreyeli. ⁸ Kwafika is ithunywa, samtshela ukuthi : Balethile amakhanda amadodana enkosi. Wathi: Wabekeni abe yizinqwaba ezimbili ngasesikhaleni sesango kuze kube sekuseni. ⁹ Kwathi ekuseni waphuma , wema, wathi kubantu bonke : Nina nilungile ; bhekani, mina ngenzele inkosi yami ugob e, ngayibulala, kepha ngubani ogence bonke laba na? ¹⁰ Qaphelani manje ukuthi akuyikuwela phansi lutho lwezwi likaJehova alikhulumayo uJehova ngendlu ka -Ahabi; uJehova wenzile lokho akukhulumayo ngesandla senceku yakhe u-Eliya. ¹¹ UJehu wayesebulala bonke a baseleyo bendlu ka -Ahabi eJizreyeli , nabo bonke abakhulu bakhe , nabazana naye , nabapristi bakhe , waze wangamshiyela noyedwa owasalayo. ¹² Wayesesuka, wahamba waya eSamariya ; kwathi esendlini yokugunda kwabelusi endleleni, ¹³ uJehu wafumana abafowabo baka -Ahaziya inkosi yakwaJuda, wathi: Nina ningobani na ? Bathi: Singabafowabo baka -Ahaziya; siyehla ukubingelela abantwana benkosi nabantwana benkosikazi. ¹⁴ Wathi: Babambeni besaphila. Babathatha besaphila , bababulala ngasemgodini wendlu yokugunda , abantu abangam ashumi amane nambili ; kashiyanga muntu kubo. ¹⁵ Esesukile khona wafumana uJehonadaba indodana kaRekabi eza ukumhlangabeza; wambingelela, wathi kuye : Inhliziyo yakho ilungelene nenhliziyo yami njengeyami ilungelene neyakho na ? Wathi uJehonadaba: Yebo. Wathi uJehu: Uma kunjalo , nginike isandla sakho . Wamnika isandla sakhe, wamkhwelisa enqoleni yakhe. ¹⁶ Wayesethi: Hamba nami , ubone ukushisekela kwami uJehova . Base bemkhwelisa enqoleni yakhe. ¹⁷ Esefike eSamariya wabulala bonke abaseleyo baka -Ahabi eSamariya, waze wamqeda njengezwi likaJehova alikhuluma ku-Eliya. ¹⁸ UJehu wabutha bonke abantu , wathi kubo : U-Ahabi wamkhonza uBali kancane, kepha uJehu uyakumkhonza kakhulu. ¹⁹ Ngalokho ngibizele bonke abaprofethi bakaBali, zonke izinceku zakhe, nabo bonke abapristi bakhe, kungasali muntu, ngokuba nginomhlatshelo omkhulu kuBali; bonke abafunyaniswa bengekho abayikuphila . Kepha uJehu wakwenza ngobuqili ukuba abhubhise izinceku zikaBali. ²⁰ Wayesethi uJehu : Mngcweliseleni uBali umhlangano womkhosi . Bawumemezela-ke. ²¹ UJehu wathumela ku -Israyeli wonke ; zonke izinceku zikaBali zafika , akwaze kwasala muntu ongafikanga ; zangena endlini kaBali , indlu kaBali yagcwala yathi swi, kusukela ekuqaleni kuze kube sekugcineni. ²² Wathi kumphathi wekamelo lezambatho : Zikhiphele zonke izin ceku zikaBali izambatho. Wazikhiphela izambatho. ²³ Wayesengena uJehu noJehonadaba indodana kaRekabi endlini kaBali ; wathi ezincekwini zikaBali : Cingani, nibone ukuba kungabikho kini lapha noyedwa wezinceku zikaJehova, izinceku zikaBali kuphela. ²⁴ Bangena u kunikela ngemihlatshelo nangeminikelo yokushiswa . UJehu wayezimisele ngaphandle abantu abangamashumi ayisishiyagalombili, wathi: Uma kuphunyuka umuntu walaba bantu engibaletha ezandleni zenu , kuyakuba ngukuphila ngokuphila. ²⁵ Kwathi eseqedile ukunikela ng omnikelo wokushiswa , uJehu wathi kubalindi nasezinduneni : Ngenani, nibabulale, kungaphumi muntu . Bababulala ngosiko lwenkemba . Abalindi nezinduna babantshinga phandle , bangena ekamelweni eliphakathi lendlu kaBali. ²⁶ Bakhipha izinsika ezazisendlini kaBali, bazishisa. ²⁷ Babhidliza insika kaBali, badiliza indlu kaBali, bazenza izindlu zendle kuze kube namuhla. ²⁸ UJehu wamchitha-ke uBali kwa-Israyeli. ²⁹ Kepha akasukanga ekulandeleni izono zikaJerobowamu indodana kaNebati onisa ngazo u-Israyeli, namathole egolide ayeseBethele nakwaDani. ³⁰ UJehova wathi kuJehu: Ngenxa yokuba wenze kahle ngokufeza okulungile emehlweni ami , futhi wenze kuyo indlu ka -Ahabi njengakho konke okwakusenhliziyweni yami, amadodana akho ezizukulwane ezine ayakuhlala esihlalweni sobukhosi sika-Israyeli. ³¹ Kodwa uJehu akagcinanga ukuhamba emthethweni kaJehova uNkulunk ulu ka-Israyeli ngayo yonke inhliziyo yakhe , kasukanga ezonweni zikaJerobowamu onisa ngazo u-Israyeli. ³² Ngalezo zinsuku uJehova waqala ukunqinda elakwa -Israyeli; uHazayeli wabachitha emikhawulweni yonke yakwa-Israyeli, ³³ kusukela eJordani ngasempumalanga, lonke izwe lakwaGileyadi , abakwaGadi, nabakwaRubeni, nabakwaManase, kusukela e -Aroweri elingasemfuleni i-Arinoni, elakwaGileyadi neBashani. ³⁴ Ezinye izindaba zikaJehu , nakho k onke akwenzayo , nawo onke amandla akhe, angithi kulotshiwe encwadini yezindaba zemihla ngemihla yamakhosi akwa-Israyeli na? ³⁵ UJehu wayeselala koyise , bammbela eSamariya . UJehowahazi, indodana yakhe, waba yinkosi esikhundleni sakhe. ³⁶ Isikhathi uJehu abus a ngaso kwa -Israyeli, eSamariya saba yiminyaka engamashumi amabili nesishiyagalombili.