¹ USawule wakhuluma kuJonathani indodana yakhe nakuzo zonke izin ceku zakhe ngokubulala uDavide . Kepha uJonathani indodana kaSawule wamenamela kakhulu uDavide. ² UJonathani wamtshela uDavide, wathi: USawule ubaba ufuna ukukubulala ; ngalokho ake uxwaye kusasa, uhlale esitha, ucashe; ³ ngiyakuphuma ngime ngakubaba endle lap ho ukhona, ngikhulume ngawe nobaba; uma ngibona okuthile, ngiyakukutshela. ⁴ UJonathani wakhuluma okuhle ngoDavide kuSawule uyise , wathi kuye : Inkosi mayingayoni inceku yayo uDavide, ngokuba akakonanga, nemisebenzi yakhe kuwe ilungile kakhulu; ⁵ wabeka ukuphila kwakhe esandleni sakhe , wabulala umFilisti , uJehova wamenzela wonke u -Israyeli insindiso enkulu , wakubona wena, wathokoza; pho, uyakulonelani igazi elingenacala, umbulale uDavide engone lutho na? ⁶ USawule walilalela izwi likaJonathani ; uSawule wafunga wathi: Kuphila kukaJehova, akayikubulawa. ⁷ UJonathani wambiza uDavide ; uJonathani wamtshela konke lokho . UJonathani wamyisa uDavide kuSawule , waba khona ebusweni bakhe njengakuqala. USawule uphinda azame ukumbulala uDavide. Ukubaleka kukaDavide. UDavide useRama ⁸ Kwabuye kwaba khona impi futhi ; uDavide waphuma walwa namaFilisti , wawaceka ngokuceka okukhulu; ambalekela. ⁹ Umoya omubi owavela kuJehova wamehlela uSawule ehlezi endlini yakhe , ephethe umkhonto esandleni sakhe; uDavide wayebetha ngesandla. ¹⁰ USawule wafuna ukumbhujela uDavide ngomkhonto odongeni , kepha wanyelela ebusweni bukaSawule , wagwaza ngomkhonto odongeni ; uDavide wabaleka, waphunyuka ngalobo busuku. ¹¹ USawule wathuma izithunywa endlini kaDavide ukuba zimlinde, zimbulale ekuseni; uMikhali umkaDavide wamtshela wathi : Uma ungasindisi ukuphila kwakho ngalobu busuku, uyakubulawa kusasa. ¹² UMikhali wamehlisa uDavide ngefasitele , wahamba, wabaleka, waphunyuka. ¹³ UMikhali wathatha itherafi, walibeka embhedeni, wabeka isicamelo soboya bezimbuzi ngasekhanda lalo, walembesa izingubo. ¹⁴ Lapho uSawule esethuma izithunywa ukumthatha uDavide, wathi: Uyagula. ¹⁵ USawule wathuma izithunywa ukumbona uDavide, ethi: Mkhuphuleni kimi ngombhede ukuba ngimbulale. ¹⁶ Lapho izithunywa zingena, bheka, itherafi lalisembhedeni, isicamelo soboya bezimbuzi singasekhanda lalo. ¹⁷ USawule wathi kuMikhali : Ungikhohliseleni kanje , uvumele isitha sami ukuba sihambe, siphunyuke, na? UMikhali wamphendula uSawule ngokuthi: Wathi kimi: Ngivumele ukuba ngihambe; ngiyakukubulalelani na? ¹⁸ Wayesebaleka uDavide, waphunyuka, waya kuSamuweli eRama, wamtshela konke uSawule abekwenzile kuye. Yena noSamuweli baya bahlala eNayoti. ¹⁹ Kwabikwa kuSawule, kwathiwa: Bheka, uDavide useNayoti eRama. ²⁰ USawule wathuma izithunywa ukumthatha uDavide ; lapho zibona iviyo labaprofethi beprofetha , uSamuweli emi engumholi wabo , uMoya kaNkulunkulu wazehlela izithunywa zikaSawule, nazo zaprofetha. ²¹ Kwabikwa kuSawule ; wathuma ezinye izithunywa ; nazo zaprofetha . USawule wayesephinda wathuma izithunywa ngokwesit hathu; nazo zaprofetha. ²² Wayeseya naye eRama , wafika emthonjeni oseSeku , wabuza ukuthi: Baphi oSamuweli noDavide na? Kwathiwa: Bheka, baseNayoti eRama. ²³ Wayeseya khona eNayoti eRama ; uMoya kaNkulunkulu wehlela naphezu kwakhe, wahambahamba waprofetha, waze wafika eNayoti eRama. ²⁴ Naye wakhumula izingubo zakhe, waprofetha naye phambi kukaSamuweli, walala phansi enqunu lonke lolo suku nabo bonke lobo busuku . Ngalokho kwathiwa: Naye uSawule uphakathi kwabaprofethi na?