¹ Yilowo nalowo okholwa ukuthi uJesu unguKristu uzelwe nguNk ulunkulu, nalowo othanda ozeleyo uthanda naye ozelwe nguye. ² Ngalokho siyazi ukuthi siyabathanda abantwana bakaNkulunkulu , nxa sithanda uNkulunkulu, senza imiyalo yakhe. ³ Ngokuba ukuthanda uNkulunkulu yilokhu ukuba sigcine imiyalo yakhe ; nemiyalo yakhe ayinzima, ⁴ ngokuba konke okuzelwe nguNkulunkulu kuyalinqoba izwe ; lokhu kuyinqobo enqobe izwe: ukukholwa kwethu. ⁵ Ngubani onqoba izwe , uma kungesiye okholwa ukuthi uJesu uyiNdodana kaNkulunkulu na? ⁶ Nguye lo oweza ngamanzi nangegazi , uJesu Kristu, kungengamanzi odwa kodwa ngamanzi nangegazi ; noMoya ungofakazayo , ngokuba uMoya uyiqiniso. ⁷ Ngokuba bathathu abafakazayo, ⁸ uMoya, namanzi, negazi; labo abathathu bavumelana entweni inye. ⁹ Uma samukela ubufakazi babantu , ubufakazi bukaNkulunkulu bukhulu kunalobo, ngokuba ubufakazi bukaNkulunkulu buyilobu abufakazile ngeNdodana yakhe. ¹⁰ Okholwa yiNdodana kaNkulunkulu unobufakazi phakathi kwakhe . Ongakholwa nguNkulunkulu umenze umqambimanga , ngokuba engakholwanga ngubufakazi uNkulunkulu abufakazile ngeNdodana yakhe. ¹¹ Yilobu ubufakazi ukuthi uNkulunkulu usiphile ukuphila okuphakade , nalokhu kuphila kuseNdodaneni yakhe. ¹² Onayo iNdodana unokuphila; ongenayo iNdodana kaNkulunkulu akanakho ukuphila. ¹³ Nginilobele lokho , ukuze nazi ukuthi ninokuphila okuphakade nina enikholwa egameni leNdodana kaNkulunkulu. ¹⁴ Yilesi sibindi esinaso kuye sokuthi , uma sicela utho ngokwentando yakhe , uyasizwa. ¹⁵ Uma sazi ukuthi uyasizwa noma sicelani , siyazi ukuthi sinakho esikucelileyo, esikucele kuye. ¹⁶ Uma umuntu ebona umzalwane wa khe ona ngesono esingesiso esokufa , makacele, uyakumnika ukuphila , ekunika labo abenza isono esingesiso esokufa. Sikhona isono sokufa; angisho ukuba kucelwe ngaleso. ¹⁷ Konke ukungalungi kuyisono; kukhona isono esingesiso esokufa. ¹⁸ Siyazi ukuthi yilowo n alowo ozelwe nguNkulunkulu akoni , ngokuba ozelwe nguNkulunkulu uyazigcina, nomubi akamthinti. ¹⁹ Siyazi ukuthi singabakaNkulunkulu nokuthi izwe lonke limi ebubini. ²⁰ Kepha sazi ukuthi iNdodana kaNkulunkulu isifikile , yasinika ingqondo ukuze simazi oweqiniso ; sikuye oweqiniso , kuyo iNdodana yakhe uJesu Kristu. Yena unguNkulunkulu oqinisileyo nokuphila okuphakade. ²¹ Bantwanyana, zilindeni ezithombeni.