¹ Nampa abantwana bakwa -Israyeli ngomumo wabo , izinhloko zawoyise, nezinduna zezinkulungwane nezamakhulu , nezinduna zabo ezazikhonza inkosi kukho konke okwezigaba , ezazingena, ziphuma inyanga ngenyanga ezinyangeni zonke zomnyaka ; kuleso naleso sigaba zazikhona izinkulungwane ezingamashumi amabili nane. ² Phezu k wesigaba sokuqala ngenyanga yokuqala kwakunguJashobehamu indodana kaZabidiyeli ; esigabeni sakhe kwakukhona izinkulungwane ezingamashumi amabili nane. ³ Wayengowabantwana bakwaPheresi , inhloko yazo zonke izinduna zempi ngenyanga yokuqala. ⁴ Phezu kwesigaba senyanga yesibili kwakunguDodayi umAhohi nesigaba sakhe; kwakukhona nombusi uMikiloti ; esigabeni sakhe kwakukhona izinkulungwane ezingamashumi amabili nane. ⁵ Induna yesithathu yempi ngenyanga yesithathu kwakunguBenaya indodan a kaJehoyada umpristi, inhloko; esigabeni sakhe kwakukhona izinkulungwane ezingamashumi amabili nane. ⁶ Nguye lowo Benaya owayeyiqhawe labangamashumi amathathu nowayephezu kwamashumi amathathu ; owesigaba sakhe kwakungu - Amizabadi indodana yakhe. ⁷ Eyesine ng enyanga yesine kwakungu -Asaheli umfowabo kaJowabe noZebadiya indodana yakhe emva kwakhe ; esigabeni sakhe kwakukhona izinkulungwane ezingamashumi amabili nane. ⁸ Eyesihlanu ngenyanga yesihlanu kwakunguShamhuti umJizirahi ; esigabeni sakhe kwakukhona izinkulungwane ezingamashumi amabili nane. ⁹ Eyesithupha ngenyanga yesithupha kwakungu -Ira indodana ka -Ikheshi waseThekhowa; esigabeni sakhe kwakukhona izinkulungwane ezingamashumi amabili nane. ¹⁰ Eyesikhombisa ngenyanga yesikhombisa kwakunguHelesi umPheloni wabantwana bakwa -Efrayimi; esigabeni sakhe kwakukhona izinkulungwane ezingamashumi amabili nane. ¹¹ Eyesishiyagalombili ngenyanga yesishiyagalombili kwakunguSibekayi umHushati kumaZera ; esigabeni sakhe kwakukhona izinkulungwane ezingamashumi amabili nane. ¹² Eyesishiyagalolunye ngenyanga yesishiyagalolunye kwakungu -Abiyezeri umAnathoti wabakwaBenjamini ; esigabeni sakhe kwakukhona izinkulungwane ezingamashumi amabili nane. ¹³ Eyeshumi ngenyanga yeshumi kwakunguMaharayi waseNethofa kumaZera; esigabeni sakhe kwakukhona izinkulungwane ezingamashumi amabili nane. ¹⁴ Eyeshumi nanye ngenyanga yeshumi nanye kwakunguBenaya umPirathoni wabantwana bakwa-Efrayimi; esigabeni sakhe kwakukhona izinkulungwane ezingamashumi amabili nane. ¹⁵ Eyeshumi nambili ngenyanga yeshumi nambili kw akunguHelidayi waseNethofa ka -Otheniyeli; esigabeni sakhe kwakukhona izinkulungwane ezingamashumi amabili nane. ¹⁶ Phezu kwezizwe zakwa -Israyeli kwakuyilaba: kwabakwaRubeni u-Eliyazeri indodana kaZikiri wayengumbusi ; kwabakwaSimeyoni nguShefathiya indodana kaMahakha; ¹⁷ kuLevi nguHashabiya indodana kaKemuweli; ku-Aroni nguSadoki; ¹⁸ kuJuda ngu-Elihu wabafowabo bakaDavide; ku-Isakare ngu-Omri indodana kaMikayeli; ¹⁹ kuZebuloni ngu -Ishmaya indodana ka -Obadiya; kuNafetali nguJeremoti indodana ka-Aziriyeli; ²⁰ kubantwana bakwa-Efrayimi nguHosheya indodana ka -Azaziya; enxenyeni yesizwe sakwaManase nguJoweli indodana kaPhedaya; ²¹ enxenyeni kaManase wakwaGileyadi ngu -Ido indodana kaZakariya ; kuBenjamini nguJahasiyeli indodana ka-Abineri; ²² kuDani ngu-Azareli indodana kaJerohamu. Yilabo ababe yizinduna zezizwe zakwa-Israyeli. ²³ Kepha uDavide akabalanga umumo waba neminyaka engamashumi amabili nabangaphansi, ngokuba uJehova wayeshilo ukuthi uyakwandisa u -Israyeli ukuba abe ngangezinkanyezi zezulu. ²⁴ UJowabe indodana kaSe ruya waqala ukubala , kepha akaqedanga; kwaba khona ulaka ngalokho phezu kuka-Israyeli, nomumo awufakwanga encwadini yezindaba zemihla ngemihla yenkosi uDavide. ²⁵ U-Azimaveti indodana ka -Adiyeli wayephethe ingcebo yenkosi ; uJonathani indodana ka-Uziya wayephethe izinto emasimini , nasemizini, nasemizaneni, nasezinqabeni; ²⁶ u-Eziri indodana kaKelubi wayephethe abenza umsebenzi wasendle wokulima umhlabathi; ²⁷ uShimeyi waseRama wayephethe izivini; uZabidi waseShefamu wayephethe iwayini elibekelelweyo lithathwe ezivinini; ²⁸ uBali Hanani umGederi wayephethe iminqumo nemikhiwane eyayisehlanzeni; uJowashi wayephethe imigodi yamafutha; ²⁹ imihlambi eyayiklaba eSharoni yayiphethwe nguShitirayi umSharoni , nemihlambi eyayisezigodini yayiphethwe nguShafati indodana ka-Adilayi; ³⁰ u-Obili wakwa-Ishmayeli wayephethe amakamela ; uJehedeya umMeronoti wayephethe izimbongolo; ³¹ uJazizi umHagiri wayephethe izimvu . Bonke labo babe yizinduna zemfuyo yenkosi uDavide. ³² UJonathani, uyisekazi kaDavide , wayengumluleki, wayengumuntu ohlakaniphileyo nombhali; uJehiyeli indodana kaHakimoni wayenamadodana enkosi; ³³ u-Ahithofeli wayengumluleki wenkosi ; uHushayi umArki wayengumngane wenkosi; ³⁴ emva kuka -Ahithofeli kwakunguJehoyada indodana kaBenaya no - Abiyathara; uJowabe wayeyinduna yempi yenkosi.