¹ Wonke u -Israyeli wabuthana kuDavide , wathi: Bheka, thina siyithambo lakho nenyama yakho. ² Nangesikhathi esidlulileyo uSawule eseyinkosi , nguwe o wakhipha nowangenisa u -Israyeli; uJehova uNkulunkulu wakho wathi kuwe : Wena uyakwalusa abantu bami u -Israyeli, wena uyakuba ngumbusi wabantu bami u-Israyeli. ³ Kwase kufika onke amalunga akwa -Israyeli enkosini eHebroni ; uDavide wenza isivumelwano nawo eHe broni phambi kukaJehova; amgcoba uDavide ukuba abe yinkosi kwa -Israyeli njen gezwi likaJehova ngesandla sikaSamuweli. ⁴ UDavide naye wonke u -Israyeli baya eJerusalema eliyiJebusi ; amaJebusi ayakhe kulelo zwe ayeselapho. ⁵ Abakhileyo eJebusi bathi kuDavide : Awuyikungena lapha . UDavide wathatha nokho inqaba yaseSiyoni engumuzi kaDavide. ⁶ UDavide wathi: Lowo ochitha amaJebusi kuqala uyakuba yinhloko nenduna. Kwenyuka kuqala uJowabe indodana kaSeruya, waba yinhloko. ⁷ UDavide wahlala enqabeni; ngalokho bayibiza ngokuthi umuzi kaDavide. ⁸ Wakha umuzi nxazonke kusukela eMilo kuya nxazonke; uJowabe wavusa okuseleyo komuzi. ⁹ UDavide waqhubeka njalo ngokukhula , ngokuba uJehova Sebawoti wayenaye. Amaqhawe kaDavide ¹⁰ Yilaba abayizinhloko zamaqhawe uDavide ayenazo , zibambelela kuye ngamandla ebukhosini bakhe kanye naye wonke u-Israyeli ukumbeka inkosi njengezwi likaJehova ngo-Israyeli. ¹¹ Nanku umumo wamaqhawe uDavide ayenawo : uJashobehamu indodana yomHakimoni, inhloko yamashumi amathathu ; waphakamisela abangamakhulu amathathu umkhonto wakhe, wababulala ngasikhathi sinye. ¹² Emva kwakhe ngu -Eleyazare indodana kaDodo umAhohi owayengomunye wamaqhawe amathathu. ¹³ WayenoDavide ePhasi Damimi ; amaFilisti abuthana khona ukuyokulwa , lapho kwakukhona isiqephu sezwe esigcwele ibhali ; abantu babaleka ebusweni bamaFilisti. ¹⁴ Bema phakathi nesiqephu sezwe , basophula, bawabulala amaFilisti ; uJehova wabasindisa ngokusindisa okukhulu. ¹⁵ Kwehla abathathu kwabayizinhloko ezingamashumi amathathu , baya etsheni kuDavide emhumeni wase -Adulamu; impi yamaFilisti yayimise esiGodini samaRefa. ¹⁶ UDavide wayesesenqabeni, ikhanda lamaFilisti laliseBetlehema. ¹⁷ UDavide wanxanela , wathi: Hawu, sengathi ngingaphuziswa amanzi asemthonjeni waseBetlehema owawungasesangweni. ¹⁸ Labo abathathu bafohla ikamu lamaF ilisti, bakha amanzi emthonjeni waseBetlehema owawungasesangweni , bawathatha, bawaletha kuDavide ; kepha uDavide akavumanga ukuwaphuza , kodwa wawathululela uJehova , wathi: ¹⁹ UNkulunkulu wami makangenqabele ukuba ngenze lokhu ; ngiyakuphuza igazi lalaba bant u ababe sengozini na ? Ngokuba bawaletha besengozini ; akavumanga ukuwaphuza. Lezo zinto zenziwa yilawa maqhawe amathathu. ²⁰ U-Abishayi umfowabo kaJowabe wayeyinhloko yabathathu , ngokuba waphakamisela abangamakhulu amathathu umkhonto wakhe , wababulala, waba negama phakathi kwalaba abathathu. ²¹ Kulaba abathathu wayetusekile kunababili , waba yisikhulu sabo , kepha akafinyelelanga kwabathathu bokuqala. ²² NoBenaya indodana kaJehoyada, indodana yendoda enamandla, owayenze imisebenzi emikhulu , owaseKabiseyeli, wabulala amaqhawe amabili akwaMowabi; futhi wehla, wabulala ingonyama phakathi komgodi ngosuku lweqhwa. ²³ Wabulala nowaseGibithe, umuntu omude, eyizingalo eziyisihlanu; esandleni sowaseGibithe kwakukhona umkhonto onjengogongolo lomaluki ; wehlela kuye ephethe i nduku nje, wawuhlwitha umkhonto esandleni sowaseGibithe , wambulala ngomkhonto wakhe. ²⁴ Lezo zinto wazenza uBenaya indodana kaJehoyada, waba negama phakathi kwalawo maqhawe amathathu. ²⁵ Bheka, wayetusekile kunabangamashumi amathathu, kepha akafinyelelanga kwabathathu bokuqala; uDavide wambeka phezu kwabalindi bakhe. ²⁶ Amaqhawe anamandla nanka : u-Asaheli umfowabo kaJowabe , no- Elihanani indodana kaDodo waseBetlehema, ²⁷ noShamoti waseHarori, noHelesi wasePheloni, ²⁸ no-Ira indodana ka-Ikheshi waseThekhowa, no-Abiyezeri wase-Anathoti, ²⁹ noSibekayi umHushati, no-Ilayi umAhohi, ³⁰ noMaharayi waseNethofa, noHeledi indodana kaBahana waseNethofa, ³¹ no-Ithayi indodana kaRibayi waseGibeya labantwana bakwaBenjamini, noBenaya wasePirathoni, ³² noHurayi wangasemifudlaneni yakwaGahashi, no-Abiyeli wase-Araba, ³³ no-Azimaveti waseBaharumi, no-Eliyaba waseShahaliboni, ³⁴ namadodana kaHashemi waseGizoni , noJonathani indodana kaShage waseHarari, ³⁵ no-Ahiyamu indodana kaSakri waseHarari, no-Elifali indodana ka-Uri, ³⁶ noHeferi waseMekeri, no-Ahiya wasePheloni, ³⁷ noHesiro waseKarmeli, noNaharayi indodana ka-Ezibayi, ³⁸ noJoweli umfowabo kaNathani, noMibihari indodana kaHagiri, ³⁹ noSeleki wakwa-Amoni, noNaharayi waseBeroti , udibi lukaJowabe indodana kaSeruya, ⁴⁰ no-Ira waseJetheri, noGarebi waseJetheri, ⁴¹ no-Uriya umHeti, noZabadi indodana ka-Ahilayi, ⁴² no-Adina indodana kaShiza wakwaRubeni , inhloko yakwaRubeni , enabangamashumi amathathu, ⁴³ noHanani indodana kaMahakha, noJeshoshafati umMiteni, ⁴⁴ no-Uziya wase -Ashitaroti, noShama noJehiyeli amadodana kaHothamu wase-Aroweri, ⁴⁵ noJediyayeli indodana kaShimri, noJoha umfowabo umThisi, ⁴⁶ no-Eliyeli umMahavi , noJeribayi noJoshaviya amadodana ka -Elinahama, no-Itima wakwaMowabi, ⁴⁷ no-Eliyeli, no-Obede, noJahashiyeli umMesoba.